اثري مثل ماقالو النـاس ملقـوف=توي دريـت انـي زعيـم اللقافـه
يومني اصيحلك هو ودي اشـوف=ذيك الوساع اللي هدبهـا كثافـه
انتي طعنتيني على القلـب يانـوف=بين العقيق وبيـن حـي الصحافـه
من شافني في شارعك دايم اسـوف=شطب على العشق وطريقه وعافـه
يابنت انا من عقبك اليوم مشغـوف=والقلب فيه مـن الغـرام ارتجافـه
يالوف حال اللي بلش فيك يالـوف=ماينفعـه شعـره وزود الثقـافـه
يشتب همه بين الاضلاع فالجـوف=ويبيـن لـو مـاراد زود انجرافـه
لو قال انا ماني مولـع ومكلـوف=وقلبي خلي ولابـه انسـان ضافـه
قالو له العربان عاشق ومكشـوف=واللي عليه الحـاف طايـر الحافـه
كان التعب يابنت الاجواد مخلـوف=مالي على شيـل الثقيلـه حسافـه
ون كان ردك عن ملاقاتي الخـوف=كبر الصغيـر وزاد طـول المسافـه
ان ماوزنتك فالهوى وزنت ابلـوف=ماريد لا الاول ولا ابغى الوصافـه
ياكثر مابديتي مواعيـد وحلـوف=وراحت كما جمسن عجاجه خلافـه
الحب ماعاشه مطافيـق وضعـوف=ونا العزيز اللـي مـدان الضعافـه
رابن على الطالات ياعذب الوصوف=ياطيب من الفنجال عقب الكنافـه
دونتلك شعرن من الفكر مصـروف=ودخلت فيه مـن المعانـي طرافـه
من شان اخفف هم وضحك اولوف=ولطف الجو يـوم يطلـب لطافـه

المشاركة الأصلية كتبت بواسطة /عبد العزيز الجذع/ (المشاركة 664215) الله الله الله... مبدع يالشيباني... صح لسانك.... نترقب جديدك....

المشاركة الأصلية كتبت بواسطة معجب العتيبي (المشاركة 664339) صح لسانك يامقبول قصيده جزله

المشاركة الأصلية كتبت بواسطة معجب العتيبي (المشاركة 664339) صح لسانك يامقبول قصيده جزله

المشاركة الأصلية كتبت بواسطة مقبول الشيباني (المشاركة 664206) اثري مثل ماقالو النـاس ملقـوف=توي دريـت انـي زعيـم اللقافـه يومني اصيحلك هو ودي اشـوف=ذيك الوساع اللي هدبهـا كثافـه