توّك تذكرتني وابكاك صوت الكمان=وفكّرت تحي المحبه وانت قتالها
ماودي اصدمّك بس اربط حزام الأمان=وامسك مشاعرك لاتسري على فالها
ليلة رجوعك مهي ليلة وداع رمضان=مافيه ميزه تقدّس عندي هلالها
ماهيب لحية رجعت وحن قلبك ولان=ويممت ديرة غلاك ودجت بأطلالها
وش عاد يمديك تلحق يالله المستعان=هو فيه حاجه بقت بعدك على حالها
ماعدت ذاك الحبيب ولا الزمان الزمان=اسمح لي آقول ذبح اشواقك اشوالها
اخير ذبح المشاعر من حياة الهوان=وناسً تبيها ولا عادك على بالها
مدري تأخرت فعلاً لين فات الأوان=ورايتك بالصدر مر الريح وأشتالها
والا شعوري تجاهك مات عند المكان=اللي معك فيه روحي ماتت آمالها
الحاصل اني فقدت مع افتقاد الحنان=معنى (سعادة غلابا الحب بوصالها)
ماعاد للشمع طاري وانت يالشمعدان=الله يعوضك لو انك ما انته الا لها
خذ علم مني من الواقع حكاه اللسان=وكلمه لغيرك يحلف انه فلا قالها
لاسقت عشّرك وعوّد راس مالك ثمان=رجعت مكاسبك لا تقعد تحرالها
يعوضك الله مثل ما عاضني يوم كان=اصدق عباره لوصف الحال (يرثالها)
اعطاني الله ثلاث أمور فأربع ثوان=الصبر والنوم واللي جعلي أفدالها
هي والله اللي محبتها عليها ضمان=ياليتني بين لبّتها وسلسالها

المشاركة الأصلية كتبت بواسطة طالب الروقي العتيبي (المشاركة 1313195) مساكم الله بالخير شهر مبارك وكل عام وانتم بخير سعيد بتواجدي معكم يا شدايد حزامي الله لا يهينكم