ياعمران ابن عواض مع كثرة الشعار=عيون العرب يمي ويمك لها فتره
مشينا سوا فالدرب يالفارس المغوار=واخذنا من ألي قبلنا حكمة وعبره
تعبنا على الجزلة ولاشحت الافكار=وكلن كتب شعره وجابه على الفطره
لكن تالي الايام أنا ضايق ومحتار=وفي خاطري علمن بقوله ولاتشره
أنا اشوف برق الصيف يبرق بدون امطار=وكبدي على شوف الهماليل منفطره
بغيت الحيا مير الزمن خاين وغدار=حداني على عد(ن) مافي جوفه القطره
ياعمران من بيني وبينك مافيه اسرار=ولحدن يبي للثاني الموت والعثره
تسمع كلامي زين واخبر به التجار=ترى سوق هذا اليوم ماينظمن بكره
لأن البضايع كان ماتمسك الاسعار=يجي يوم تشرا بالريالين والعشره

هلا مرحبا حييت ياعاسف الامهار=ومثلك يابن صالح ترى مرتفع قدره
أنا وأنت يابراهيم ماهمنا الاخطار=ندوس الخطر واللاش ماينقبل عذره
مشينا سوا فالدرب لو طول المشوار=وكلن وله منهاج سيره وله فكره
ولا أنته بمجبور(ن) تلد العيون يسار=على لفة(ن) فيها الحناظيف منزبره
اخذ سيده وعان الحيا يجذب الانظار=يومن اغلب العربان ماعنده القدره
مادام إن نفسك للحيا دمها قد فار=لاتجلس يابن زراق في فية السدره
تغانم زمانك وادخل السوق لاتحتار =وبيع بخراجك مأنت محدود للكسره
لأن البضايع عندك من الخيار خيار=فلا تقبل مخاشر ولاتقبل الخشره
لو ان الزمن ياصاحبي خاين وبوار =لكن الاكيد الزين مايختلف سعره

المشاركة الأصلية كتبت بواسطة عيضه الثبيتي (المشاركة 1085895) حجز أول ياسلام عليكم ياذوي زراق لشعركم نكهه رائعه صحت ألسنتكم

المشاركة الأصلية كتبت بواسطة مرزوق حمدان العتيبي (المشاركة 1085921) .. . نصان ملئان بالجزاله ولاغرابه صح لسانكــ يابراهيم ولسان عمران ...

المشاركة الأصلية كتبت بواسطة @ـايل (المشاركة 1085994) وعليكم السلام ورحمة الله .. وكل عام وانت طيب صح لسانك يالزراقي وصح لسان عمران الزراقي ابداااااع وسجّلوا اعجابي ..