يا قلم سجل على الدفتر قصيدي = سجل الأشعار فالقرم السنافي
في من الأشعار في مدحه تزيدي = من فعوله قالوا العربان وافي
قايد القوات و الرتبه عقيدي = شايل ٍ رتبته من فوق الكتافي
ياحزام الربع يا نعم العضيدي = ماقفك مشهود من دون اعترافي
لا مدحت البدر ابن موسى رصيدي = يمتلي واكتب ولا اعد القوافي
الشجاع اللي يمينه من حديدي = راعي الوقفات و العلم المشافي
تشهد العربان مع رب ٍ شهيدي = بالفعول اللي كسبها باحترافي
كم عجوز ٍ تطلب الرب وتعيدي = يحفظه رب السما من كل هافي
يابدر عن مدح مثلك ما نحيدي = كيف وانت اللي تحل اكبر خلافي
أشهد أن الجوف دايم في مزيدي = يوم بدر أصبح لساكنها لحافي
يابدر فعلك عن العالم فريدي = والثقال تشيلها مثل الخفافي
قايد ٍ بالراي لك راي ٍ سديدي = ايه تبطي ماتوصلك الضعافي
إيه أبفخر و أتغنى بالنشيدي = وأقدح الأبيات و الهوجاس صافي
يايزيد ابوك فالوقفه شديدي = ما ارتخا في يوم ولا قال كافي
من سلايل من لهم ذكر ٍ حميدي = كاسبين العز بسيوف ٍ رهافي
من بني منعر هل المجد التليدي = لابة ٍ ماهزها جور العجافي
فالختام اطلبك يا رب العبيدي = تحرسه لا حان ميعاد التصافي

المشاركة الأصلية كتبت بواسطة شامان (المشاركة 880141) يستاهل العقيد / موسى بن حويفر الدغيلبي ،، ولا تفيه حقه في الثناء .. . عمر كتبت وأبدعت ،، رائعة بالفعل يا رائع ،، كل الودّ ..:)

المشاركة الأصلية كتبت بواسطة الأمير الأسعدي (المشاركة 880169) ونعم بك وبالحويفر ويستاهل هالقصيدة صح لسانك والله لا يهينك