|
الى الاخ:الامير
انا لم اقصد شخص بعينة فيما كتبتة سابقا انما هذا ما اتبعة في حياتي وهذة مراجل وليست لعب اولاد . فكلا لقبيلة عتابة والمطران تاريخ لايمكن نكرانها... وفي الختام اختم كلامي بحديث الرسول صلى الله علية وسلم: حيث قال(أيها الناس ألانبئكم بخياركم, قالوا بلى قال:الذين إذا رؤوا ذكر الله, إذا تكلموا كان كلامهم لعز الاسلام ونجاة النفوس وصلاحها لالعز النفوس,وطلب الدنيا,وكانوا لعلمهم مستعملين ولرأيهم متهمين ولسبيل أسلافهم متبعين, وبكتاب الله وسنة نبية متمسكين ,والخشوع لباسهم, والورع زينتهم, والخشية حليتهم, كلامهم الذكر وصمتهم الفكر,ونصيحتهم للناس مبذولة, وشرورهم عنهم مخزونة, وعيوب الناس مدفونة,ورثوا جلاسهم الزهد في الدنيا لإعراضهم إدبارعهم عنها, ورغبوهم في الاخرة لإقبالهم,وحرصهم عليها) والسلام خير ختام |
شوف كلمني بالعقل يالخنفري
اول مره كلمتكم قلتولي جيب دليلك حنا العلوم ناخذها من شيابنا والشايب على الفطره لا يمكن انه يكذب جبتلكم سالفت ذيب راح تقول ليش لان مافي دليل غير كلام الشيبانكم اما عن كتب المؤرخين في تحتوي على نقص كبير ولا يوجد كتاب لا يوجد فيه نقص غير القرأن الكريم يقولون الاخوان ليش تذكر قصايد راكان انتم تقولون ان مطير تصنع نفسها بالكذب وتزيف فا جبت قصيدة راكان في مدح مطير وعدة رجال من عتيبه يمدحون مطير يقول الاخ ليش تجيب الاكوان التي ليست مع عتيبه تذكير حيث لا يقول واحد فيكم تاريخكم صفر يقول الثاني ليش تجيب قصيدة العاتي بنت شليويح كانت القصيده في موت ضيف الله بن عميره (ونعم الذكر) مشكور على الحديث يا نايف |
الخنفري
لا لا لا
|
لا لا لا
|
يابو الاماره من حاورناك
والى الان لم تجيب لنا مصدر على سوالفك |
الفضل للي حمو في شرعهم عابر سبيله **** نم بامان اخوان نوره يالخنفري ولا تمنى
|
عمرك قعدة مع شايب وقالك مصدري الكتاب الفلاني
لا يا حبيبي انا اجيبلك السالفه مثبته بقصيده مثل سالفة ذيب لا يوجد فيها لا كتاب ولا مرجع ولا حتى قصيده وانتم لاحد الحين ماجبتلي دليل واحد |
يا ابو اماره
الشعر سهل ان الرجال يكتبه ومحاكيك شاعر يعني اقدر الف لي سالفه واكتب عليها قصيدة لا واذكر رجال مشهورين في القصيدة وهذي حصلت معكم كتبتو قصيد ولفقتو عليها سوالف وبالنهايه طلعو شباب من جيل هالوقت هم اللي كاتبين القصيد لا واساميهم معروفه ولكن لما اقولك هات لي مصدر هذا يثبت صحة قولك وبالنهايه اشكرك على هالبيت اللي مدحت فيه اخوان نوره لانهم يستاهلون المديحه ولانني انا وياك في امانهم ياعزيزي :D:D هذا شي يكفي |
اهداء خاص
والله يالولا حاكم الشعب صيروم ..... سلطة سلاطين العرب صيرماني ليجي نهارٍ مثل عرجا هاك اليوم ..... يوم المطيري فازعٍ لقحطــــــاني ربعي عتيبه كنهم دولة الـــروم ...... الدوله اللى يقطعــــــــون الاذاني تحياتي |
تسلم يابو الفريس.......
