| معجب العتيبي |
02-Apr-2009 10:49 PM |
معجب العتيبي
تعال يابندر يابو سلطان والموضوع جاك=ياشاعرن حول البحر جبت القصيده كلها
خاويت ناصر يالعتيبي يوم ماربي هداك=الظاهر اانك عقب ماغاب الوزير تفلها
بندر المرشدي
الاولة والثانية جعل الولي يسعد مساك = والثالثة هل العلوم إلي بصدرك هلها
ياللي دوامك فالوزارة لاتحسبني كماك =اانا الوزارة يوم واحد ما وقفت بظلها
معجب العتيبي
ياصاحبي بندر ترا والله مانمزح معاك = بعض السوالف عنك تكفى يالعتيبي خلها
تقولها والعلم في صدرك يابندر ماخفاك = انصحك قبل تقولها عاين كذا وافطن لها
بندر المرشدي
انته مصدق لك عرب مار العـرب تكذب علاك = اللي تعرض للصياح صياح .. لا ترسلها
آثرك لا زعل الوزير من الزعل يظلم سماك = وان جيتني تزمر عليه والسيوف تسلها
معجب العتيبي
اثباتنا بيّن وجبنا النصح من زايد غلاك = وان كان تبغى نثبت الموضوع عندي حلها
الخير كل الخير معهم مير قلّ الله حلاك = لاتنكر الموضوع ودروب السعاده دلها
بندر المرشدي
ان لم ترا رب البشــر .. تراه يامعجــب يراك = قيل الظليمــة تهلك الظالــم ولــو طبلها
الخير من عند الولي واللي تقوله ما عطاك = معجب مقضي فالوزارة من حياته جلها
معجب العتيبي
راجع قصايدك الجديده واحذر دروب زملاك = واماكنن في ماضي الايام ماتدخل لها
راجع حديث المصطفى قدام لانبحث خفاك = والمدرسه يابندر احذر لاتقول املّها
بندر المرشدي
انا زملاية من بعيدين النظر وانته بلاك = ان زملاك من الوزارة حولها في حلها
وش فيك يامعجب من الموضوع جاء فيك ارتباك = الظاهر أن الثانية يالذيب ما انت بخلها
معجب العتيبي
مهما تقول وتستفز الناس ماتنسى خطاك=يالشاعر الموهوب صل فروض ربك صلها
امشي على وضح النقا مامشي معك والا وراك=والثانيه ماهيب الي ياللي تبا تاصل لها
بندر المرشدي
أن كان ما أعجبك الوضع ما قدمك الا زر back= يامل عينك لا استوى ميقافنا ياملها
ان كان تبغى االتالية ياسيد الشجعان: هاك=كل العلوم اللي نطري ما انته بقدٍ لها
معجب العتيبي
ياكبرها لاوالله الا بان يابندر عماك=عينك وراك براس الاصبع يالغشيم تخلها
لايرتفع ضغطك ويظهر ماخفا عند عملاك=الحمله اللي من نصيبك يالسنافي شلها
بندر المرشدي
اليا رجعنا للحقيقة ما بغيت اكسر عصاك=هوج الروابع ما نميز كثرها من قلها
يوم ارتفعنا للسماء لا يرتخي عنّا مداك=قدم يمينك للثمينة بالثمين وتلها
|
