ياصباح الخير ياالحاضرين من الرجال = في حلالٍ عزها الله بعز رجالها
والتحية من ضميري لوافين الخصال = خير مانبداه والمقبلات بفالها

ياصباح الخير ياشاعرٍ جاله مجال=في حلال عزها الله بفعل ابطالها
التحيه بالتحيه بوزنه واعتدال=وكل رجل يحسّب الكلمه اللي قالها

بارك الله فيك واخذ الجواب من السؤال = صاحبك مثل الجمل حملته يشتالها
التحية ردها مرحبا في كل حال = وانت وشبك ليش نقصت من مكيالها

الليالي بينه من قمرها والهلال=ياعسى الله ياعميلي يطيّب فالها
التحيه جاك منها مثل وبل الخيال=اقلط وعطني علومك وكيف احوالها

مايبع ويشتري غير رجل براس مال= وانصرفت اجنيهها نصرف الك ريالها
مالقينا من علومك حرام ولا حلال = حيلة ترجع على من نوى يحتالها

نشتري ونبيع دولار والا بالريال=كل عمله يابعيد المدى ببدالها
العلوم الطيبه طيبه يابن الحلال=والعلوم الثانيه حدها جهالها