ياطير ياالي همك العش والفي= وإن ضاقت أبك الارض جنحت عالي
لاواهنيك ماتضايقت من شي=ماشلت في صدرك هموم الليـــــــالي
منته بمثلي ضاع عمري وأنا حي=،وضاقت علي الارض من كل جـــــالي
الوقت هذا طاوين خافقي طي=طـــــي الروق ومعقــــدات الحبــــالي
وقتن غبر ماشفت زيه ولا زي=وأثقــــل علي من الحمول الثقــــــالي
مهموم في ليلن حرق شمعة الظي=ومتهــوم بالتقصيــر في كل حــــــالي
الهم دايم ميزتن واضحه في=والصبــــر راح ولابقـــــاله توالـــــــي
ماهمني فالوقت منصب ولا غي=يوم أكثـــر العربان فيها يبـــــــــالي
المرجله همي وغمي وهي لي=اقـــرب من البســـام والا عقـــــــالي
ودي بشوفة شايبي يفتخر بي=وتفخــر عمامــي والفخر للخـــــوالي
حتى لو أن سلوم وقتي مهي هي=والطيبـــه صارت سوات الهــــــزالي
لكن والله ما أثني اليوم رجلي=لـــو أن عمـــري راح مــابه جــدالي
أما اني آخلد مثل حاتم الطي=وألا بلاش من الليــال التـــــوالي

المرجله همي وغمي وهي لي=اقـــرب من البســـام والا عقـــــــالي
ودي بشوفة شايبي يفتخر بي=وتفخــر عمامــي والفخر للخـــــوالي

المشاركة الأصلية كتبت بواسطة عايض مسهر العتيبي (المشاركة 763871) ابيات روعه اخي الزراقي وتسلم يمينك يالذيب وننتظر المزيد

المشاركة الأصلية كتبت بواسطة شامان الاسعدي (المشاركة 763963) المرجله همي وغمي وهي لي=اقـــرب من البســـام والا عقـــــــالي ودي بشوفة شايبي يفتخر بي=وتفخــر عمامــي والفخر للخـــــوالي

المشاركة الأصلية كتبت بواسطة عبدالله الجـــذع (المشاركة 764056) ابو خلييييييل كفو ونعم فيك ياذيباان راقت لي كثيرا محبك .,