منهو قايلها؟ |
وانت سالم اخوي ليل
لكني والله ماعرف من قالها وبحثنا عنه وتضاربت الاقوال ولكن ممكن الاخوه يفيدوننا وفيه بيت اخر علشان اقولك كل اللي احفظه منها اهلك شيخانٍ ذرى كل مضيوم ......... وهل سيوفٍ يبترن المثاني تحياتي |
يا الخنفري اول شي
انا بامان الله ثم بامان اخوان مريم وبعدين انا ما سئلتك انت شاعر ولا لأ والبيت اهداء خاص لك مدام انك شاعر رد على البيت |
الفضل للي حمو في شرعهم عابر سبيله **** نم بامان اخوان نوره يالخنفري ولا تمنى
بالله عليك هذا بيت شعر !!!!!!!!!!!!!!!!!!!!!!!!!!!!! مكسور ورايح وطي كنه سالفه |
تبيني اعدله
عيب يابابا.......... اما ان تتعلم كيف تخاطب الرجال ,,,,,,,,,, والا ان تغادر . |
الصراحه اترفع عن الرد عليك لان الناس مقامات ولا اريد النزول الى مستواك
واشره على ادارة المنتدي سريعين في حذف مواضيعنا نحن ابناء القبيله ومن يسب ويتكلم من خارج القبله لا يمس كلامه ولاحتى يعدل ولكن ياالمطيري احمد الله على نعمة الاسلام ولاتامن الدنيا يمكن الامور ان تعود مثلها منول تراها على وشك على ماقالوا :: لاتامن الدعات لو في القبر |
الأخ أبوفراس .........أنت أسم رنان في المنتدى
أرفع نفسك ياولد العم عن مجاراة هالعالم !!!! |
يالمطاري
لا تخرجنا من موضوعنا رد علي البيت وماني عارف ايش قابل الرجاجيل والحجه بالحجه خن عنك امورك اللي مهب سارتك قال ايه عاوز يقلبها محاوره |
عمرك شفت حوار رجل واحد مع شله
انا على حق بس منو فيكم راح ينصفني اكيد ما فيه انت تقول ماعندك مصدر من كتب ومراجع انا راح اعطيكم مثال عمرك شفت شايب يقول انا مصدري الكتاب الفلاني ! التكرار يعلم الشطار مع باقة ورد وزهور لي الخنفري على البيت الجزل |
اخوي الامير كم عمرك , اذا كنت متعدي الميه سنه مسموح مانبي منك مصادر؟؟؟؟؟؟؟؟؟؟؟
|
:Dالمطاري
نشدنا شيبانا عن معركة وريط فقالو لا نعلم عنها ولا سمعنا فيها عشان كذا نبي منك المصدر اللي مدون السالفه فيه ياخي افهم نبي منك مصدر عشان نصدق سالفتك لا تقولي شيبانك انسى الامور هذي هذا يدل على ضعف حجتك وحاب تمشي السالفه على مشتهاك . .اما قولك بانك تقابل اكثر من شخص فقولك انت اللي بليت عمرك واقولك ( عيبن على الرجال يتقي عقب مابان ) . . . وين البيت اللي انا قلته :D |
اقتباس:
|
فهيد العتيبي
جديد على الشله توك طازج او لحمك طري لا تدش حامي ونرد على سؤالك ههههههههه هههههههه |
الأخ العضو الذهبي (عين العقل )
1/هل تستطيع ترفق أسماء مصادرك التي دونت أحداثها بالتاريخ؟؟؟ 2/ هل صدقتم أنفسكم أنكم حاربتم ثلاث قبائل وهزمتموهم بدون آن تنهزمون وهم مطير وحرب وقحطان؟؟؟ 3/ هل لديكم مصادر محائدة في ما تكتبون آم قول أشيبان ؟؟؟ 4/ هل لديكم احترام لمشاعر القبائل ؟؟؟ وما هو الدليل على ما تقول؟؟؟ أخواني أبناء قبيلة عتيبة الهيلا . يوسفني جداً ما تطرحونه في منتداكم من أقاويل المعارك والتي لم تهزموا فيها ابداً ولو كان ذلك صحيح لكان هجرتم القبائل المجاورة لقبيلة عتيبة . أخواني كل قبيلة ما ترضى مس كرامتها وإذا ولابد آن تكتبون عن موقعات الجاهلية التي قبل توحيد المملكة فعليكم بالمصداقية في القول وذكر الهزيمة والنصر والتعادل والسماء القتلى من الجانبين واسم المصدر الذي تستندون أليه . أخيرا القبائل التي تجاور عتيبة في الجاهلية لا يزالون يجاورنها ألان والدليل انهم آخذو حقهم وحافظو على وجودهم في أرضهم . |
ارجو من الاخ عين العقل ان يعذرني لتدخلى في الاجابه والكلام موجهه له
س1: هل تستطيع ترفق أسماء مصادرك التي دونت أحداثها بالتاريخ؟؟؟ ج1 : نعم المصادر موجوده لمعارك عتيبه الكبرى وانتصاراتها وعلى سبيل المثال مناخ عرجا ارجع لكتاب ابن بليهد فيه ... وقعة معتق ارجع لمخطوطة النجم اللامع للعبيد معركة طلال ارجع لمخطوطة النجم اللامع للعبيد س2 : هل صدقتم أنفسكم أنكم حاربتم ثلاث قبائل وهزمتموهم بدون آن تنهزمون وهم مطير وحرب وقحطان؟؟؟ ج2 : المشكله ليست فينا بل فيكم انتم لماذا لاتصدقون !!! مع ان جميع المصادر محايده ومن كتبها من حاضرة نجد ليس لهم مصلحه وبعضهم معاصر للحدث ... واحيانا قد يصل عدد القبائل الى سبع قبائل ضد عتيبه كما في مناخ الضال س3 : هل لديكم مصادر محائدة في ما تكتبون آم قول أشيبان ؟؟؟ ج3 : نعم وقد ذكرناها لكم وهي موجوده في المكتبات واطلعوا عليها ... وحنا الى الان ماجبنا اقوال شيباننا س4 : هل لديكم احترام لمشاعر القبائل ؟؟؟ وما هو الدليل على ما تقول؟؟؟ ج 4 : هذي هي الحقيقه واحترام الطرف الاخر ان تصارحه خصوصاً ان مانذكر واقع وموجود في امهات الكتب .. اما عدم الاحترام فهو الخداع والمجامله في غير محلها ثم ان هذا ماضي وانتهى لانملك نحن ولاغيرنا تغييره ونحن ايضاً يؤسفنا مانراه من تزوير للتاريخ وعدم الاعتراف بالمصادر.... والنصر والهزيمه امر من تدبير العزيز الحكيم ولكن الكذب هو عيب الرجال ثم اننا لم ناتي بشي من عندنا او من بنات افكارنا قلنا العبيد يقول كذا والبليهد يقول كذا وفلبي قال كذا ... هولاء اطراف محايده لماذا لاتصدقونهم اما انها العاطفه والعنصريه قاتلها الله اخيرا منازل القبائل اوبعضها يتغير في الجاهليه والاسلام والى عهد قريب قبل حكم الملك عبد العزيز والشواهد كثيره من اناس اقدم منا ورجع للبليهد وماقال في هذا وغير ه تحيااااااااااااتي |
لافض فوك يابو الفريس..........
