المشاركة الأصلية كتبت بواسطة المـرشدي (المشاركة 1162818) مشكور ياأخي عمر الدغيلبي على هاذا الموضوع الرائع وصح لسانك ملايين ياشاعرنا المتميز دائما أخوي فهيد وتسلم وشكرا لكم

صح بدنك

يالمرشدي

شرفتني بتواجدك الكريم لاهنت

تحيتي وتقديري

بيعت ولانا لعبدالله نجددها=يعيش صقر العروبه طير حوراني
ابوٍ حسانيه من يقدر يعددها=من البحر للخليج مريف واماني
بعدالولي مستقره بامر قايدها=المملكه مالها شكلن فالوطاني
دستورها ثابتاتنبه قواعداها=فيها الحكم يستمد بوحي رحماني
وتكاتف الشعب زود غل حاسدها=شعبٍ وفي مادخلهم عرق خواني
واجمل عباره لسان الشعب رددها=ابخير حنا لاطاب الوالد الحاني
ابو يمينٍ مامل المد ساعدها=من كثر مهوب ينفق سر وعلاني
كفه كما المزنه اللي دن راعدها=مرويٍ مطرها جميع الشعب من داني
معالم الخير بينةٍ شواهدها=حضارةٍ بان شاهدها للعياني
ماتنجحد لو قليل الوفق يجحدها=النعمه اللي علينا عزها باني
من هو علينا بعد ربي مركدها=ياكود حنكة ابومتعب كحيلاني
احبالٍ يحلها واحبال يعقدها=يعيش عبدالله القايد وسلطاني
ولي عهد المليك مثبت اعمدها=حاميً حدود الوطن من كل طمعاني
روحه على مقدسات الدار جندها=يطول عمره وعمر النايب الثاني
نايف الياثارت الفتنه يخمدها=ذكره يغيض العداء ويسر صدقاني

لمهمتك ياهاجسي جند قويات العزوم=عن ماقفك ماينقبلك عذر لوتتعذرا
لاتذخر المجهود مامرك مثل هاليوم يوم=فيه المقام اثقل على العاتق من طويق وكرا
اتعب وهات اللي لياعدت تحلق لنجوم=لجل المليك اللي بحبه للقلوب استيسرا
ابوالجميع وراسم البسمه على وجيه العموم=يعيش ابومتعب لنا بعد الله الوالي ذرا
مافيه مثله حاكمٍ عن شعبه اشتال الهموم=ليااستهم الشعب عينه مايطيب لها الكرا
واكبر دليل انه على شعبه كما الاب الرحوم=انه عنه يسأل وهو على السرير مخدرا
عن حال شعبه نشدته قبل من الغفوه يقوم=ماقال عن حالي يادكتور الجراحه وش ترا
عبارة صرح بها متعب عسى عزه يدوم= اوردتها شاهد على شي من الواقع جرا
والشعب من همه بعد ماغاب يسهر ما ينوم=وفرحت قدومه للوطن سرت جميع الخطرا
حنا بنعمه ماجحدها غير افاكٍ ظلوم=الشكر لله في نعيم الخير والامن اخشرا
في المملكه سلم الاخوه بين حاكم ومحكوم=شعب وقياده صف واحد والعصاء ماتشقرا
متكاتفين وجاهزينٍ لدفاع وللهجوم=بقيادة اللي حبه بوسط القلوب معمرا
رمز العداله خادم البيتين ولدينه خدوم=جهده لنشر الدين في شتاالبقاع مسخرا
ونهض بعز المملكه لين اصبحت فوق الغيوم=وعن منجزاته من يبايكتب يبركه الزرا
وانا على حسب المعرفه قلت واوجزت العلوم=والك التحيه ياحبيب الشعب من هالمنبرا

وسلامتكم

شعر الغزل من ثمان سنين ماقلته=وليه سنه ماكتبته غير من شانك
ياللي فتيل الغرام بجوفي اشعلته=وسكّنتني دون غيري وسط وجدانك
اخصلت لي بالغلا وسواي هملته=والله فلا انساك مهما طالت ازمانك
اسمك على القلب ابموية نار سجلته=ومكتوب تحته يبي يموت ماخانك

على الاثر عينه القصاص=وان شاف جره تفحصها
يقول انا فالقضا مفراص=وابوالفضايل وحارصها
تخصصي زلة الاشخاص=الخامله لازم اقنصها
حتى يقولون يالقناص=هات الصور واشرح قصصها
وانابقول له علمً خاص=فالقصه اللي مايبخصها
اخطيت فالحكم يامشقاص=وهالمره اذنك ابقرصها
لاتقرب الضيق يالقصاص=ونفسك ماتقدر تخلصها
قدمك ترا فالبحر غواص=وجميع حاله يشخصها

اخــزانــت الـبـنــك عــنـــد فـهــيــد مـلـيـانــه=تجي له اغلا الجواهر من مصانعها
سعر الذهب مانخفض لوخف ميزانه=ولاالــحــدايـــد تــفــقـــري مـــــــن يـجـمــعــهــا
خسـران مـن حطهـا فـي وســط دكـانـه=يبسـط بهـا الصبـح والمغـرب يرجعـهـا
الـسـلــعــه الــبــايـــره مــاهــيـــب ربــحــانـــه=فــــي يــديــن جـلابـهــا مــحـــدً يـطـالـعـهـا
والشعـرمـثـل الـسـلـع مـايـعــرف اثـمـانــه=غــيــر الــــذي نــــدر الابــيــات يـبـدعـهـا
مــثــايــلــه حــبــكــهـــا مـــاخـــتـــل بــنــيــانـــه=مــابـــان فــيــهــا الـيـاطــالــت تـضـالـعـهــا
امــثــال زيــــد بــــن راجــــح قـــــو قـيـفـانــه=مـاتــفــرق اتـلابـيــوتــه عــــــن مـطـالـعـهــا

هـزيــت بـيــت القـصـيـد وفـــج بيـبـانـة=قـلــت الـنــوادر مـــن اولـهــا لسابـعـهـا
داخــل زوايــاك دور لـــي عـلــى دانـــه=مـيـاســة ٍ قــدهــا يــغـــري ومـفـرعـهــا
منقية ٍ مـن عيـون الشعـر وسمانـه=مــدادهــا الـشـكــر والـتـقـديـر طـابـعـهـا
علـى بيـوت الرويـس فهـيـد ضميـانـه=وفـهـيـد بالـشـعـر مـرويـهـا ومشبـعـهـا
والشعـر مـن قبـل للـروسـان ريضـانـه=روس ٍ تساوت على عرشه مرابعها
ومـحـكـمـيــنــه ونــــقــــاده وفـــرســـانـــه=يمكن تنـاوش مـن اطرافـه بأصابعهـا
فـي صـدر عبـدالله بـن عـون ميـدانـه=الـنـادر الـلـي عـلـوم الطـيـب جامعـهـا