من بلي بالهوا ياخذ مع الصمت سجه = حاضرٍ بالجسد لكن بالفكر غايب
وإن سؤل عن شرود الفكر جاب له حجه = ياحبيبٍ قريبٍ مني أغلى القرايب
ياحبيبٍ يجي فيني بشوفتك رجه = أنت شريان عمري وأنت كل الحبايب
لو تلاحظ نظر عيني لغيرك توجه = عنك ماغيرني كل شقرالذوايب
النظر يم غيرك ياشفى الروح دجه = تدري أني عن مطارد هوا الخود تايب
أنت مالك منازع بإعترافٍ موجه = من صميم المشاعر والجروح العطايب
اخذ غازي لسجنك ياحبيبي وزجه = في القفص فوق خفاقك وتحت الترايب
كان مجنون ليلى حُب ليلاه شجه = راس أبو زيد من حُبه لعلياه شايب
لو يعكر صفأ جوالمحبين عجه = الهوا فوقها بكى عيون السحايب
دمعها من هجير الشوق صارت تثجه = صار مخزونها الغالي عليها سكايب