ياسابقي حبك مقيم على ساس =مولع في حبك القلب توليع
حلفت لو ساموك بفلوس عباس=أني شفيع فيك لا أصخي ولا أبيع
ولادخل قلبي من البيع هوجاس =وأن زودوا لي بالثمن قلت ما أطيع
ياما حلا شلت الذيل والراس =مثل المهاه الي تهاب المتابيع
ريمية شمت من الريح نسناس=حلت مع زول البنادق مع الريع
وإلا كما شهيانه تبغى الأفراس=جول هوى تبغيه قدم التواقيع
باغي إلا جانا من الفقر عساس=وسمية فيها الزبيدي مصاليع
وأنا عليها قدم الأسلاف نطاس =لاجات حزات الفزع والزعازيع
لاصوت الصياح بادي بالأرواس =يفرح بي الذود المطرف إلى زيع
وإلى لحقناهم والأرياق يباس =مركاضنا ماهوب هوز وتمانيع
وأن لا يعونامن وراها بمرواس =عاداتنا نرخي حبال المصاريع
عاداتنا نروي شبا كل عباس =ودهم العروق الي تبوج المداريع
عقبه تقابلنا على ضو قباس =قاموا يعدون الفناجيل تجزيع
فنجال بن جنته تقعد على الراس=والزعفران مقطع فيه تقطيع
أنا يعدي لي ولو فيه جلاس =هواجه المجلس قعود مهانيع
الي لهم همز ولمز ووسواس =في ساقة الأجواد همز وتراتيع