فـي بـادي الميقـاف رد السـلامـي=ومصافـح لشيخ(ن) نـزل فـي محلـه
ومعـايـد لربـع(ن) عليـنـا حشـامـي=ثم ابتدي بحـروف شعـري واهلـه
ومن حاضر الميقــاف قبل الختامي=لابـــد يـوفــي عـزوتــن مـاتـذلــه
حـنـا مـعـبـّد مـاغـشـان عـسـامـي=يشـهـد لـنـا التـاريـخ مافـيـه زلـــه
بقـيـادة النـتـاف شـيـخ(ن) زعـامــي=شيخ(ن) زما للمجـد والمجـد دلـه
مغبـش ابـن عابـد سليـل الكرامـي=لـه منزلـن مـثـل النـجـوم المطـلـه
وحنـا هـل الدلـه وسيـفن حسـامـي=وسيفنـا منـصـور فــي كــل حـلـه
نـمـد فنـجـالـن رفـيــع المـقـامـي=وفنجالنـا يغنـي عـن الكـيـف كـلـه
وحنا لنا فـي المجـد ذروة سنامـي=تاريخـنـا مـعـروف مـافـيـه عـلــه
كم مـن دخيلـن عندنـا مايضامـي=نضفـي عليـه بضلنـا فــوق ضـلـه
ولاجا نهارن فيه كسـر العضامـي=ماجـا علينـا فــي المواقـيـف خـلـه
واختـم كلامـي بالوفـا واحتـرامـي=لاهـل الوفـا واعـز مذهـب ومـلـه

المشاركة الأصلية كتبت بواسطة محمد الذيابي (المشاركة 1220738) ,’ ونعم في معبّد وشيخها مغبّش النتاف. وصح لسان شاعرنا القدير خالد مبيريك. كل عام ومعبّد بخير. تقبل مروري. ,’

المشاركة الأصلية كتبت بواسطة مرزوق حمدان العتيبي (المشاركة 1220746) .. . كفو والله صح لسانك ... وونعم بربعكـ .. .

المشاركة الأصلية كتبت بواسطة قـنـاص الـقـوافي (المشاركة 1220768) وحنا هـل الدلـه وسيفـن حسامـيوسيفـنـا منـصـور فــي كــل حـلـه كفو يبن مبيريك وصح لسانك تحيتي

المشاركة الأصلية كتبت بواسطة سنان الرمح (المشاركة 1220914) صح لسانك ياخالد مبيريك تقبل مروري يالجزل