يقول من واق في عال المراقيبي==ويغني الشعر من لحنه ومن طرقه
في ماقعاً منزلاً للنمر والذيبي=ويخيل نؤن من الوسمي سرى برقه
شاعر يغني لحوناً مابها ريبي=من زود هيضه ماغير ايجاوب الورقه
الشعر فينا وحنا له معازيبي= ولاقط اخذناه من عند العرب سرقه
ولاقول اناللي جمعة الشعر في جيبي=الشعر بحراً به الامواج مصطفقه
سج القدم فالفياض وفالاشاعيبي=يشفي ضميري يالو الكبد منحرقه
الوقت دوار والدنيا تجاريبي=الوقت ماينعرف كذبه ولاصدقه
سودالليالي ماتنبينا عن الغيبي=اسرارها عن جميع الناس من درقه
انااعشق الطيب واللي يفعل الطيبي=يوماً بعض الاوادم مالهم عشقه
وكلاً على ماكتب له فالمكاتيبي=والرزق عند الااله اللي كفل رزقه

المشاركة الأصلية كتبت بواسطة فيصل المسعودي (المشاركة 838530) انااعشق الطيب واللي يفعـل الطيبـي يوماً بعـض الاوادم مالهـم عشقـه وكلاً على ماكتـب لـه فالمكاتيبـي والرزق عند الااله اللي كفـل رزقـه أبيات تدل على طيب وأصالة راعيها صح لسانك على هذا الشعر الأصيل تقبل تحياتي اخوك فيصل النفيعي