أسمع رعود السحب واشوف ضوح البروق=لكن ماهل فوق الأرض ودَانها
ونا بديوي على نيَه وقلبي صدوق=أسمع طواريق واغنَي على الحانها
أثر الرعد صوت ماهو شرط وبلٍ دفوق=واثر البروق ابتسامه تسكن أمزانها
كم قلب مثلي على سيل المخيله شفوق=وكم عين تفرح بشوف الخير باوطانها
تناظر النخله اللي تمرها بالعذوق=دايم وهي حولها تسهر على شانها
إلى تساقط رطبها كل جايع يذوق=وان ضمية عروقها مازانت اغصانها
الله يجيب السحاب اللي يبل العروق=على ربوع البلاد وكل سكانها
يسقي جبال السراة الشامخه فوق فوق=من طيبه الى الجنوب او حد نجرانها
و يسقيك يانجد ياللي فيك برقا وروق=وكل القبايل عدنانيها وقحطانها
الطيب في كل ديره للقبايل حقوق=اهل الوفا مابخسنا كيل ميزانها
في ظل رايه لها منا العهد مانبوق=إنعز من عزَها ونضد عدوانها
هذا ونا شاعراً غنَى بحلو الطروق=أحرص على نظمها واهتم باوزانها

المشاركة الأصلية كتبت بواسطة عبد الكريم العازمي (المشاركة 1163358) صح لسانك يا وصل القصيد شامخه

المشاركة الأصلية كتبت بواسطة مرزوق حمدان العتيبي (المشاركة 1163388) .. . وصل الشهيب ... صح الله لسانكــ والابداع منك غير مستغرب .

المشاركة الأصلية كتبت بواسطة ابن سلوم الهيلوم (المشاركة 1320786) الله الله عليك ياوصل ابدعت في كل اغراض هذه الشامخه كوكبت مفردات في قافيه تشبه نصفين العمله مع بعضها البعض صح لسانك والله يا وصل واسمح لي ان احاول اقلدها بكم بيت هاذي سحابة روا من صدر شاعر خلوق000ولاهي غريبه تصير ووصل سلطانها اقرا وفكري يتوق الها ومخي يروق0000للصوره اللي يذوب الشوف في الوانها الشاعر اللي بصدره للجزيلات سوق0000وليا عرضها لذوق المستمع صانها تلقاه للنادرات من القوافي سبوق0000قريحته من عتيق الورد بستانه بعض القصايد كلام ن مايبل ا لحلوق0000وبعض السحايب يرد الروح هتانها

المشاركة الأصلية كتبت بواسطة المـرشدي (المشاركة 1163427) صح الله لسانكــ والابداع منك غير مستغرب

المشاركة الأصلية كتبت بواسطة المـرشدي (المشاركة 1163427) صح الله لسانكــ والابداع منك غير مستغرب