البارحه نوّ القصيد ايميع=وعيني تخيل البرق لا لاحي
وجات القوافي ماشيه تُّبيع=ماتسبق الا أنسام الارياحي
والفكر فالرأس يحضر ويضيع=مجنون صاحي ماني بصاحي
اطوّع بيوت الشْعر تطّويع=وتسعين جنّيه بمسباحي
واقف بميقافي واسدّ الريع=وبالي على الميقاف مرتاحي
ومولعً بالمعرفه توّليع=وزندي على الشعار قداحي
وأن جيت في سوق الشراء والبيع=الله ياماجاء وما راحي!!
الشعر بحر موسعً توسيع=ولا يسبحه ياكود سباحي
والناس تشعر والمذيع يذيع=يالاح ياليحان يالاحي
ولا كل شعرً فالبلد يشيع=لو ينكتب من فوق الالواحي
بعض القصيد مجمعً تجميع=تشليح ومشلّح تشلاّحي
لو ينشر فالمختلف يامنيع=نرميه للأغنام وتتاحي
وبعض الصّور ملمّعه تلميع=والخبل ماترفعه الامداحي
ماتنفع الامداح والتشجيع=و لو يرتفع( خمسه متر) طاحي
ناتجه صفر مربع ً تربّيع=الماحي اصلاً دايمً ماحي
ياشركة الانتاج والتوّزيع=بالِله علاكم كم الارباحي؟
الشعر يبغى شاعرً بدّيع=مثل قصيد الشيخ سداحي
ملح الكلام منوعً تنّويع=ولا يشتكي من زود الأملاحي
جوف القلوب مودّعً توّديع=والقلب اله ظبّه ومفتاحي
واهل القصيد تسمّعه تسّميع=تلقاه مع تاجر وفلاحي
وغير النظم باقي لي مويضيع=فالملعبه وقصور الافراحي
اشوف شعارً ماغير تخيع=وعلومهم دبعه للأصباحي
يازينهم فالذّم والتقطيع=مثل الفقيه وبثّ الأصلاحي
يامكثر الشقان والترقيع=ماعاد ينفع والصبر باحي
ساحه مريضه والعرب وجّيع=يبغى لهم دكتور جراحي
هذا كلام مطلّعه تطليع=من هاجسً بالشعر فوّاحي
قصيدتي وختامها التوقيع=توقيع أخوكم كبتن مناحي

صح لسانك مليون
........
ياكبتن مناحي
وافيه من وافي
ولالي اي تعقيب على المعاني العميقه فيها

المشاركة الأصلية كتبت بواسطة الكبتن مناحي مسيتم بالخير أجمعين...واسمعوا يالرجال الغانمين البارحه نوّ القصيد ايميع=وعيني تخيل البرق لا لاحي وجات القوافي ماشيه تُّبيع=ماتسبق الا أنسام الارياحي والفكر فالرأس يحضر ويضيع=مجنون صاحي ماني بصاحي اطوّع بيوت الشْعر تطّويع=وتسعين جنّيه بمسباحي واقف بميقافي واسدّ الريع=وبالي على الميقاف مرتاحي ومولعً بالمعرفه توّليع=وزندي على الشعار قداحي وأن جيت في سوق الشراء والبيع=الله ياماجاء وما راحي!! الشعر بحر موسعً توسيع=ولا يسبحه ياكود سباحي والناس تشعر والمذيع يذيع=يالاح ياليحان يالاحي ولا كل شعرً فالبلد يشيع=لو ينكتب من فوق الالواحي بعض القصيد مجمعً تجميع=تشليح ومشلّح تشلاّحي لو ينشر فالمختلف يامنيع=نرميه للأغنام وتتاحي وبعض الصّور ملمّعه تلميع=والخبل ماترفعه الامداحي ماتنفع الامداح والتشجيع=و لو يرتفع( خمسه متر) طاحي ناتجه صفر مربع ً تربّيع=الماحي اصلاً دايمً ماحي ياشركة الانتاج والتوّزيع=بالِله علاكم كم الارباحي؟ الشعر يبغى شاعرً بدّيع=مثل قصيد الشيخ سداحي ملح الكلام منوعً تنّويع=ولا يشتكي من زود الأملاحي جوف القلوب مودّعً توّديع=والقلب اله ظبّه ومفتاحي واهل القصيد تسمّعه تسّميع=تلقاه مع تاجر وفلاحي وغير النظم باقي لي مويضيع=فالملعبه وقصور الافراحي اشوف شعارً ماغير تخيع=وعلومهم دبعه للأصباحي يازينهم فالذّم والتقطيع=مثل الفقيه وبثّ الأصلاحي يامكثر الشقان والترقيع=ماعاد ينفع والصبر باحي ساحه مريضه والعرب وجّيع=يبغى لهم دكتور جراحي هذا كلام مطلّعه تطليع=من هاجسً بالشعر فوّاحي قصيدتي وختامها التوقيع=توقيع أخوكم كبتن مناحي