السلام عليكم ورحمة الله وبركات


مصافحه اولى اتمنى ان تنال على اعجابكم,,,

ثالث ليال البيض من شهر شوال=واربع ميه والف وثلاث وثلاثين
وقدّ الهنوف وخدّها والكرستال=والنظره اللي كلبوها عناوين
وغضّة هدب..واعظم هزيمه لرجال=والونّه اللي جات من بين قوسين
إلها بعيني سلسلة فلم وابطال=ابطالها فالعين ماشافت العين
وحلقاتها مابين ميعاد ووصال=ماتجرح العفه ,ولا تخدش الدين
لاكنّ جرحي جرح واحوالي احوال=وهي تدري بجرحن نزف ليه ومنين
اللي غلاها حط لي سجن واغلال=وقفل على قلبي من يسار ويمين
مابعدها فالعين للغيد مثقال=وفي حبها ما للقصايد براهين
اما انتقل حبي لها عبر الاجيال=والا جنيت التوت والخوخ والتين
احبها حب الاوادم للاموال=وودها ود النحل للبساتين
واعيشها عبره على كل موال=واموت لاطروا فالهوى طاري البين
واخر مراسيل الغلا عبر الارسال=ارسالةن مضمونها بين شطرين
(فالبعد:مايسوى العمر قيمة ريال=وفالوصل:سعر الثانيه بالملايين)

ودمتوا,,

المشاركة الأصلية كتبت بواسطة خالد سفر العتيبي (المشاركة 1322628) الله صصصصصصصح لسسسسسسسسانك

المشاركة الأصلية كتبت بواسطة سعيد مرزوق العبد (المشاركة 1322638) ول ول هذا الهوي ماهو غرامن صناعي صح السانك ذكرتني سعيده وعكارشها

المشاركة الأصلية كتبت بواسطة فهد العازمي العتيبي (المشاركة 1322655) ،، صح لسانك يا ابن بشير لاهنت على الإبداع .

المشاركة الأصلية كتبت بواسطة حمدان العضياني (المشاركة 1322707) الله الله الله كذا ولابلاش صح لسانك ونتتظر الجديد وابن بشير اسم يشرف فالجاهليه وفالاسلام شيخه وشداد وبطوله وشعر