الله على لندن مع تالي الصيف=لان جوها بالصيف جون خيالي
يا احمد نبيها لو تزيد المصاريف=لو زودوا في سعر صرف الريالي
لندن تراها ملتقى للمواليف=تجمع من العشاق غالي بغالي
لاتقول لي باريس ولا تقول لي جنيف= لندن تراها غايتي شف بالي
فيها الوليف اللي من العام ما شيف=ماجاتني رساله ولا جاء اتصالي
مدري نساني او حدته الصواديف=ولا مع غيري من الناس سالي
لاتلومني لو صار في الامر تكليف=لو شفتها يا احمد يصيبك هبالي
لبسه دلع ما يلبس الا النفانيف=وبرقع خفيف فوق برقعه شالي
ورموش عينه كنها سلة السيف=والخد كنه البدر ليل الكمالي
وليا ابتسم شفت الثنايا المصافيف=من خلف جمر زاد فيه اشتعالي
دمه عسل يسرق بزين السواليف=في كل شيء له برستيج عالي
يا احمد تراني ما وفيت التواصيف=زينه يفوق الوصف في كل حالي
من اقصى شرورا لين تقبل على طريف=ماشفت منهى فاقته بالجمالي
اصل وفصل ماهي بطرش على السييف=بنت الرجال مكرمين الرجالي
يا احمد وانا خابرك ترقى المشاريف=طيبك كسبته بين عم وخوالي
يا مسندي وقتي ترى شكله مخيف=وانته جملها لااستوى لك مجالي
احجز لنا ثم كتف الهرج تكتيف=واللي نشد لا تجاوبه بالسؤالي
لندن نبيها قبل لا يقضي الصيف=ما يهنا يالقرم سعر صرف الريالي

المشاركة الأصلية كتبت بواسطة المبتدي (المشاركة 280455) سيف قحطان صح السانك قصيده رائعه ننتظر جديدك لاهنت تحيتي وتقديري

المشاركة الأصلية كتبت بواسطة خلف بن مرزوق (المشاركة 280463) ... .. الله علـى لنـدن مـع تالـي الصيـف لان جوهـا بالصيـف جـون خيالـي صح لساااانك ياسيف قحطان ولندن عاصمه الضباب جوها طوال العام خيالي:) ننتظر جديدك مودتي .

المشاركة الأصلية كتبت بواسطة أبو نجر النفيعي (المشاركة 280510) .. سيف قحطان.. قصيده رائعه جدً وجزله.. .. وصح السانك واعتلا شانك . وننتظر جديدك.. موودتي