|
احلا بنات الكون من خالق الكون ..... سعد المقاطي
من اعز قصائدي واغلاها .. اتمنى ان تنال اعجابكم الـحــب الاول غـيــر يـالـلــي تـحـبــون حــبٍ حفظـتـه موطـنـه بـيـن الاظـــلاع مستوطـنٍ فــي داخـلـي شـيـد حـصـون عـهــدٍ قـطـعـتـه والـعـهــد لـلـمــلآ ذاع اخلصـت حبـي لـه علـى كـل مضـمـون ودونـت مـن فـكـري مشـاريـعٍ وســاع مـن لامنـي فــي حبـهـا قـلـت مجـنـون لاني احـب بصـدق مـا سقـت الاطمـاع اشوفهـا فـي لـون والـنـاس فــي لــون آيــه خلقـهـا الله فــي وصفـهـا ابـــداع نجـلآ عيـون وخشمهـا سيـف مسنـون والمبـسـم القـتـال فـيـه الـحـكـي مـــاع احـلا بنـات الكـون مـن خـالـق الـكـون ربــي فرقـهـا عــن سـواهـا مـيـة بــاع وثالث رجب من عام خمسه وعشرون جـانـي خبـرهـا وزودو بــي الاوجـــاع قـالـو حبـيـبـك حـالـتـه دون فـــي دون ارسـل رسالـه ختمـهـا مرحـبـا الـسـاع يـقـول فيـهـا وصـلــوا سـاكــن الـنــون الـمـوت يشنـانـي وانـــا عـنــه جـــزاع ومـن عقبـهـا مـدفـون يـاحـب مـدفـون ماتـت ومــات الـحـب مستقبـلـي ظــاع تـكـفـون يـاعـشـاق تـكـفــون تـكـفــون خلونـي اســلا شـايـل الـحـب مــا بــاع وصـيـتــي يــانــاس يـالـلــي تـحـبــون لا تشركـون الحـب مـع زيـف وخــداع وادعـو معـي تكـفـون يالـلـي تصـلـون ربـــي يثبـتـهـا تـحــت تـربــت الــقــاع وسلامتكم |
قصيده جزله وصح لسانك يا اخ سعد
|
صح لسانك ياسمي
|
صح لسانك
والله انك كفوا تحياتي |
سعد منير عظم الله اجرك
ومرثيه تستاهل التثبيت والله يثبت الفقيده عندالسوال |
اقتباس:
تحياتي صح الله بدنك ياسلطان ولاهنت على تشريفك للقصيده ودام تواصلك الراقي |
اقتباس:
وصح الله بدنك ياسمي ومرحبا بك شرفت القصيده بتواجدك لاهنت وانا اخوك |
اقتباس:
صح الله بدنك يابومصلح وماعليك زود يالقرم شرفني تواجدك وحضورك |
ياخوي سعد
الله يمسيك بالخير الصراحة : قصيدة رائعة (صدقني) انا ما أعرفك حتى اجاملك قصيدة فيها اسلوب جميل وخاصة (اول6 ابيات) فيها صور رائعة مثل: - مستوطـنٍ فــي داخـلـي شـيـد حـصـون - ودونـت مـن فـكـري مشـاريـعٍ وســاع - ((آيــه)) خلقـهـا الله فــي وصفـهـا ابـــداع - والمبـسـم القـتـال ((فـيـه الـحـكـي مـــاع)) هذي اروع صوره وباقي الأبيات جيدة لكن ما جات بنفس مستوى الأبيات الأولى واعجبني اسلوب التقسيمة مثل : اشوفهـا فـي لـون والـنـاس فــي لــون احـلا بنـات الكـون مـن خـالـق الـكـون قـالـو حبـيـبـك حـالـتـه دون فـــي دون ومـن عقبـهـا مـدفـون يـاحـب مـدفـون تـكـفـون يـاعـشـاق تـكـفــون تـكـفــون -------------------------------- اخوي سعد سلمت ولا ندمت شكرا |
صح لسانك
قصيده ابداعيه ورووعه شكرا لك |
| الساعة الآن »07:07 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd