انا لقيت المعرفة مثـل الهنـوف الجافيـة = ولا الشعر رجال من يقدر عليـه ايزفهـا
ياللي تزعمت القصيد وصار عندك مافيـه =جبت الشعر لكن وين المعرفه قـم وفهـا
لاتحسبـن المعرفـة بيتيـن ولا قافـيـة =ولا قصيدة من فخر عشرين بيت اتصفها
ما تدري ان المعرفه مثل الثياب الضافيـة= لاخير في عذرى قصير الثوب ما يلتفهـا
المعرفة مثل الذهب مثل الجواهر صافيـه=كن القصيدة بنت واعقود الذهب في كفهـا
ولا الشعر ياصاحبي ماهو بحاجـة خافيـة= كم شاعر ٍ يسحق بيوت الشعر ثم ايسفها
لكن اليا جوه العرب وليـن نـاره طافيـه= الله يشل ايداه عن نظم الشعـر وايكفهـا
انجنبـه لا دور الهزلـه وجـاب الهافيـه=وليا تمادى نرفع السيف الحـدب ماحفهـا
لجل العيون اللي تراعينا ولاهـي غافيـه=ولجل الجنوب اللي غشيم القلب قام ايدفها
الله يجملنا مع اهـل الطيـب فالميقافيـه= ولا قليل العرف عان ارسالته فـي رفهـا
اثر الشعر يابو فهد مريض ليـت العافيـه= ما توا عياله وانتكس حاله وعينـه رفهـا
شفته عمى بين العرب يمشي ورجله حافيه= والمعرفه شامت عنه ماعاد هو من شفهـا
يابو فهد وين انت ياراع العلـوم الوافيـه= المعرفه خابرك راعيهـا وحامـي صفهـا
ليتك تشوف اللي نشوفه والشواهد كافيـه=قدام اعذر فالسيوف الشقـر ثـم اضفهـا

المشاركة الأصلية كتبت بواسطة بـــرق (المشاركة 776485) صح لسانك يالثبيتي ولا الشعر ياصاحبي ماهو بحاجة خافيـة كم شاعر(ن)يطحن بيوت الشعر ثم ايسفها جبتها على الجرح

المشاركة الأصلية كتبت بواسطة ابن غزاي الخظري (المشاركة 777055) ابداع يالثبيتي وصح السانك ولا تحرمنا من جديدك