الهيـــــــــــــلا *** منتدى قبيلة عتيبة

كعادة اهل الباديه كلن يقول الزود عندي
[مزايد بين ابن جدعان وأحد الشعار من قبيلة مطير]
يالله يامعبود يا النافع الضار= والمعطي المنان يعبد لحاله
أببتدي باسمه ليا جات الأفكار= والهيض مثل الفيض طيب وشكاله
وأرجوه توفيقي بتوفيق الأخيار= اللي لهم درب[ن]. سعد. من عداله
درب السلف درب الصحابه هل الكار= خسران يا من دربٍهم ما مشى لـه
البارحه فاضت هجوسي بمعبار= عقب السحاب اللي جذبني خياله
شمال،قبله قصدي أيمين ويسار= كثيف ربانه ولا ينغزاله
غيم[ن]ٍ.صحو. مدري رشاريش وغبار= وشهوده [ابن فلان] عقب أرتكاله
والصاحب، الي فأول القوم سَبار= الي سبر درب أمعداه. وعداله
وإن قلت لـه بالهون ياواف الاشبار= يقول ما فكك ولو بالكفاله
ويحق لـه قد كان لـه سيف بتار= وراع المثل قد حطهم في مثاله
أمطير مكرمت الخطاطير والجار= ورجالهم بالطيب يوصي عياله
موج [ن]مثل موج البحر جاه بحار= يدور المكنون قبل أنهياله
وشاف الجواهر كلها سر. وجهار= وطمع بحطة بعضها في حلاله
والله ربه كاتب[ن] كل الأقدار= اللي يوفق من يلح بسؤاله
ونويت أشب النار والداب فى الغار= طمعان فالمكسب قبل راس ماله
والمعرفه ماهيب ترثه والاشعار= مواهب[ن] كل[ن] يبها خصاله
وهذا يشجعني لتطويل الأسفار= واكسب تجارب وأحترام الزماله
واجب على مثلي ولو صار ما صار= وابوحمد واجب عليه وصاله
شاعر وأديب ومن موفيت الأشبار= فالمشي عن غيره بمشيه شهاله
وأبانشده عن رجل فى كل الاقطار= مافيه حي [ن] عاض حي[ن] بداله
وايضا بعد رجلين محيي وقبار= كل[ن]على رايه ويعرف مجاله
وش هم ثلاثه فى الغداري والإنوار= اساس مجموعه على كل حاله
وعن أربعه سمع [ن]وشيفن بالأبصار= وبثنين منهن بان فرق الأزاله
وياويش خمس[ن] سرهن جني الأثمار= من كل طيب. وطيبهن ينعباله
وعن ستة[ن] فيهن حلاوه للأعمار= جحادهن مطلوب فيهن قتاله
وسبعه بعد سبعه بعد سبعة أمرار= ومسموح للضرمان يثن البياله
وثمانيه فيهن يحوسون الاشرار= ماغير مره توجت بالبساله
وياويش تسع [ن] بين مسلم وكـفار= تكفي لمن تدعم يمينه شماله
والعشره العشره لهن دور وأدوار= فى الرابعه تلقى عليهن دلاله
هذا وصلى الله عدد همل الامطار= على النبي اللي مشى بالرساله
ومن راعى العليا بعد قطف الاثمار= سلام مثني عقب فيض الشكاله