|
ولكن يبقى سؤال اخينا المهم:
س4 : هل لديكم احترام لمشاعر القبائل ؟؟؟ وما هو الدليل على ما تقول؟؟؟ هل من الادب والاحترام ان نسكت على هجوم بغيض حاقد على مدى سنتين , دون ان يكون لنا حق الرد؟؟؟؟ |
هلا اخوي ليل
المشكله ماراح يفهمون ابدا ... لان هذي عقده نفسيه متوارثه والصفات المتوارثه اقوى الصفات فلوا كانت مكتسبه ممكن تتغير وبعدين يا ليل اي انسان عاقل ومدرك في لحظة تفكير بسيطه مع نفسه يجب انه يسألها سؤال واحد فقط .... ليه جميع المصادر تذكر ان عتيبه هي المنتصره في اغلب معاركها لايمكن ان يكونوا متحيزين ابدا ولو تحيز واحد خالفوه الاخرين ابن بليهد وش مصلحته العبيد من عنيزه ليه يذكر انتصارات عتيبه البسام رجل علم وثقه هل يتحيز ولماذا ابن عيسى قاضي ومدرس وخطيب هل يكذب فلبي .. لوريمر .. اوبنهايم .. حبيب .. اجانب ماله مصلحه في اي شي والله غريب ان يتفق كلهم مع عتيبه وينسون القبائل الاخرى !!!!!!!!!!!!!!!!!!! لكن الله يهديهم حتى الجغرافيا شككوا فيها !!!!!!!! |
يا عتيبه
حنا نتكلم عن القبايل احداث ليست بعيده يعني لا نحتاج لي كتب تثبت ماعمري سمعت احد غير العتبان يقولون وين مصدرك حنا بدو السالفه تثبتها القصيده وبعدين روح اقرى شنوكاتب الصنهاتي ولد عمك يقول هل الذين الفوا وكتبوا المصادر حضروا المعارك بأنفسهم ودونوا ما رأت عيونهم ام اعتمدوا على مانقله الرواه وما سمعوا من غيرهم ولد عمك يرد عليك في معركة العصلا سراحه عيب تكلم بعد وتقول وين مصدرك ولد عمك اسكتك بعدين الاخ فراس شكو الجغرافيا في علم التاريخ ومسوي فيها انك فاهم هطلش |
المشكله مناقشة الجاهل دائما لانه لايقتنع ولايفهم ولايقنعك ولاتدري ماذا يريد وباي طريقه يفهم !!!!!!!!!!!!
اذا استطعت ان تنفي ماذكرنا من مصادر عربيه واجنبيه ولو بمصدر واحد ناقشناك ... وكلام شيبانك ليس له اي وزن عندنا ووفره لنفسك والجغرافيا لها ارتباط بالتاريخ ولكن اجهل اعظم الامراض انظر ماذا فعل تاريخ الحروب القديمه والحديثه بجغرافيا العالم وتوزيع القبائل والدول |
الى على طاري المصادر .......
من فيكم زار مجالس حمران النواظر ... الريجيل قلبوا عرجا على حرب ويقولون أن المناخ كان على حرب ومطير جات فازعة لأن لها مع حرب ماقف ... ههههههه ذكروني بماقف البديعة .... كل فركاتهم سببها .... مااااااااااقف !!!!!!!!!!!!!!!!!!!!! |
انت تقول اني جاهل مارد عليك
انت اصغر من ان ارد عليك يقول الجغرافيا لها ارتباط بتاريخ نحن نتكلم عن التاريخ ما لنا دخل يوجد ارتباط اول لا ارجع الى النقاش حيث لا تجد اي مرجع اجنبي تقول ان كلام الشيبان ليس له وزن عندك هذا يدل على انك انت لا تريد ان تفهم الشيبان هم من حفظوا التاريخ وحفظوا القصايد وعاشوا على تلك الفتره التي لم تعشها والكلام معك مهما كان ضايع ممكن تقول الكلام لي ولد عمك الصنهاتي ولا علشانه منك ما تعرضه ( تناقض ما لنا الا السكوت عنه ) |
يابو الاماره
الحين صارت المصادر التاريخيه كذب والمصادر التاريخيه غير معتمد عليها الحين المؤرخين ابن خميس والبسام وابن بليهد والزركلي والعبيد و الاجانب اللي مغتربين عن اهلهم فلبي وغلوب باشا صارت علومهم مو مصدقه اجل ليه مشقين اعمارهم ويكتبون لاناس ماهم من صلبهم ياخي اجل وش الصدق ؟ موضوعك وريط قلنا لك عطنا مصدر قلت انشدو شيبانكم رحنا ونشدنا قالو والله ماسمعنا عنها قلنا عطنا مصدر تاريخي نتححق منها قلت مافي قلنا لك في اي عام مارديت قلنا لك من الشيوخ الموجودين مارديت رحنا لعيال عمك المطران طلع لي واحد يقول عتيبه استفزعت بمطير في معارك قحطان وذكر البيت اللي انت قايله يعني انت وعيال عمك منتو عارفين السالفه قلنا زين منو الشاعر قال مدري ياخي بالله عليك هذي سالفه يابو اماره التاريخ محفوظ وانت واللي مثلك يقول اللي يقوله هذا تاريخ لا يقبل للتعديل اي انكتب ودون قال ايه المؤرخين يكذبون هههههههههههههههههه قولن بلا فعل عيبن واضح .... والصدق ما يمحاه طول ازمانها |
يالله عفوك ياكريم
هل هذا بحث في تاريخ وإلا هرقله اريد اجابة واضحه هل نحن جئين لسب والشتم ام جيئنا للبحث وعلوم رجال راحوا بحلوها ومرها يازين البعض ساكت |
شنو المصدر الاجنبي الي جبته
رد عليك الشيباني يازين البعض ساكت |
اي بالله صادق
يازينك ساكت دامك منت محرز تثبيت كلامك |
مصادر ...... مصادر ......... مصادر .... !!!!!
