يوم جينا حفل أهل بيشة وشهران العريضه = يا سلامي عد ما تمطر وما يرعد رعدها
القصايد يا ابن ثايب معرفة ماهي فريضه = وأنت عاقل وإنتبه للأوله واللي بعدها

من هجوسا ً تشفي الوجعان والنفس المريضه = مرحبا ترحيبة ٍ ماهي بتخلف عن وعدها
الطويلة بالطويلة والعريضه بالعريضه = أنت الأول وأنت الآخر سِلها ولاّ أجتردها

لو طلبت أسمك وعنوانك ورقمك فالحفيظه = قلت أنا خايف من الدنيا علي ّ تمد يدها
الخيال اللي صلاة العصر روعني نفيضه = ما لقينا منه قـُطرة والجفاف أمرّودها

الجمر ماهو بيجهل والحبيبة ما البغيضه = من تدرأ ما زرع والنفس ما تامن لحدها
يا حمام الورق غرّد في ربيع ٍ مثل قيضه = الزلامي والسناني والدغيليبي عمدها

لاتواخذني ترى ما غير كلمة مستفيضه = وأنت ما علمتني بالأم وش سمّت ولدها
أشهد إنه ذيب غدرا وأشهد إن أمه حضيضه = وإنها ربحت ولا خسرت رضاعه من نهدها

اسمه محمد ولكن كل طاروق ٍ يهيضه = لين تلحق بيشة الفيحاء ويسترسل مسدها
بو جميل الله يعزه شارب ٍ تالي حميضه = ناوي ٍ يحتج حِجة من عرفها ما نشدها

ليه ما سمّت على اسم أخوانها عايض وعيضه = وش تبي بمحمد اللي لو تروّح ما فقدها
وقتنا يا صاحبي مختلطة ٍ سوده وبيضه = والعرب ما ودنا نهجم عليها في بلدها

بل ذيك العين يا سراق حجاج القريضه = ساعتين ويقنب السرحان من زمكة يسدها
أحد ٍ يذبح جمل وأحد ٍ يجيك يشل بيضه = والثرى ماهو بحولك يالثريا يطّردها

أنت لو حجيت واجهتلك نكبات ٍ غليضه = والله إنك ما تعوّد غير بالغترة وحدها

المشاركة الأصلية كتبت بواسطة عبدالله الجـــذع (المشاركة 649778) الله .. صح لسآن ابوجميل ولسآن ابن ثايب دروس جميله من الصنفره لاهنت ياقادح محبك ,