تنومس بي قوي الهم لين أصبحت له نوماس=تطاولني ووداني ولا ادري وين وداني
سقاني سم . وقتي والله انه يلعنه من كاس=لفاني به ولا ني عارف المجني من الجاني
تجرعته مراره واكتمه علقم بدون انفاس=وتهت بليلةً مجهم وانا مانيب عمياني
سريت وفيني الرهبه سريت وساقني هوجاس=يوردني على غب البحور وهيض اشجاني
أنا مدري طرب وإلا صدوف الوقت معه الياس=ولاكن الوكاد أني نخيته قبل ينخاني
قصيدي ياقصيدي كان مايبكي لك القرطاس=وكانك ماتبل الريق وتشفي كبد عطشاني
إلا يارفقة الأول مع الرابع وساس الساس=إلى مني نصيتك ما أحتريتك لين تنصاني
تغنابي هنوفً لانختني جيتها محتاس=قطعت الوادي المضلم وكلي دون خلاني
تراني بعلنك ماضي وبعلن يمك الأفلاس=وبترك حرفة الصايغ وياقوتي ومرجاني
سلام الله على اللي كل ماهب الهوى نسناس=تغشتني هبوبه من عقب همال الامزاني
تسلل للخفوق وزود الكيله على المحماس=حمس صم الحروف وشبها في كل ميداني
سلام الله على ياناس واحد بس غير الناس=كتبني كلي بحرفين ورمشه بس !! يمحاني
نضمتك ياذهب لولو وش اللي ياذهب .!! الماس=فديتك كان حبيلك غلط لاتقول تفداني
رسمتك للشرف عفه رسمتك للفضا قرناس=حفظتك للطهر مبداء رجح بك كل ميزاني
الا يانجد لو تدري ولاكن خلها لاباااس=وش اللي بس سراني إالى ترابك وعناني
والا يانجد من جوك معاد اقوى على المجلاس=عرفتك ياحكم حاكم خفوقي وانت وجداني
وجيتك مع قوي الشوق يوم الشوق لي نوماس=تغشاني ووداني ويمك نجد وداني

المشاركة الأصلية كتبت بواسطة الهيلوم1383 (المشاركة 425808) روعه وصح لسانك يالحافي لا غرابه !! خلف ابن عمك الواقف طول الله عمره وعمرك ليتنا نشوفها في مجلات الشعر وقنواته الكثيره وعلي القوة ..... يابووووووووووووووووووووووووو عتب .. (( هيلوم النفيعي))