مرحبا ترحيبةٍ بسمي واسم كل القبيله = بالضيوف وبالرجال اللي يشرفنا نسبها
عد مالاحت بروق الخير في كبد المخيله = ومطرت بقصى الشمال أليا عسير وسودة أبها
وعد ماطق الزناد وولعوا بم الفتيله = وعد ماثار المشوك من يداهم في قصبها
وعد ماصاح النذير الابته ووما شليله = ونبطح عودٍ مظراً بالمغازي ولتوبها
صر عينه وعتزى بعيال عمه في دخيله = له سنه والنار حيه وقبلاه أكثر حطبها
إتلذع عاصبٍ راسه ماذاق النوم ليله = كل مصبح صبحته القوم فالريع وغلابها
عند ربعٍ لحتما الميقاف والطرقه طويله = ينتفون اللحيه اللي قدمها ينتف شنبها
كم صويبٍ فقبلاهم مالقاله من يشيله = وكم يمينٍ فالملاقا عزوتي سبت عطبها
وكم عقيدٍ طاح راسه جا يبا ثار ألعميله = وكم شعوبٍ شتت الله من تجمعهم شعبها
وكم صباحٍ صبحوبه قوم والبارق دليله = وكم جوادٍ يبطي الخيال منهم ماركبها
الله أنه لايبارك فيك ياليمنى البخيله = كان شمطان اللحى منتي بمحرزةٍ طلبها
قلتها ونجابها الله جاتلي بهون وسيله = شاعرٍ ماجيك بالكلمه قبل معرف سببها
أسري الغدرى ودل الدرب لاضاع الدليله = وحتميها كل ماكبرت وبلشوا في نشبها
مرحبا ترحيبةٍ بسمي واسم كل القبيله = بالضيوف وبالرجال اللي يشرفنا نسبها
ريح هيل وريح بن وزعفران وزنجبيله = وطعم در المصغر اللي ساع راعيها حلبها

المشاركة الأصلية كتبت بواسطة ولدعساف (المشاركة 931241) صح لسانك ياطلال ويكفيني هالبيتين: عند ربعٍ لحتما الميقـاف والطرقـه طويلـه ينتفون اللحيه اللـي قدمهـا ينتـف شنبهـا كم صويـبٍ فقبلاهـم مالقالـه مـن يشيلـه وكم يمينٍ فالملاقا عزوتـي سبـت عطبهـا

المشاركة الأصلية كتبت بواسطة ابن صنهوت (المشاركة 931289) صح السانك يابو رغد لاهنت مبدع كعادتك يالذيب

المشاركة الأصلية كتبت بواسطة ابراهيم الزراقي (المشاركة 931347) طلال ناشي صح لساااااااانك والله هذا الشعر ولا فلا قصيدة تنومس من كتبها ومن سمعها ومن قراها ابدااااااع يابو ناشي

المشاركة الأصلية كتبت بواسطة \\عابر سبيل\\ (المشاركة 931350) طلال ناشي صح لساااااااانك قصيدة جميله ابدااااااع