يابو نجر صاحبي قدام تفقد كثير =راع الذهب يعرف اللي كفو ويعامله
يوم الله اغناك لاتسبر حصيل الفقير =خلك على الظن والعربان فيك اااامله

ابو نجر صاحبك ماهر وشاعر خبير=يحكم لصرف الذهب ويدوس للمشكله
مابه فقيرٍ يكود اصبح غني وخطير=هذي العباره ترا يا صاحبي كامله

مابغاك لسباحه الثنتين بحر وغدير=الاوله ياجري الخطوه الاوله
وان كان مابه رجا لاحل وقت المسير=تجوز عن خوته والا تبا تقبله

انا اسبح البحر يوم الناس دلوٍ ببير=ماقول لا عانيه ماقول لا هامله
يالجذع كب اللقافه منت ريّس وامير=مار البلا في هنوفٍ مارضت تنطله

انا ادري انك مع الشعار شاعر كبير=لكن قدمي تضيع وتفقد الصامله
لا يابراد الليالي دوب جاك الهجير=ماني بضاري بحبه خشم ومجامله

الاوله صادق انت في هذاه المحير=والثانيه دوكها يا صاحب امفلفله
عيب الجمل لا رغى يارجل عقب الهدير=والرجل يجزا بمحسوبه بحسب اعمله

بدري علاك الله يسامحك توك صغير =حتى نطلعك عالي.مرحله مرحله
لاتحتزم بالنواقص فالنهار الكبير=كم شاعر (ن)فاللقاء منطوقه يفشله