الليـل طـل وطـل همـي مــع اللـيـل=وش حيلتـي والليـل والـهـم ضــدي
اضحـك واقـول الهـم لاشـك بيـزيـل=واثـره يجينـي وان وصلـنـي يـهـدي
اطالـع السـاعـه ولا عـقـرب ايمـيـل=كـن الزمـن بيـنـي وبيـنـه تـحـدي
محتـار وش اخـتـار بـيـن الغرابـيـل=((ياهم زايد )) او (( حبيـب امتـردي ))
بنـات فكـري بالفكـر تصهـل صهـيـل=وحـروف شعـري بالجـزالـه تـمـدي
الصاحب اللى عانق ((الجدي)) و ((سهيل))=كان بعيوني ؟؟ ثـم وقـع .. فـوق خـدي
ماعـاد ينفـع لـو تـزيـد المراسـيـل=قطعت حبـل الوصـل مـن عقـب شـدي
وانـت تعرفنـي ان ثقـل حملـي اشيـل=وان بـاح سـدي قلـت مابـاح ســدي
مـع السـلامـه والـعـوض بالمقابـيـل=عسى اللذي .. لي .. صار ازمـه تعـدي

قافً جذبني فيه عذب المواويل=وتوقيع راع القاف من صلب جدي
من شاعرً ماهر يصوغ التماثيل=يسهر وفي راس الطويله يعدي
يشكي الغرام وللمهمات حلحيل=ومن عرض قوله داعج العين صدي
يشكي غرام ام العيون المضاليل=راعي جديلً فوق الأمتان كدّي
راعي نهودً مثل وصف الفناجيل=الحظ دونه والنصيب متردي
وكعام بعد انه طفح عنده الكيل=نفسه عزيزه مايحب التمدي
لاكنّ يبقى طويق شامخ على الطيل=باقً على طول الدهر ما يشدّي
ياكعام لا ترجعك بعض الاقاويل=خلك على ماتذكره مستعدي
ابنصحك لو كان مالي مداخيل=يا لمنتدى هاك الرساله وودّي

المشاركة الأصلية كتبت بواسطة مخلف الهقاوي (المشاركة 400919) رااع العلطاا استمتعنا بالصوت وهاا نحن نستمتع بالصدى لله دركم يالثنينه وصح لسااانك احتراماتي:)

المشاركة الأصلية كتبت بواسطة فهيد الرويس (المشاركة 400947) سلمت ياراعي العلطا على ايراد القصايد وصح السان كعام المعادي وصح السانك على المجاراه قصايد وافيه لاهنتو تحيتي للجميع

المشاركة الأصلية كتبت بواسطة مرزوق العتيبي (المشاركة 401244) ... . الاخ العزيز راع العلطا ... مجراه اكثر من رائعه ولاهيب غريبه منك .. صح لسان واعلى الله شانك ... ..