ياحمود ضاق الصدر والبال ياحمود = ياحمود ولّع لـي بـراس الزقـاره
أكوي بها جروحٍ لها عام فـي زود = قامت تزيد وذقت منهـا المـراره
لو قلت لك موجود مانيب موجـود = ياحمود فكـري زايـد الهـم أداره
ياحمود أنا لامن ذعذع هوى النود = قلب العنا فالصـدر تشتـب نـاره
قلبٍ على الشدات ياحمود محـدود = وحـظٍ مـع الايـام زاد انحـداره
ماطق باب الا وهالبـاب مسـدود = ياحمود وقتي راح كله خساره
كثرت مشاوير العنا كيف أبا أعود = لاجيت أعدل الحظ غيّـر مسـاره
محدٍ يسليني مـع البعـد ياكـود = ذكرى الوليف اللـي بعيـدٍ ديـاره
أسهر على ذكراه والعالـم رقـود = أصحى وأسج احيان تـاره وتـاره
مع شوفته كني هاك اليوم مولـود = غروٍٍ سلب قلبـي وقطّـع ستـاره
مستقبلي مرهون بعيونـه السـود = انا تحت أمـره ورهـن الاشـاره
كنا سوا واليـوم ياحمـود مفقـود = دار الزمن واصدر علينـا قـراره
ياحمود لاذا الحين وش فيك ياحمود = وراك ماولّعـت لــي فالـزقـاره

المشاركة الأصلية كتبت بواسطة مجنون عمشاء (المشاركة 399699) بيض الله وجهك ياعقاب على القصيدة الجزلة والله يرد محبوبك وتتهنا بشوفتة

المشاركة الأصلية كتبت بواسطة *النجـــــم* (المشاركة 399727) صح لسانك وعلا شانك قصيدة جزلة بيض الله وجهك تحيااااااااااااااااااااااااااااااتي،،،،،،،،

المشاركة الأصلية كتبت بواسطة الكـريـزي (المشاركة 400467) بيض الله وجهك على هل قصيدة ولكن ما عليك تلقى غيرة ولا تشيل هم [ألا بسأل حمود شب لك الزقارة ولا باقي]