لاهنت ياحبيب على حسن الظيافه والقبول = أستاذنك مادام أنا معكم من البارح خوي
ولاهان أبوراشد وأبو تركي وأنا وش عاد أقول = لاصار فعل الطيب فهل الطيب حاويهم حوي
لنكان لعقود الزمن ياصاحبي عندك حلول = أنا ترى بالله وثم في فزعتك عزمي قوي
تعبت لين الكور حطيته على ورك الذلول = وليا العلوم مصلحه والذيب فالرجم إيعوي
والأرض محسوبٍ مدها قدمنا عرضٍ وطول = ماوالله تقلط مع الحظران مادمت أبدوي
مير الأمل بالله وفي مثلك معانا مايزول = لون صكات الزمن تزوي يابو فيصل زوي