سر ياقلم واكتب على قافية أوخ =قصيدتن جزله بها الكيف ينساق
كيف القصيد الي من الراس مطبوخ=أبيك تقعدبه خوا كل مشتاق
أكتب قصيد الي من الهم ملموخ=وأرسل معاناته على بيض الأوراق
للصاحب الي قدره بصدري ينوخ=تحت الضلوع العوج في وسط الأعماق
الصاحب الي عاش صاطي ومطنوخ=ماهمته دنياً بها خاطري ضاق
قله ترى صاحبك للهم مرضوخ=راحت حياته كلها بعد وفراق
عايش بعد فرقاك كنه وسط كوخ=مثل المريض الي له سنين مافاق
واليا ذكرك يسج مع كل صلبوخ=ويشوف زولك كل مالاح براق
ماهو بلا فاقد ولاهو بمصموخ=لكن قلبه رايحن كله حراق

سر يا قلم مسرى المطانيخ لشيوخ=اللي على انواع العلل مثل ترياق
اهل المراجل خير لباست الجوخ=اعتيبة الهيلا رفيعين الاعناق
واخذ كلام بعود كمبود ممروخ=غالي ولايمكن يجي وسط الاسواق
لو دجت في نجد وعنيت اله صلبوخ=عود ٍ منقّى من خبير ٍ وذواق
ان كان قلبك من هوى البيض ملبوخ=انا سواتك في هواهن شفّاق
راس الهواوي لن بدن سجّ ويدوخ=ما يفصل الا عقب ما يشمّ الاعباق
والقلب من جوف الحشا راح مفصوخ=ركب جناحينه وناحر للاشواق
يا كم هواوي من جفاهن منكوخ=واخذ الكلام الحق لن كنت حقّاق
احذر منابت دمنه بحيد زرنوخ=ما تنفعك لو زينها يغرق اغراق

المشاركة الأصلية كتبت بواسطة شلاح بن ماجد الحربي (المشاركة 715823) صح السانك على هذه القصيده الرائعه لاهنت تقبل مروي واحترامي

صح السانك مليار
يابن العم

المشاركة الأصلية كتبت بواسطة سند العتيبي (المشاركة 716270) صح لسانك اسمح لي بمجاراتك اعجبتني القافية سر يا قلم مسرى المطانيخ لشيوخ=اللي على انواع العلل مثل ترياق اهل المراجل خير لباست الجوخ=اعتيبة الهيلا رفيعين الاعناق واخذ كلام بعود كمبود ممروخ=غالي ولايمكن يجي وسط الاسواق لو دجت في نجد وعنيت اله صلبوخ=عود ٍ منقّى من خبير ٍ وذواق ان كان قلبك من هوى البيض ملبوخ=انا سواتك في هواهن شفّاق راس الهواوي لن بدن سجّ ويدوخ=ما يفصل الا عقب ما يشمّ الاعباق والقلب من جوف الحشا راح مفصوخ=ركب جناحينه وناحر للاشواق يا كم هواوي من جفاهن منكوخ=واخذ الكلام الحق لن كنت حقّاق احذر منابت دمنه بحيد زرنوخ=ما تنفعك لو زينها يغرق اغراق ابيات على عجاله والمعذره

المشاركة الأصلية كتبت بواسطة فواز علي سريع الروقي (المشاركة 716977) صح لساااااااااااااااااانك يالزرااااااااااااااقي وبيض الله وجهك لاهنت تحياتي لك