من بغا فالمرجله والتضحيه درس وتجارب=لا يفوته فعل ابن عاصم واخوه ابن فلاحي
بعد ما كبرت وطالت بين عكفان الشوارب=رجّحوا ميزانها يوم ارتفع صوت الصياحي
في مقامٍ معتبر مشهود من شارق وغارب=فعلهم بين الرجال اخير من سيف الوشاحي
ما لهم غير الوفا والمرجله قصد ومـآرب=الله يسدد خطاهم فـي مواجيـب الفلاحـي
والمواقف بحر .. وفعول الوفا والطيب قارب=يعبر الرجّال فوقه للمعالي والنجاحي
والعرب تاريخهم محفوظ من عابث وخارب=محتوىٍ بيض الفعول اللي كما نور الصباحي
والشعور اللي يثور مع المفاخر والمذارب=من جزالة صاحبه بالطيب . يالاحي ملاحي
والنهايه بعد ما صاب الهدف رمح المحارب=ما بقا الا وقفة اصحاب البنادق والرماحي

المشاركة الأصلية كتبت بواسطة عبدالرحمن الـعتيبي (المشاركة 1180035) صح الله لسانك ياماجد وبيض الله وجهك ووجيهم بالتوفيق

المشاركة الأصلية كتبت بواسطة سيف نت (المشاركة 1180074) صح لساااااااانك

المشاركة الأصلية كتبت بواسطة محمد الذيابي (المشاركة 1180094) صح لسانك ياماجد ومافعله العصيمي والعضياني دليل ان الرجال معادن فهنيئاً للهيلا بهؤلا

المشاركة الأصلية كتبت بواسطة ابو فايح (المشاركة 1180133) صح لسانك وعلا شانك يا ماجد يستاهلون موقفهم مشرف والثناء عليه واجبنا كلنا والله يوفق فالح الغنامي نال إعجاب من يعرف الشعر والباقي على التصويت ولا هو انجاز