خلك معي ياسلطان الله يخليك انت وابراهيم






عداد مادندن الراعد ولاح البرق من فوق=يامرحبا بالاقارب والاجانب بالنيابه
مالله خلق مثل بالحارث على ذا الارض مخلوق=واللي مهو ذيب يامصلح تعشاه الذيابه

هذا ترحيب عادي والمدخل مدح في بالحارث اهل النسب والحسب


مصلح:

عداد من حج بيت الله وخذ مقضا من السوق=دام البقا يامرحب عن شباب وعن شيابه
عز الله انا علينا للرجال حقوق وحقوق=من غير تقصير في خندف وعزوتنا شبابه

هنا مصلح رد بجواب عادي لان المعنلى لم يبدا بعد

العلاوه:

والله يامدام جسمي فيه نبض ودم وعروق=اني ما سالك سوالٍ منت داري عن جوابه
فصل وانا البس واخذها واعطها والكيف له ذوق=واللي مايطعم حلاها والمراره وش تبا به

البيت الاول بدأ المعنى واربك مصلح
البيت الثاني بيت القصيد على قولهم احدى زوجات مصلح لما علمت بزواجه من البخاريه ذهبت لبيت ابيها اللي من قبيله العلاوه ورفضت الرجوع لمصلح الا بعد طلاق البخاريه وهنا يقول العلاوه فصل وانا البس هات اي شئ ونحاول نرد الحرمه والا طلقها كقوله اللي مايطعم حلاها والمراره وش تبا به اذا لم يعاشرها بمعروف وش تبغا عنده

مصلح:

ياراعي الجوهره زوّد على الصندوق صندوق=واحسب حساب الزمان اللي صرف لك من حسابه
عز الله انا على جزل المعاني هزنا الشوق=سلمت ياراسي اللي ماتميلك العصابه

البيت الاول يقصد به مصلح خلو بنتكم عندكم وانتبه لا افضح سرك انت يالعلاوه مع اليمانيه التي اتهمت بسحره
البيت الثاني يبغا العلاوه يبطّن المعنى او يغيره ويوضح اخر البيت انه ماحسب حساب معناك يالعلاوه بقوله (ماتميلك العصابه)

العلاوه:

انا عدو الزمان اللي صرف لي شيك مسروق=وليا اختلط سيلها بالابطح ايامه تشابه
ماحولنا شر نسلم منه غير الغدر والبوق=والغدر والبوق ملبوس المغفل والغلابه

يقول العلاوه انا ضد زواجك يامصلح من البخاريه وانجابك اطفال يحملون اسم الحارثي لكن اختلط سيلها والابطح وانتم تعلمون معنى العباره هذي جيدا

مصلح:

صبرك عليه وانا صبري ترى المطرود ملحوق=والشر مدري من الهذلان والا من عتابه
لاتحرق القلب ياحماس دم القلب محروق=وليا سلم لي جفير السيف احده في نصابه

البيت الاول لمصلح تهديد للعلاوه وش سبب السحر اللي عمل لك ياعلاوه
البيت الثاني ليا سلم لي جفير السيف ليا انجبت منها ابناء صالحين مافيه مشكله

العلاوه:

انته تدور حناجر في حلوقٍ ماهي حلوق=مدري تعذر عن اللي عاف زاده مع شرابه
ارتاح لاينحرق رزك ترى المجموع مفروق=والمنفرق مجتمع والظلم له ريس عصابه

البيت الاول انت تبغا من البخاريه عيال شغاميم وانت عايف بنات عمك
البت الثاني اللي ورطك تورط بنفسه ولا فادك

مصلح:

مصدرك ماثوق ياراع الوفا مصدرك ماثوق=واللي يعاتبم من قلبٍ نظيف اقبل عتابه
مادمت رجلٍ كفو تقدر ترد الطاق مطبوق=الله يحييك واللي في ظميرك مرحبابه

هنا مصلح اعترف وقال وش اللي تبغا تاصل له

العلاوه:

هي فلة حجاج هي دنيا فرح عاشق ومعشوق=والا صحيح البعوضه خير منها والذبابه
راسٍ مقرٍ يروس الروس والا راس محلوق=ياروس ونفوس ياجنة عذابي يازمانه

البيت الاول يقصد لزواج كان شرعي والا مسيار
البيت الثاني انت من راس عرب وشيخ وطموحك في مثل هذا التفكير

مصلح:

لا والله لها حدود وفي سماها غرب وشروق=من لا يحسب عواقبه تبا تنثر زهابه
والشاعر اللي يبا ياخذ مع الطاروق طاروق=شويه شوي لايقضي على ظرسه ونابه

مصلح هنا يتهرب ويبغا الشاعر الثاني يغير

العلاوه:

دنياي ماهابها هيبة لسان ووجه مصدوق=اموت لاهابني واحيا ليا اعطيته مهابه
حنا نغني يامصلح والسنين تسوق وتحوق=قال المثل صاحب الوادي هو ادرى عن شعابه

هنا يقول هذي مصلحتك وانت ادرى بها


مصلح:

لاتقطع اليأس من دنياك والبارود مسحوق=يالرامي اللي ليا صوبت دققت الاصابه
اسمك مسجل على الصفحات مع برقا ومع روق=وزعتك يافارس الفرسان مافيها طلابه

هنا اعترف مصلح انك فضحتني مع القبايل وافرحت علي الشعراء كلهم


هذا التحليل اتمنى التعليق ياسلطان انت وابراهيم