المحبه حبل وصل وكل خاين يقطعه= والخيانه جرح ماله لاعلاج ولاطبيب
والمفارق سم والعربان صارت تجرعه= والجروح انواع منها مايسمى بالعطيب
والمثل قال الزمان انكان ماطاعك طعه= والمآسي تجعل الانسان في داره غريب
والله اني كل ماشفت الطيور موقعه= ماذكرت الا الحبيب الي يسولف مع حبيب
يوم طارت كل واحد له خويٍ يتبعه= قلت ليت الناس تنضر فيك يالطير العجيب
ليت كلن يوم يرحل ياخذ احبابه معه= كان ماعذب صدور الناس جمرن مع لهيب
ياحبيبي ليت حبٍ طاح ليتك ترفعه= لين يبقالي مع العشاق حظٍ مع نصيب
لاتعيشني مابين هموم مع ضيقة سعه= ولاتكدر خافقي والهم عني مايغيب
ياوجودي وجد من فارق فهالدنيا اربعه= فارق اهل ودار ثم فارق حبيبٍ مع صحيب
وياوجودي كل ماشفت الحياه مودعه= وجد من راهن حياته في جروحن ماتطيب
وياوجودي كل ماشفت الهموم مجمعه= وجد من شاف الخيانه من رفيق له فريب

المشاركة الأصلية كتبت بواسطة شامان الاسعدي (المشاركة 484152) ليت كلن يوم يرحل ياخـذ احبابـه معـه===كان ماعذب صدور الناس جمرن مع لهيب صح السانك يا ولد العم قصيده جزله بارك الله فيك

المشاركة الأصلية كتبت بواسطة عنادالرويس (المشاركة 484179) صح لسانك ورفع شانك القصيده في قمة الروعه وكلماتها جرحيه. تخيل جلست ربع ساعه علشان احفضها . بيض الله وجهك ولاهنت يالغالي

المشاركة الأصلية كتبت بواسطة صنداح الزلامي (المشاركة 484253) ابراهيم الزراقي صح لسانك واعتلا شانك شاعر بدون شك قصيدتك تحكي شاعريتك ولايستغرب هذا عليك من سلالة ذوي زراق اهل الشجاعة والكرم كما قال الشاعر ربعي ذوي زراق مثل الذيابه *** رجالهم ياطا على مرقد الداب