والله المعبود جبار عثرات الكرام=ماحسبنا للحظارم ولا لفلوسها
ماتظويني عليها ولا ليلة ظلام=ولا تعشيني عراميش روس تيوسها
جيت عمي زيد ولياء مهب عمي شمام=والجدايد عند عمي مهي بمروسها
والله انك عندنا من عزيزين المقام=لا تخطف كل شفره وترخي موسها
ولا تغرك كلمة الحق من باطل مرام=لين تلعبك جفوس العرب وانجوسها
انت في صدرك ظمايا وفي صدري حيام=مير الاحمق لويباها تزين يحوسها
وانت راعي كيلتن كلتها عشرين عام=والليالي درستني وأخذت دروسها
كم سحابة صيف طمة مقاديم الغمام=ماورها الا قزحها القديم وقوسها
واليمام مخلن الفرض ويصل القيام=والصفوف الي خلا فه أدربي روسها
ون شكينا الحر(ل) الناس فطرنا الصيام=ون فتشنا كل تمره لقينا سوسها
والرجال الي تشوف انها هشة عظام=اعرفك انك لو تفتش لقيت ظروسها
والغلط معروف لو بين زمزم والمقام=ماتغطيه الحجج لولبست لبوسها
والولد حلقة وصل بين خاله والعمام=من حضرله وقفتن حقله ناموسها
الحقوق ان حلة أثنين وان حرمت حرام=ليش وحده فوق راسي والاخراء أدوسها
والاومور الي تقاس بخواتمها تمام=مير قيسها علي و عليك أقوسها
كيف اخلي خال ابويه وخالن لي لزام=واقعد الموتى وأفتش دفين انفوسها
واتردى في خوالي على فاضي كلام=والرجال أدور الطيبه وتنوسها
والرجال أصحاب الارياء مخولها النظام=ف المواقف تآخذ أشوارها من روسها
والشحاحيح المشاميت مافيها أحترام=لو تقبل روسها المايله وتبوسها
كل ما حسيت بالميل وأرخيت الحزام=رحت في صوكة هوى دايسن خنفوسها
هومتى يوم القيامه فضيله كان قام=مابقي غير البرح تطرد وطعوسها

المشاركة الأصلية كتبت بواسطة أبن حشيان (المشاركة 1228745) الله درك يابو مطر عن مائة قصيدة اشكرك كثير الشكر تحياتي واعجابي لالك

المشاركة الأصلية كتبت بواسطة فهيد الرويس (المشاركة 1228746) صح لسانك يافيصل تحيتي وتقديري

المشاركة الأصلية كتبت بواسطة @ـايل (المشاركة 1228751) الله اكبر الله اكبر نااااريه ماشاء الله صح لسانك واعتلى شانك يالداهيه سجّل اعجابي بكل بيت .. ..

المشاركة الأصلية كتبت بواسطة محمد الذيابي (المشاركة 1228778) ,’ صح لسانك يالغالي. لاهنت. ’,