وين وصلنا مع المطران نبيهم يكتبون شيء موثق ........ !!!!!!!! ياخي يوثقون كلامهم وخزعبلاتهم ... مصادر عربجي / أفرنجي ... أي شي بس ... يرضون بالمصادر .... على العموم النقاش مع الأخوان ... (( مضيعة وقت )) ... وشخصيا ... أتحدى ... (( تحدي )) ... يجيكم مطيري يرضي بالمصادر أساس للنقاش ..!!! ... هذا مطيري مستحيل تشوفونه لاهنا ولافي منتدى قبيلته ولا في أي منتدى ثاني .... مطيري دريم ... !!!! ..... ههههههههههه |
بعدين أنت يالمطيري ( الأمير ) ... تبي تناقش من مصادر أجنبية ... أبشر بسعدك ... بس الأول رح أقرا المصادر أذا كنت فعلا تعرفها ... وجهزنفسك ... وبعدين تعال وحدد بنفسك نقطة معينة للحوار ... (( شفت الكرم )) .... بس لاحظ الأتي ....أن المصادر النجدية الي ماهي بعاجبتكم ... كانت رحيمة بكم .... أذا ماقورن محتواها بما وثقة عنكم الخواجات ........ !!!!!!!!!
|
بعدين الأمير ... يقول حنا بدو ... يعني لحد يطلب منا مصادر ..... !!!!!!!
والحقيقة أن الحوادث في الجزيرة العربية خلال ال 200 سنة الماضية معروفة والأختلاف حول التفاصيل ... لايلغي الحقيقة .... مهما بلغت شقة الخلاف ... عندما يكون النقاش حول حادثة معروفة ... والطرفان يتحليان بالنزاهة المطلوبة ... لكن مع بعض الأخوان من مطير ...فأنك ...وللأسف ... وأذالم (( تحشرهم )) بالمصادر ... قلبوا لك التاريخ فوق تحت ... وهزيمتهم راحت نصر ... مثل عرجا والمجمعة والرشاوية والحور والجنيفا .... ألخ ... وفركاتهم المعهودة بتروح كلها .... ((ماااااااا قف)) .... هذا أذا ما أخترعوا لك من الأخبار والأحداث مالم تسمع به ألا منهم ... ومن البطولات .... ومالله به عليم ... وممكن جدا نكتشف أن عتيبة وحرب وشمر وعنزه وسبيع والعجمان ... قبائل من العرب البائدة ... (( أفنتهم مطير )) ....... !!!!!!!! |
نعم مثل ماقال الاخوان ان كان هناك خلاف فهو في تفاصيل بسيطه لاتقدم ولا تؤخر لكن النتائج مافيها خلاف اللي هي النصر والهزيمه فمثلا مافيه اي مصدر اجنبي او عربي يقول ان مطير انتصرت في عرجاء او الجنيفا وغيرها ...
الانسان يعد الحق له او عليه ... والمصادر هذي بعض مؤلفينها عاصر الحدث وبعضهم ينقل عن ناس عاصروه .. |
وشيباننا حنا كلامهم غير كلام شيبان مطير ... يعني نصدق كلام شيبان مطير ونكذب ربعنا .... اذن الفاصل في هذا الخلاف المزعوم هو كلام المؤلفين
هذا ان كان فيه ناس تفهم وتبي الحقيقه |
| الساعة الآن »11:02 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd