|
مقادير الزمان اهوال وصروف الليال اهـوال=ولكـن المعنـا لـو عشـق درب العنـا ملـه وانا مليت من درب العنا وهروج قيـل وقـال=وجنبت الطريق وسالفة (وش قـال) وش قلـه اقدر هيبتي واسمي ومعرفتي وحـرف الـدال=وعيب الرجل ينزل منزل ماهـو بمنـزل لـه وادور سكة العقـال واتـرك سكـة الجهـال=ولا اوقف موقف الا عارف اني كفو واهل له ولا اعاتب خطا الجاهل واعاتب في خطا العقال=واقول الله وكيلـه واسفهـه مانيـب رب لـه ولن شفته تمـادى عقبهـا والا كلامـه طـال=قرنـت الاولـه بـا الثانيـه لله مـا ازلــه ولا اقبل حق من قطاعـة الساقـه ولا معـدال=ومن يقطع مذاهب سايـره مانـي معـدل لـه الي مذهب وله مذهب ولي منزل ولـه منـزال=وانا مهما حصل ما ينطبق دلـي علـى دلـه وانا امس العصر حثيت الركايب والهموم جبال=وعينـي للمكـان اللـي يريحنـي وادور لـه نصيت المرقب اللي عن بسل يبعد ثلاث اميال=تحته الوادي اللـي وادي الشقـره مقابـل لـه وصلته مع صلاة العصر يوم الفي دوبه مـال=وانا حر يحب المرقب العالـي وياصـل لـه تعليته وعديته على سـاق وقـدم فـا الحـال=معاميلي معـي والـدرب قدامـي وانـا ادلـه على جمر الغضى سويت بـراد وثـلاث دلال=الي شف اشـرب الفنجـال والبـراد والدلـه واخذت اللي كتب لي ربي من الكيف با الفنجال=وبرادي على جمر الغضى باقـي علـى حلـه حداني للمراقيب الطويلـه ضيقـة فـا البـال=من ظروف الزمان اللي تعقـد الحبـل وتحلـه افكر فالعرب والقدس والشيشـان والصومـال=وبغداد العـراق اللـي ثـلاث سنيـن محتلـه وانا في حال ما يعلم به الا الله عليـم الحـال=من اهوال تشيب الـراس ميـر المشتكـى لله متى حال العرب يصلح متى الله يصلح الاحوال=متى مدري متى نلقى الـدوى ونـداوي العلـه وانا في غمرة التفكير جـات رسالـة الجـوال=رسالة صاحب وقت الطلب يرسل ونرسل لـه يقول افزع جمال عقيل جت مستاقهـا الجمـال=وقلت اركد وعين خير ويجيـك الخبـر كلـه نبا نهتجها ونجيك با المكسـب وراس المـال=عقيل اللـي هـذاك العـام اخذنـا ذوده وبلـه تراغي يا جمال عقيل صارن الحمـول ثقـال=على سحم الغوارب من يحـط الحمـل ويشلـه وانا ما احد سيفي غير لن قابلت لـي رجـال=وادقه فا النحر من مقـدم نصابـه ليـا السلـه ولن قابلت لي صعلوك لا طيـب ولا بطـال=اقفي عنه واغمـد سيفـي البتـار مـا اسلـه يبن هولاكو اللي جت علومك من ثلاث ليـال=يبو عين ليا شافت حمـد ترمـش مـن الذلـه يا حظ اللي موثق منسبه ما بيـن عـم وخـال=مهو تيمور خاله واردغـان الذيـخ عـم لـه بعد ما كل واحد راح في حالـه وراح لحـال=تجيني منك زله يـا مضريهـا علـى الزلـه وهذي عادة عيـال الحـرام وعـادة الانـذال=ليا طبـل لهـا شيطانهـا قامـت تطبـل لـه طلع لك صوت بعد الباب حطوا فيه عشر اقفال=تحسب اني ليا صكوه ما افكه ولا ادخـل لـه؟ وانا والله لو بيني وبينك ضلع شمـرخ حـال=لاهد الضلع واصبحك والا اهجدك فـا الحلـه تقولون الخطر روح وانا اقول الخطر مـا زال=مقابيس الغضب برق ورعد ومـزون منشلـه عسى الله يرحم اللي جنسوك ولبسـوك عقـال=وانا خابرك يا الصعلوك لا مذهـب ولا ملـه
على رمل الطريق اللي تلبس با الفـراق وشـاح= كتبت اسمك وعنوانك(غياب الحب وحضـوره) وقفيت وتركته عبـره لمـن جـا عليـه وراح=وحولـه كلمتيـن مبعثـره طفلـه ومغـروره طفيت الشمع با الدمع ورميـت بزنـدي القـداح=وخليت الظلوع شموع تحـت دمـوع منثـوره مثل دمعة كريم حاجته جت فـي يديـن شحـاح=وعيو دونها واقفـى وغـص بريـق حنجـوره قتلت الشوق في روحي واثر للشوق سبـع ارواح=تجـي روح وتـروح روح منهيـه ومامـوره اطير لك حمام الشـوق ويعـود كسيـر جنـاح=وانا وش لي بشوق وطاير وجنحـان مكسـوره عسى الليل الضرير اللي خذاك وكسر المصبـاح=يجي يوم ويسوق العذر للمصبـاح فـي نـوره حبيبي كان من عينك غلاي اللي تقولـه طـاح=مثل طيحة ملك من فوق كرسي فوق مقصـوره عزاي اني قطفت اغلى زهـر بستانـك الفـواح=وفي قلبي بقايـا العطـر والبستـان وزهـوره ليا صار البحر رحلة خطر موج ومطر وريـاح=يموت الحـوت والبحـار ياخـذ ثـار بابـوره ولا صار الهوى ما له دوى الا مشرط الجـراح=يعيش الحب بامر الطـب لـو يمـوت دكتـوره حرام ان الغرام مقطـع اربـع مجـرم وسفـاح=ولا ياوي لاحد لو كان ريس مجلـس الشـوره ما دام انه ليا منـه ذبـح يذبـح بغيـر سـلاح=وش يجيبه تحت حكم الكتاب وسيف اخو نـوره يجي مثل الرعد والسيـل ويهلـي بـه الفـلاح=ويزرع في ثرى الشريان حب الوصل وبـذوره ويقفي قبل يصفي معركه كبرى وطعـن رمـاح=صهيل خيول عرض وطول والرايات منشـوره تبا ترتاح يا قلبي؟ من اللي فا الهـوى مرتـاح=وانا اريحك من ضيم الزمان وظلمـه وجـوره لو امسكت العصى من نصها يا الراعي المصلاح=صلح حال الرعيه والعصى ماهيـب مشقـوره حبيبي دام انا المذبـوح وانـت القاتـل الذبـاح=اخـذ منـي وصـاة مـودع دنيـاه لقـبـوره غدا يذوي جمالك بعـد مـوت الـورد والتفـاح=ولا يبقى من الذكرى سوى البرواز والصـوره
دامت ان الشعر جا له على وصفك مجـال=الله يعينك على الوصـف ويعيـن الشعـر كان ما لامست في وصفك حـدود الخيـال=ليس اسمي نفسي الشاعر( المـوت الحمـر) شمس؟ لا والله ترى الشمس تاليها الـزوال=منت شمس ولا انت نجمه ولا حتـى قمـر القمر مهمـا اكتمـل بـدر تاليتـه هـلال=ما خبرت انه بقى بـدر فـي كـل الشهـر وانت كامـل فـي وصوفـك ولله الكمـال=مـا تغيـرك الليالـي ولا طـول العمـر فيـك عذروبيـن كثـر التغلـي والـدلال=وان بغيت الصدق لك حق ما منهـا مفـر كيف لا؟ والحق واضح ولا يبغـى جـدال=انك اجمل من مشى فوق الارض بلا فخـر وان فيك من التواصيـف شـي مـا يقـال=ما رأته عين ما مـر فـي خاطـر بشـر باختصار اقدر اقول انك ايـه فـا الجمـال=والكلام يطـول ويطـول مهمـا نختصـر يا شبيه الريح فـي خافقـي روح وتعـال=ادري ان الريـح مالـه مكـان ومستـقـر حطنـي قيـد الاقامـه ورهـن الاعتقـال=دونمـا انـذار مسبـق ولا نهـي وامـر خلني مسجونـك شهـور وسنيـن طـوال=ودي اعيش ابك مسجون وانته عيش حـر كيف انولك وانت فوق الحيـازه والنـوال=وكيف اجنب عنك وانـت المقـدر والقـدر وكيف ابلقى عن هجيرك وعن شمسك ظلال=وانت ظلك كل ما اقبلت لـه عنـي قصـر ان نثرتك للهجـر وان جمعتـك للوصـال=وان نثرتك للوصـل وان جمعتـك للهجـر مشكله لا صار الك مطلب صعـب المنـال=ان جمعته مـا انجمـع وان نثرتـه ينتثـر ومشكله لا صرت عايش على شان احتمال=لا جـواب ولا رسالـه ولا علـم وخبـر ردني عنك اني انسـان مالـي راس مـال=وان ما عندي عمـاره ولا عنـدي قصـر والا انا لا جيت للحق مـن روس الرجـال=بس عذروبي فقر( يلعن امـك يـا الفقـر)
الحب ماهو مثل شرب المـا ولا لبـس البشـوت=للحب لون وطعـم واحسـاس وشعـور ورائحـه يا سيدي لو لا العشم فا الوصل والله مـا شكـوت=صمتك وصدك وابتسامـات الوجـوه الكـا لحـه كني نبـي الله يونـس والامانـي بطـن حـوت=وانـا معلـق بيـن حبـل الضاويـه والسارحـه والشعر ما يعمر ( لو ان الشعر عمار البخـوت؟)=يمديه عمر لـي مـن سنيـن الحظـوظ الطايحـه شوف القريحه كيف جادت لك من خيـار البيـوت=والشعر بعض احيان يخذل لـو تجـود القارحـه والعمر فرصه وانت فرصة عمر وارجو ما تفوت=وان فت كم فوت علـي الوقـت فرصـه سانحـه البارحه كبلتنـي بـا الصمـت وقيـود السكـوت=وانا السجين اللي شكـى سطـوة قيـود البارحـه احيا واموت تموت تحيا لا حيـاه بـدون مـوت=يعني كـذا والا كـذا شمـس الحقيقـه واضحـه ضيعتني ما بين لـول وبيـن ورد وبيـن تـوت=واخذتني لاخـر تفاصيـل الغصـون الطارحـه والعفو عند المقـدره طيـب لكنـك مـا عفـوت=وش عذرك من الله ومن قلـب بصمتـك ذابحـه ياخي جدار الحب ما يصنع صدى من غير صوت=وانته تسلى بين صمـت وبيـن نظـره فاضحـه اوهن بيوت العشق مـا يبنـى بخيـط العنكبـوت=واقوى بيـوت العنكبـوت اقـرا عليـه الفاتحـه انا احسب ان السالفـه ضحكـه وتربيعـة بلـوت=يعني تـروح الخاسـره فـدوى عيـون الرابحـه لعبه وكرتي طاح فوق الارض من ضمن الكروت=قلبي لعبها صح لو ما جـات لـه فـي صالحـه والصدق يا غافل لك الله ما دريـت ولا صحـوت=الا وقلبـي فـي مخاليـب الطيـور الجـارحـه موج البحر غدار لـو داعـب شـراع الجيلبـوت=لا يامـن البحـار لامـواج البحـور المالـحـه والبارحه كبلتني بـا الصمـت وقيـود السكـوت=وانا السجين اللي شكـى سطـوة قيـود البارحـه يا خي جدار الحب ما يصنع صدى من غير صوت=وانته تسلى بين صمـت وبيـن نظـره فاضحـه
الأضوا خافته والكاس فيـه السكـر المعصـور=وانا احرقت اشتياقي واحترق صـدري ودخانـي على ذكرى البحر والنوخـذه والريـح والبابـور=سرى برق القصيد وشـرع الهاجـوس بيبانـي دهمني من بنات الفكر ليل مـا طلـع لـه نـور=وانا بين الرجا والياس نـاي ضاعـت الحانـي قفار الارض والخطوه ثقيلـه والطريـق قبـور=اسير وفي يـدي قيـد الاسيـر وظلـم سجانـي تذكرت وبكيت وطاحت الدمعـه بغيـر شعـور=على كف الفراق اللي سرق نومي مـن اجفانـي جنون الريح زاد وبعثر العش وبكـى العصفـور=على شانه بكيت ولا بكـى مـره علـى شانـي اذا كان المحبه ريح صرصر والقلـوب طيـور=من اللي ينصف العصفور في ريشـه وجنحانـي (فمان الله) كلمه كنهـا السكيـن فـا الحنجـور=بغيـت اقولهـا لكنهـا ثقلـت علـى لسـانـي تذكرتك وانا اللي ما نسيتك مـن ثمـان شهـور=لو اني مـا طلبتـك يـوم تذكرنـي وتنسانـي مجاهيم الدموع اللـي تعـادى فـاول المظهـور=عليهـا الشاهـد الله والحنيـن الشاهـد الثانـي رعت فاطراف عيني ما رعت فا الوادي الممطور=ولا فيها وسـوم الا رسـوم اسمـي وعنوانـي بوادي غير ذي زرع بضواحي قلبـك المعمـور=سكن قلبـي ومـن ذريتـه نبضـي وشريانـي وانا قلت الك امانه وانت كفو ولا عليك قصـور=ولكنـك كسـرت بخاطـري لعيـون عدوانـي عليك الله وامانـه والتيـاع الخاطـر المكسـور=ثلاث يحفظونـك مـن كـلام فـلان وفلانـي (فمان الله) كلمه كنهـا السكيـن فـا الحنجـور=لكنـي قلتهـا مـره ولا ثقلـت علـى لسانـي
كاس خمر وشمعتيـن وخيـط دخـان ودوايـر=طيش فكر ودمعتين ونـور معتـم فـا الزوايـا والظلام اللي طعنه النـور مـن خلـف الستايـر=مثل طعن الصبح صدر الليل لاجل عيون(مايـا) بين عشقـي للمبـاح ونشـوة اغـراء الكبايـر=ما بقي غير الندم وانتـي وانـا واربـع خطايـا انطفى شمعي وضـاق التبـغ بانفـاس السجايـر=رحت ادور وجهي الضايـع وضيعـت المرايـا ليه اسولف عنـك يـا مايـا واحـرك دم فايـر=ما سألتي ليه ينبـض خافـق وترقـص حنايـا ليه يـا مايـا يصيـر الليـل بوجـودك مغايـر=ليه بغيابـك قيـود الصبـح مـا تطلـق يدايـا هو ضروري يكشف العاشق عن اسرار الضماير؟=هو ضروري يرمي اوراقه(أما تكفـي النوايـا؟) هو صحيح ان المكاسب ما تنـال بـلا خسايـر=الخسـاره وارده والربـح مـا يوهـب عطايـا ريشة ما تقبل (السكنـى) علـى جنحـان طايـر=الله اكبر في جنـاح الطيـر كـم سـوت سوايـا واعدتني فوق كوكب(رحت زاير جيـت زايـر)=واطلقتـنـي للـغـرام وسلمتـنـي للمـنـايـا هي تحسب اني غريب بـلا ربـوع ولا عشايـر=ما تعرف اني سلاليـل مـن يقـودون السرايـا اخر المشوار يـا طفلـة غـرام وشعـر ثايـر=انتهـى كـل الحديـث ومعـك للخمـره بقايـا شاعر لولا حديـث الخمـر وعيـون السجايـر=صدق الخمره وكـذب كـل مـا قالتـه (مايـا)
يا صاحبي ( أغنية يا جارة الـوادي)=والليل والنـاي والجيتـار واوتــاره اخذتني البارحه من جـوي الهـادي=لاخر حدود الهوى والعشق واسراره للـورد للمسـك لليشمـوم للكـادي=للشط والبحـر والمركـب وبحـاره للحب الاول وانا اللي كنت متحـادي=ما ودي اسمع علومه واعرف اخباره ابيه يظما غـلاي ويشـرب بعـادي=ويصير ذكرى مثل ما صرت تذكاره من قله اطلق يداي وحـرر قيـادي=ما يـدري ان الليـال السـود دواره واللي من اول مهو عادي غدى عادي=لو يبكي اللحن من نايـه وجيتـاره وان صار موتي قبل تاريخ ميـلادي=مانيب مختار شـي مـا الله اختـاره حتى انت يا صاحبي لك جاره ووادي=لكـن صاحبـك لا وادي ولا جـاره
تدرين وش سوى غيابـك لا جـزى الله الغيـاب=سوى سوايا الريـح والامـواج بشـراع السفـن الشمس غابت واختفت والثلـج مـن فرقـاك ذاب=والحب شمعه في مهـب الريـح يدفعهـا الزمـن والريح غضبت وانتثر دمعه من عيون السحـاب=والشوق فز ودمعتي طا حت على كـف الشجـن دمع السحاب اليا انتثر شربـه ضمـا خدالتـراب=لكن انا دمعـي علـى فرقـاك راح بـلا ثمـن صار الفراق الزاد والما واللقـا جـوع وسـراب=والنوم صار اكبر عدو والليل صار اكبر وطـن وانصكت ابواب السعاده وانفتـح بـاب العـذاب=والصبر زال وحال والشوق القوي حـل وسكـن والروح ضاق ابها الفضا والجسم ضاق من الثياب=والضيق ضيـف مرنـي ومعزبـه روح وبـدن البارحه مريـت دمعـه فـوق تذكـرة الذهـاب=ما شفتني واقف هنـاك ادفـن هيامـي واندفـن مريتك رسالة زعل في ظرف من لـوم وعتـاب=دقيـت بـاب اللـوم محـد رد والا قـال مـن انا ادري ان الحظ جابـك والسفـر ودى وجـاب=الله يبيـض وجـه حظـي حيثمـا راح وظعـن وانا اشهد ان الوقت ساطـي لا يـذل ولايهـاب=لولاه ساطي يا حبيبـي مـا جـرح والا طعـن ما يدري اني لاجلك اتعبـت المطايـا والركـاب=الله لاجلك كـم وطيـت دروب واهـوال وفتـن ما يدري انه فا الضلوع العوج تعوي لك ذيـاب=ما يدري ان اللي براسي في رحى البعد انطحـن لكن زد غبـا تـزد حبـا ولـو طـال الغيـاب=قبري تـراه عيونـك الثنتيـن ورموشـك كفـن
الحب لعبة حرب او شطرنـج مـن يلعـب هلـك=والحرب لعبـة مـوت والشطرنـج لعبـه مذهلـه (جندي)(وزير)(حصان)(فيل)(وقلعه)(وحضرة ملك)=قـدم تراجـع واهجـم ودافـع ولابـه مشكـلـه المشكله لا صار مـا لـك حـظ والوقـت خذلـك=متـى علـى الله يعتـدل حظـك وتقـدر تخذلـه الله يـا بحـر الهـوى يـا ويـل منهـو يدخلـك=كم واحد اخذه موجـك الغـدار مـا رجـع لهلـه استسهلك واستصعبـك واستصعبـك واستسهلـك=بس النتيجـه فـي النهايـه مهزلـه فـي مهزلـه يا معذبي كـل الـدروب اللـي خذتـك توصلـك=يمـي ولـو طـال الغيـاب ولا قـدرت اتحملـه تدري اقول؟والا بـلاش والا اقـول اشتقـت لـك=اشتقت لـك واللـي دعانـي باختصـار المسألـه واحد زهم باسمك علـى طفلـه ورحـت اتخيلـك=شعرك عيونك نظرتـك واخـر كلامـك واولـه وشلون ما تشتـاق لـي وانتـه فـوادي منزلـك=معقول فـوق الارض واحـد مـا يحـن لمنزلـه متى يشيـل الشـوق خنجـر فـي يديـه ويقتلـك=واذا قتلـك الشـوق لا تشتـاق لـي روح اقتلـه يمكن يجي لي يوم ازورك فـي منامـك واسالـك=يا هل ترى طيفي ولو صدفه عبر واشتقـت لـه؟
اواعدها على الهجري وتوعدني على الميـلاد=وتفضحهـا رسايلهـا وتفضحنـي مراسيلـي تقول اسهر ترى مافيه عاشق مهتنـي برقـاد=واقول الها فدى راسك ولو هد السهـر حيلـي سروق النوم لكن السهر لازم لـه المرصـاد=ولو جيت اتامر معه يـا ويلـه ويـا ويلـي مدام الليـل قنديـل وعيونـي نـوره الوقـاد=ابا اسهر جفن عيني لجل اضوي نور قنديلـي عطيت الليل ميعاد وصدقت وجيت فا الميعـاد=وجا ليلي على الميعاد يا ما اطيبك يـا ليلـي انا بيني وبينك يا السهر عشـره وملـح وزاد=اجي لك كل ما جار الزمان الشين وتجي لـي ليا مريتني جيت الك بـا الدلـه وبـا البـراد=معاميلي بيـوت الشعـر وافكـاري فناجيلـي تقهوى يا السهر من كيفي اللي فوق ناره جـاد=عساك ليا اعتدل راسك من الفنجال تدعي لـي ترى البن الحروف الثانيه والهيل حرف الضاد=ماهي من كيل غيري جاتك الثنتين من كيلـي تخير من عيوني ما تبـي والطـارف السـداد=ولا تلحقني الشرهـه علـى دمعـي ومنديلـي خلق طه حسين اعمى وعـاش مفتـح العقـاد=وكان الحظ مثـل الحـظ والدنيـا تساهيلـي انا اللي في طريقي وقفـوا العـذال والحسـاد=على شان انهم عجزوا ولا وصلوا مواصيلـي رموا عشرين جمره كل جمره كبر ريع جيـاد=على دربي وانا ماني شـرود القلـب وذليلـي على تهليل موسى بن نصير وطارق بن زيـاد=سريت لقرطبه والحرف سيفي والقلـم خيلـي الي حلم ابني لغرناطه اكبر جسر مـن بغـداد=وامد اكبر قناه مـن الفـرات لضفـة النيلـي انا مجنون ؟ لا والله صاحي مير حلمـي زاد=ولا هو ذنبي ان احلامي اكبر من بني جيلـي لو احلامي مطايا كان البسهـا رسـن وشـداد=واعقلهـا ولا تتبـع جمـال عقيـل وعقيلـي لكن احلامي طيور تهاجـر مـن بلـد لبـلاد=عطا ها الله جناحين مثـل طيـر الابابييلـي تجي وتروح والمقسوم فا المـرواح والمعـواد=يا دوب يسدها وان سدها وش عاد باقـي لـي مـن الالاف للميـات للعـشـرات لـلاحـاد=تموت احلامي الخرسا على شاطـي مواويلـي مضت سبع عجاف جدب لا بارق ولا رعـاد=ذريت العشق في قلبي ولا جا لـه محاصيلـي ومن بعد العجاف السبع جت سبع عبوس شداد=غلاق اربع طعش لا برق لا رعاد لا سيلـي الا يا الله انا مانيب من زمـرة ثمـود وعـاد=ولا ني من نصار ى حرفوا منهـاج الانجيلـي متى السبع السمان تجي وتقفى السبع سبع جداد=واطفي شمعة الحساد واشعل ضي قنديلي
يا عاذل القلب ما دينـك علـى دينـي=ابعـد خطاويـك يمـي لا تعرجـهـا دربك يسار ودروب العاشـق يمينـي=كل علـى مـا يبـي رجلـه يدرجهـا اقفـت بعارينـك وقفـت بعاريـنـي=والناس مـا تتفـق دايـم منـا هجهـا لو شفت ما شفت فـي دنيـا المحبينـي=ضاقت بك الارض مدخلها ومخرجهـا الطفله اللـي مسويـة العجـب فينـي=في مدرسة عشق وانا انطـر تخرجهـا اعطيتهـا القلـب كـراس وشرايينـي=مـن دمهـا الحبـر ليـن الله يفرجهـا يومين تحضر ويوم تغيب (يا عينـي)=وانا عشان الغـلا مـا ودي احرجهـا اخـاف لاحرجتهـا تبكـي وتدعينـي=(با المنطق الشمري)( جبته على وجها) دايـم تغنـج وتذبحـنـي وتحييـنـي=وانـا ( وش مضيعـن) الا تغنجـهـا ترضى ليا ازعلتها وازعل وترضينـي=من زود حرصي عليها ودي ازعجهـا يوم عرضت لـي وقلـت الله يكافينـي=من عينها يـا الله عيونـي تخارجهـا وتجيبنـي نظـره ونظـره توديـنـي=وانا مغير اسـرق النظـره وابرمجهـا حاولت ارد النظر مـا عـاد يمدينـي=رمح الهدب شقـق ظلوعـي وفججهـا لو انهـا تسمـح بفرصـه وتعطينـي=لاشـق صـدري واوريهـا وافرجهـا هـي صوبتنـي وعيـت لا تداوينـي=وانـا لـو انـي مصوبهـا لاعالجهـا وان جابها الله تحت موسـي وسكينـي=لاشعل شموع الغرام وخيلـي اسرجهـا يا صغير السن يا مجمـول يـا زينـي=هي كلمه اربع حروف اعرف مخارجها الكلمه اللـي تعبـر عـن مضامينـي=وقفت على اطرف لساني قبل لا اهرجها لو هي علي انتظرت شهور وسنيـنـي=مير انت قلهـا( وطالـت لا تسمجهـا)
قالت أبي رحله مهي رحله علـى هـام السحـب=قلت ابشري با اللي تبينـه يـا منـاي ومطمعـي يا مسافره ترى الدروب طـوال والرحلـه تعـب=رحله غريبه واغرب الرحلات مـا كانـت معـي قالت توكلنا علـى الله مـاش مـوت بـلا سبـب=ترى اطيب الاسباب لا صرت السبب في مصرعي قلت ادخلـي عقلـي وتلقيـن العجايـب والعجـب=وليا طرى لك كنسلي حجـزك وعـودي واقلعـي واخذت تذاكرها ومـرت بيـن عينـي والهـدب=وانا قفلت رموشـي الثنتيـن باطـراف اصبعـي مرت سنه بشهورها وايـا مهـا واللـي حسـب=فتـرة غيـاب المترفـه دقـات قلبـي واظلعـي لا جا لها طاري تعود ولا طـرى لـي ارتكـب=بعض التهور والغي الرحله واقول الهـا ارجعـي الصيف مر وجا الشتـا والجـو تبـدل وانقلـب=صار الدفا برد وهربـت مـن الخيـال لواقعـي ما عنـدي الا شالهـا والنـار ووجـار الحطـب=والضحكه اللي من سنه عيـت تفـارق مسمعـي يا هل ترى ترجع وهل هـذا الحضـور المرتقـب=يصبح حقيقه والغياب يمـوت وانشـر بـه نعـي وفي ليلة فيهـا الثوانـي جمـر والساعـه لهـب=جتني وانا ما بيـن فتـرة يقظتـي والـلا وعـي تمشي على استحياء والفستان مـن فـوق الركـب=قلت الله يحييـك فـي مصيافـي وفـي مربعـي بغيت اعاتبها وقالـت لـي بضحكـه (لا عتـب)=عندي حكي من عام مرهقني ومقلـق مضجعـي قلت اخبريني قالـت التاريـخ لـو حـدث كـذب=ما قال كل اللـي بعقلـك يـا الاديـب الالمعـي لقيـت فيـه اهـرام واصنـام وتماثيـل ولعـب=والهيكل المزعـوم نايـم حـول عـرش التبعـي واشعار ابـن زيـدون مـع ولاده ومجلـس ادب=والجاحظ المشهور يقـرا فـي كتـاب الاصمعـي ولقيـت دار الحكمـه وفيهـا ملاييـن الكـتـب=والفين مخطوطـه لابـن بطوطـه ولـم تطبعـي واجمل كتاب اعجبني اصلا ( معجم لسان العرب)=قلت العرب وين العرب يـا مـن يقـول ويدعـي راحو طعام جحوش بين اللي ذبـح واللـي نهـب=واللي شرى له يخت في جنـوى وقصـر مربـعي واللي يظلل جيل كامـل بـا الدعايـه والخطـب=الراعـي المسئـول راقـد والرعيـه(لا رعـي) حسبي عليك الله ما جبتـي معـك غيـر التعـب=رحتـي وكدرتـي برميـه خاطئـه مستنقـعـي قالت تقـرب والمـس الجمـره وعنقـود العنـب=مير احترص لا تحرق الجمره شفـاك وبرقعـي
عيش واســــــــــــتمتع الدنيا تراها متاع=محد قبلك خذا فا القــــــــــــبر شي معه وامش واختال واطعن با العــيون الوساع=كل قلب اعترض لك والجــــــــهات اربعه وارهب وروع اللي فا الهــــوى ما يراع=نسه اسمه ولا منه ذكر روعــــــــــــــــه واقطع الروس قطع الروس با المستطاع=غير راسي دخيل الله لا تقطـــــــــــــعه موج مثل البــــــحر با الباخره والشراع=حرك ايوان كـــــــــسرى هزه وزعزعه دمر اثار تدمر با الـــــــــــمدن والقلاع=دور اكبر هرم فا القاهره واقلــــــــعه مستحيل انت؟ انا شعري طويل الذراع=يبلغ المستحيل ويا صل ويصـــــــــنعه يخترع لاجلك بيوت القصـــــــيد اختراع=كل بيت جديد يجيك من مصـــــــــــنعه انت من شاف حســـنك يا كريم الطباع=ياقف الك احترام ويخلع القبـــــــــــعه فيك معنى السعاه فيك معنى الضياع=شفت وشلون؟ فيك اضداد متجمــــعه
ايوه على كيفي ولا فكرت واغرف من بحر=بحر ٍ شواطيه الحداثه والقصيد الجاهلي وليا طرى لي نقشة المعني نقشته فالصـخر=مثل النقوش اللي على بيـبان معبد بابـلي لو قالوا اعوج قلت كم عود اعوج وفيه الثـمر=اعوج مية مليون مره مير حظــّي معتلي حظي تعلـّى ما يحـّـده لا نجـــوم ولا قمر=ماهوب ذنبي دامت ان الله رفع لي منزلي ترى الصغـّير في نظر عيني صغير لو كبر=يبقى الصغـّير في نظر عيني صغير وش علي اما كـذا والا بلاش من القصايد والشـعر=واية قصيده تعجب القاري ترى هـذيك لي
على الطين اوقد النيران وابن الصـرح يـا هامـان=عشان ابلغ بـه اسبـاب السمـا والمـس كواكبهـا واصافح به يديـن ٍ شانهـا فـوق البسيطـة شـان=يديـن ٍ زاحمـت شهـب المـجـرات بمناكبـهـا من اشرف غصن فاطهر عود من شجرة نسب عدنان=خلقهـا الله وطيـب فعلهـا مـن طيـب صاحبهـا على ارض ٍ رملها مسك وهواهـا نفحـة الريحـان=وماهـا معجـزة نفـنـى ولا تفـنـى عجايبـهـا يحن طويـق وتفـز السـراة وترقـص الصمـان=وتختال المخايـل فـي سمـا حايـل وفـوق ابهـا كـأن الله خلقهـا فابتسـامـة سـيـدي سلـطـان=ليـا مـنـه تبـسـم هـلـت الغيـمـة ذوايبـهـا شفاك اللي بجودك كم شفى علـة واغـاث انسـان=وفك رقاب كان المـوت تحـت السيـف قاضبهـا وعوفيت وتعافى الجـود والمعـروف والاحسـان=وطابـت بـك نفـوس ٍ غيبتـك كبـرى مصايبهـا تودعـك الربـاط ونجـد تستقبلـك بـا الاحضـان=دمـوع مودعـة ودمــوع تستقـبـل حبايبـهـا وتصحبـك السلامـه دامـت ان مرافقـك سلمـان=وتبشر بـا السعـد فـي مشـرق الدنيـا ومغربهـا هذا رمز الوفـا لـو للوفـا بيـن العـرب ميـزان=تميـل كفـتـه مستـعـرب العـالـم وعاربـهـا اخذ شدة عمر مع ليـن ابـو بكـر وحيـا عثمـان=ومن شلفـا الزناتـي فعلهـا الساطـي ومضربهـا تحارب هيبتـه عنـه العـدا فـي ساحـة الميـدان=وتكسـر شوكـة العـدوان قبـل انـه يحاربـهـا عطاه الله من الحكمـة بفضلـه مـا عطـا لقمـان=على ما اعطت لـه الايـام مـن حكمـة تجاربهـا امير ٍ كل صفحـة مجـد فيهـا حـط لـه عنـوان=سرايا المجد خـال وجـد ناخـت لـه ركايبهـا!!
الغريب اللي نوى الرحلـة وخانتـه السفينـة=والسفينـة وافيـة والبحـر علمهـا الخيـانـه رحلته رحلة عمر من مكـة لصـوب المدينـة=لا فرار ولا انكسار ولا خضوع ولا استكانـة كبر في عين الحيـاة وصغـرت الدنيـا بعينـه=شانها قـل بنظـره وفـي نظرهـا زاد شانـه كن ابو الطيب بقى طيب وطالـت بـه سنينـه=لين ودع قصر سيف الدولـة وغـادر زمانـه معه قرطاس وقلم والسيف فـي قبضـة يمينـه=وتعرفه الخيل والليـل وقفـار ارض الكنانـة خلى الاطرش يستمع شعره والاعمى يستبينـه=قـوم الدنيـا وقعدهـا بكلمـة مـن لسـانـة لين قابلنـي وحصلـت الشبـه بينـي وبينـه=فا الطموح وفا الظروف وفا الحروف وفي بيانه ثم ودعنـي بعـد مـا لمسـت يدينـي يدينـه=وارتجل عن صهوة حصانه وسلمنـي حصانـه قلت أمانة؟ قال أمانـة قلـت ويدينـي أمينـة=قال أمينة؟ قلـت أمينـة والله الله بـا الامانـة ايه أنا ذاك الغريب اللـي شـرى داره ودينـه=يوم غيره بـاع داره مثـل مـا بـاع الديانـه كل ما جيت البحر ضاحك عقد لـي حاجبينـه=كني اللـي سـارق ٍ لولـه وكاسـر عنفوانـه ايه يا بحر الغـرام اركـد وتغشـاك السكينـه=كان لك ثار اطلبه والشاطي المطلـوب عانـه واما انا ادور على الحوت وعلى الدانة الثمينـه=دانة في بطن حوت وبطن حوت يضـم دانـة ان تركها الحـوت قلـت الله يرحـم والدينـه=وان منعنـي دونهـا والله لاوريـه اللعـانـه في نظام البحر يحـرم تؤخـذ الدانـة رهينـه=وادري ان الحوت في شرع البحر عنده حصانة مير انا مغـرم وعاشقهـا وزدت البـل طينـة=ثم زدت الطين بلـة والهـوى مالـه ضمانـه المـلاك اللـي شفايفهـا كـرز والخـد تينـه=وان تثنت خصرها الين من عصاة الخيزرانـه كنها املى نحيفه في وصـوف انحـف متينـه=جيدها جيد المهـاة ومشيهـا مشـي السمانـة جيت ابخطفهـا وخانتنـي وخانتهـا السفينـة=والسفينـة وافيـة والبحـر علمهـا الخيـانـة
في حينا طاووس باني عرش من قـش الغـرور=ما وفر الا القشه اللي قاصمـة ظهـر البعيـر! ليا مشى فا الحي ترخي روسهـا كـل الطيـور=حتى تساوى الروس ما في لا صغير ولا كبيـر! ان قال دوري يا ارض خلوها على شانه تـدور=وان قال توقف وقفوها غصب لو هـي تستديـر عن يمنته سرب الحمام وعن شمائلـه الصقـور=تطير وتوقع وهـو فـارد جناحـه مـا يطيـر! في نظرته ثلث الخلايق عمـي والثلثيـن عـور=مافيه غيره فا البسيطـه لا سميـع ولا بصيـر! ليا بغى له شي جابه لـو ورى السبـع البحـور=وليا بغينا شي قـال شلـون؟ لا يمكـن يصيـر يطلع لنا مثل النقـط والفاصلـه بيـن السطـور=ونضيع حنا بين حـد السطـر الاول والاخيـر! ان زارنا نستقبله با الطيـب وانـواع البخـور=الجو يملا له حرس والارض تفرش لـه حريـر ان مل حلة قيصر ابدل لبـس شرطـي المـرور=وليا لبس لبس المرور اخلف لنا خـط المسيـر نخشـاه كنـه مطلـع فيمـا يكنـن الـصـدور=وان راح ما نقدر نقول الا كريـم وفيـه خيـر! يا حينـا حـي العرروبـه والذيابـه والنمـور=كيف السباع تخاف من طاووس والطاووس طير! اما وقفنـا لـه بهبتنـا علـى جسـر العبـور=والا نغير لوحة اسم الحي الى ( حي الحمير )!!
مغادر ظهر ابوه ادم وعابـر سكـة الاصـلاب=خطاه الطاهـره مـن طينهـا تاخـذ طهارتهـا طفل ما داس حقبة غير فزت له زهر واعشـاب=وكـم امـة تمنـت عينهـا انـه كـان قرتهـا!! تغازله السنيـن وتبتسـم لـه والهـوى غـلاب=ولامنـه تعـداهـا تبـشـر عـنـه جارتـهـا ركض حتى تعب منه التعب في رحلة الانسـاب=علـى كتفـه يشيـل مهمـة الارض وعمارتهـا معه ستة عشر شمعـه مضيئـة نورهـا جـذاب=لو اشعـل نصفهـا فـي ظلمـة الدنيـا انارتهـا حمل في جعبته ريح القصيـد وزهـرة اللبـلاب=وبلسانـه حـلا الدنيـا وفـي قلبـه مرارتـهـا تئن الريح فـي صـدره ويفتـح للقصيـده بـاب=وتفـرد اجنحتهـا فـوق ابـو ظبـي وامارتهـا سنين طوال ورياح القوافي في سمـاي اسـراب=وتنكرها السمـا مـا كنهـا فـي يـوم طارتهـا تعب كل المواني يـا شراعـي والبحـر كـذاب=خذت جنيتـه عمـرك وشحـت عـن محارتهـا انا اخر لحن مات من القهر في حنجرة زريـاب=وانا اول حنجـرة جـات البلابـل واستعارتهـا وانا الموت الرحيم اللي اتى من مقبـرة غيّـاب=يبـي يستـل قبـح الابجديـه مـن نضارتـهـا احس ان القلم مغزل ذهب وان الـورق جلبـاب=خيوطه من خطـوط الحبـر منسوجـه عبارتهـا نعم يا ريـح هبـي والمدينـه دونهـا الاحـزاب=لك النصـر وقريـش تهمهـا العيـر وتجارتهـا مهمتك اكبر من المـدح والتصفيـق والاعجـاب=ومن اغراء ضوء الشمس من شكـل استدارتهـا الوف من العذارى اللي لبسن من الحروف حجاب=على اسرة سلاطين العـرب ضاعـت بكارتهـا تمسح جوخ ابـو زيـد وتقبـل منكبيـن ذيـاب=وباعت ماءهـا الطاهـر علـى سقـاي حارتهـا صلاح الدين وينه؟ كان فينـا فـص ملـح وذاب=بطل مير اسدلـت مـن دونـه الدنيـا ستارتهـا خيولك يا صلاح الدين ممنوعـه مـن الانجـاب=ما بين افراس عقمت واحصنة ضاعت ذكورتهـا اخذ برشام سمـوه السـلام وريـح الاعصـاب=وعلق معركة حطيـن فـي قبـرك وصورتهـا ترى حنا بعدك سيوفنا ماهـي سيوف..أخشـاب=على العرضات وايقاع الطبـول تشـن غارتهـا بنادقنـا شريناهـا عشـان تـزيـن السـكـراب=تشيـخ وتنتهـي مـا ولعـت مـره شرارتـهـا حرار اي والله انا احرار لكـن مالهـا مخـلاب=تحسب ان البراقـع كـل مـا هـدت حبارتهـا ذياب اي والله انا مير مـا معنـا جلـود ذيـاب=خذتها رايـس لا غلـى حقيبـة فـي وزارتهـا بمجلس قهـر سجـاده عبوديـة وسقفـه كـاب=تدرسـنـا مبادئـهـا وتطعمـنـا حضارتـهـا انا يـا سادتـي يـا سيداتـي ادعـم الارهـاب=شفاهـي قنبلـه موقوتـه وترعـب خطورتهـا ادافع عن شعر بغـداد واشـري للخليـل ثيـاب=كنايسـهـا عرايسـهـا مساجـدهـا منارتـهـا ابخرج لليهـود مـن الـورق والتيـن والعنـاب=من الخبز ومن اعمدة المـرور ومـن اشارتهـا من كفوف الصبايا الل يدمـي ناقشـات خضـاب=من اطفال الحجاره لو اكون اصغـر حجارتهـا فلسطين انتي عيون القصيدة والحـروف اهـداب=دموعك سيلت كحـل القوافـي مـن حرارتهـا شوارعك العرايش والمبانـي والبيـوت اعنـاب=واهلك السكر اللـي مستخبـي فـي عصارتهـا انـا يـا درة الدنيـا عشانـك ادعـم الارهـاب=شفاهي قنبلـة موقوتـه وترعـب خطورتهـا!!
البيرق اللي كلمـة التوحيـد فوقـه والرسـول=الكلمتيـن اللـي نقـدس لفظهـا وحروفـهـا بيرق عيال اللي سرى ليله على كـور الذلـول=كن الحصى يشتب نـار ليـا وطتـه خفوفهـا الموت ماردها وهي ماهي عن المـارد جفـول=اعطت نحرهـا للمنايـا وذخـرت سرجوفهـا صولة وجولة كونت دولة عساهـا مـا تـزول=ولا تغيرهـا صواديـف العبـر وصروفـهـا دار ٍ غلاها عندنا ما يقبـل انصـاف الحلـول=مغروس باقفاص الصدور وحافظينـه جوفهـا فيها الزعيم اللي كلامه فعـل وافعالـه تقـول=ان المناصب مـن وصوفـه تستمـد وصوفهـا السيف قاطع والمليك القاطـع البـر الوصـول=راعـي يميـن ٍ تاصـل ولا ينقطـع معروفهـا واخوانه اعوانه كعام الروس ماضيـن الفعـول=موطية هامـات روس الشـر تحـت كتوفهـا واخص ابو خالد وابو خالد عسى عمره يطـول=غانم وسالـم مـن مقاديـر الدهـر وصدوفهـا راع اليدين اللي على المدات ما تقصر تطـول=كن السحايب بيـن اصابعهـا وبطـن كفوفهـا تعقل مطاليـق بنداهـا الغمـر وتفـك معقـول=من تحت قوم ٍ جردت يوم القصـاص سيوفهـا يا مرحبا حييت يا مـن فيـك حيـرت العقـول=وابكيت فـي غيبتـك سكـان البلـد وضيوفهـا قلوبنا بصدورنا تركض مثل ركـض الخيـول=خطوة رجاها فيك تبعد منـك خطـوة خوفهـا والبحر والبيد الوسيعـه والنوايـف والسهـول=والكعبة اللي كل مسلم فـوق الارض يطوفهـا ماهي على خبرك( تراها في مطارات الوصول)=تبغاك مـع مستقبلينـك بـا العيـون تشوفهـا!
لمت الشمس الجديل وغـادرت والليـل ظلًـم=والظلام أرخى على وجه الشفق ضافي لباسـه مر حرف الضاد فـي دربـي وقابلنـي وسلًـم=والحروف الباقية تمشي معه موكـب حراسـه كل حرف قاضب ارضه والزعيـم اللـي تكلًـم=في كلامه ثورة الغاضب وفـا النظـرة تعاسـه قلت كيف الحال؟ قال اسمع وبشكـي واتظلًـم=فالادب والشعر والتاريخ وان شئـت السياسـه من يقول الحرف جامـد لا يحـس ولا يتألًـم؟=غير جاهـل لا دهـاء ولا ذكـاء ولا فراسـه القلم خفيً حنيـن الضايعـه والحـرف سلًـم=والشعر من سبة الشعار في عصـر انتكاسـه أنت شاعر؟ قلـت لا والله انـا ادرًس واعلـم=فا المديح وفا الهجاء وفا الرثاء وفا الحماسـه مدرسة والحرف طالب علـم عنـدي ويتعلـم=في بحور الشعر دار الحكمة وفصـل الدراسـه والمعلم بـا الزعامـه والرياسـه مـا تحلًـم=لاجله اكبر من خرافـات الزعامـه والرياسـه قوم يا حـرف وتـأدب وانـت قـدام المعلًـم=وفه التبجيل مـا وفيـت لـو حبيـت راسـه والله اني ما دخلت الحرب بـا السيـف المثلًـم=غير با السيف الشطير اللي يروع القلب باسـه وادري اني ماني لوحـدي وهـذا امـر مسلًـم=كل وقت وله رجال وكل عصـر وفيـه ناسـه الشجاع ليا اعترض لي قلـت للطعنـة تولًـم=فا النحر طعنة بطل ماهي غـدر والا خساسـه والضعيف ليا اعترض لي قلت (صلى الله وسلًم)=الله اكبر يا زمن صـارت بـه الذلـه حماسـه
حضنك سريري لا غفيت ولمسـة يدينـك دثـار=وعيونك بلادي فديـت حدودهـا جفـن وهـدب وانا فدى وجهـك ولا لـي فـي تفديـه اختيـار=وان خيروني قلت فدوى له وانا صدري رحـب لو لم تكوني بنت ابوك الحـر قصـاف العمـار=لاكفاك قولـة هـذي ام الحـر فكـاك النشـب يمـه ابسـال وانتـي تعرفيـن اسئلـة الصغـار=ما تخلو من امرين يـا استفسـار يـا قلـة أدب وانـا تعلمـت الادب منـك وتعلمـت الـوقـار=من راس ابوي اللي ذهب دمه وكنـه مـا ذهـب هل هو صحيح انا نسمـى هكـذا دون اعتبـار!!=للأرض والتاريخ والأديـان وجـذور النسـب؟!! يعني ابفهم ليش انا اسمي (عَمْر) واسأل باختصار=ليش انتي اسمك (هند )يا بنت الاكابر والحسـب؟ وليش اسم جدي حضرة (النعمان) عساف المهار=اللي ليا منه غضـب ثـارت مدينتنـا غضـب!! يا هند أنا في حَيره من ( الحِيرة) ومن يوم قـار=ومن ماضي ارض اجدادي اللي سطّر بماء الذهب كانـت مدينتنـا صغيـرة والنفـوس بهـا كبـار=الله يا كبـر المـدن لا كبـرت نفـوس العـرب كنا نحب الضيف والدلـة علـى جمـر الوجـار=تبغى تسابقنا على اكرامـه ويسبقهـا الحطـب!! كنا نحفـظ العهـد والميثـاق ونحفـظ الجـوار=ونقص يمنى السـارق ليـا مـد يمنـاه ونهـب! لا حاكـم الا الله ولا منهـج لنـا الا الـحـوار=والشرع ما ينحاز ضد بلال لاجل ابـو لهـب!! والشمس تمنحنا الدفـا والارض تعطينـا الثمـار=والامن يهدينا الرضـى والنـوم يسلبنـا التعـب واليوم دار بنـا الفلـك تسعيـن دوره واستـدار=صار الذنب فا الاسم راس وسمي الراس الذنب!! حتى مدينتنا اسمهـا اللـي غيـر قابـل للغيـار=تغير وصـارت مدينـة مـوت كنيـة أو لقـب! مـره تسمـى قرطبـة مـره تسمـى قنـدهـار=مرة تسمى حائط المبكـى وصحـراء النقـب!! والاسم( عمورية) الموقع ( تحت سقف الحصار)=الأنظمة(لا عدل) والسكان( مجموعة لعب)!!!!!! اثـر المـدن فـوق الخرايـط قابلـه للاندثـار=واثر المدن فا الصدر تبقـى وشـم لله العجـب!! حدودها ماهـي جبـال ولا سهـول ولا بحـار=لو هي كذا ما كان منها شبر واحـد مغتصـب!! يحدها من غرب غدر وشام شـك وشـرق ثـار=ومن الجنوب اسماء لو فسرتها ما القى سبـب!! فيها خذلنا المعتصم بـا الله فـي وضـح النهـار=وفيها قطعنا لسان ابو تمـام والتهمـة( كـذب)!! من قله ان السيف يسمع صرختين ام الخمـار؟!!=والسيف ماهوب اصدق إنباء ً من اوراق الكتب!! ما يولد الجـلاد يـا أمـاه مـن رحـم الجـدار=ولا من عـذوق النخيـل ولا عناقيـد العنـب!! الخوف نطفة والقلوب ارحـام والحمـل اختبـار=يقلون مـن يذبـح حمـاره لازم يشيـل القـرب والحمل عار من البدايـة والـولادة ألـف عـار=والعار ما نمسحـه ليـن الـدم ياصـل للركـب اما حيـاه بعـز والا مـوت مـا فيـه انكسـار=والا حرام الرجل يلبس ثـوب ويربـي شنـب!!
مدينة العشق غرقت فـي سبـات الركـود=ماحي فيهـا مـن العالـم سـوى ميتهـا!! كانت مدينـة حيـاه برغـم انـف القيـود=واليـوم صـارت مدينـة مـوت سميتهـا والليـل سكيـن وثيـاب المعازيـم سـود=ياللـي تجاهلـت فرحتـهـا ولا جيتـهـا النافـذة والستايـر والـركـن والعـمـود=واللمبه اللـي علـى شانـك خفـت ليتهـا والطاولـه والكراسـي والسريـر الـودود=وعلبـة سجايـر تعـب يشتـب كبريتـهـا حتى الملـك والوزيـر وقلعتـه والجنـود=اللـي علـى رقعـة الشطرنـج صفيتهـا كنـا سـوى ونتخيـل موكبـك والوعـود=تصحبـك غابـات الاشـواق وتناهيتـهـا واشهى ورود الطبيعه في اسيـل الخـدود=لا فاض نهـر الخجـل طوفـان واسقيتهـا وش تلبس من الاساور والحلـي والعقـود؟=واي العطـور اغتسلـت بهـا وحطيتهـا؟ وكيف ابتسامتك في وقت الرضى والصدود؟=ورمانتيـنـك اذا بـاغـراء عضيـتـهـا! كنا سوى نحترق في جمرة الوقـت عـود=ونفـوح مـع دقـة السـاعـه وتوقيتـهـا واثرك ورى البدر تغزل في ثياب الجحـود=وانا شموعـي هنـا ذبلـت علـى زيتهـا شكرا هداياك وصلـت ميتـه فـا الطـرود=موتـى بـلا ارواح فـي داخـل توابيتهـا كلفت نفسك عنـا تحنيـط موتـى الـورود=اللـي بخيـط سلوفـان المـوت لفيتـهـا صدري شتا البارح وزفرات صدري رعود=وانته جبل ثلـج مـرت بـك ولا اوحيتهـا بين اشتعال البـروق وزمهريـر البـرود=كـم مـن كـرة ثلـج تحرقنـي ولميتهـا اتعبني الركض خلفك في ظهـور الجـدود=شف كم امـم فـي طريقـي لـك تعديتهـا وانا وطن عشق واسـع مـا تحـده حـدود=يـا منظمـة عشـق تحكمهـا طواغيتـهـا يكفينـي ان حائـط المبكـي مهـو لليهـود=لـي ولمواعـيـد مـرتـك وتناسيتـهـا!!
أغراني الملك وجنـون السلطنـه والصولجـان=والشعر له سطـوة سليمـان وجنـون السلطنـه مرت سنه والحبر سرجي والقلم ظهر الحصـان=واوراقي البيضا صحـاري قفـر والمـدة سنـه من قلعة بعلبـك للاهـرام لحصـون القيـروان=لاكبر منابـر مسجـد الحمـرا وذيـك المأذنـه مـن أول اللاونـد للفـل لزهـور الاقـحـوان=لاخـر تفاصيـل القرنفـل والنفـل والسوسنـه راهنت بيـن الممكنـه والمستحيلـة والرهـان=إني أجيـب المستحيلـة فـي مكـان الممكنـه ما ابغى بقايا المفردات اللـي تعودهـا اللسـان=ولا الكـلام اللـي توارثنـاه حسـب الالسنـه يعني مهي صعبه اذا صورت من سحـر البيـان=دمعة لحن ناظم غزالـي فـي عيـون الميجنـه أو جبت لي بحر ٍ جديد ٍ ما خلق لـه ترجمـان=خارج عن قيـود الهلالـي والرجـز والهيجنـه أخرج عن القانون با القانون واعطيـه الضمـان=إني أنا اللي متبـع نصـه وانـا الخـارج عنـه واترك على وجه الزمن بصمة من أطراف البنان=تبقى مثـل بصمـة أصابـع بيتهوفـن ولحنـه ما تخرج الصدفة من الجعبة على الشاعر سنـان=الا وباقـي فـي كنانتهـا سنـان أقـوى منـه وان عاش راسي لا جل عطرك يا ورود البيلسان=لا غفر كوارث سيئات الشعر واجزيـه حسنـه العام يوم ان الزمان بخير لـو ضـاق المكـان=من وسع صدر الوقت ما ضاقت علينا الامكنـه واليوم يا وسع المكان وضيق صدرك يا الزمـان=تخرج من أطرف خرم الابرة قبل لا تدخل منه!
طموحاته من الدنيا.. كحـل وقلادتيـن وروج=يبا يرضي غـرور عيونـه وشفتـه ورقبتـه واذا جاب الثلاث اللي يبيهـا روق العمهـوج=وعاتبني على احلامي وانا مـا قـط عاتبتـه يقول الحق سنينك راح نص العمر يا مرجوج=ترى العمر انقضى واللي تبيه بعيد مـا جبتـه تدوج وقلت من له غاية ٍ مثلي لـزوم يـدوج=يشوف بعينه اللي شفت فـا الدنيـا وجربتـه ثلاثين انقضت قدام عيني فـوج يتبـع فـوج=يباريهـا قـدم رجلـي وتعبـنـي وتعبـتـه اشرق به واغرب به والامس به زراق الموج=واعـود ليتنـي مـا كـان شرقتـه وغربتـه ادور حظ واحد معتدل بين الحظـوظ العـوج=ولا مـنـي لقيـتـه هابـنـي والا تهيبـتـه بروج الحظ واجد مير ما لي فا الحظوظ بروج=ولا لي غير عـزم وحلـم عذبنـي وعذبتـه حجزني سد ذو القرنين عن ياجوج مع ماجوج=ولولا خوفـي تقـوم القيامـه كـان ذوبتـه!
(وادي الرمه)..طير القطا هاجـر وقطعـان الأرام=راحت لها عامين مـا مرتـك يـا (وادي الرمـه) العام أمرّك واطلـق الناقـه وافـكّ لهـا الخطـام=ترعـى ونـاري تشتعـل ودلال كيـفـي والـمـه والبارحه مريـت بـك ساعـه ولا طـال المقـام=من وحشة ٍ تجري مـع الشريـان وتخالـط دمـه ويـن الخزامـى والنفـل والمـا وعيـدان البشـام=وين الـورود اللـي علـى جـال الركيـه حايمـه وين البدو ويـن المراعـي والمضـارب والخيـام=والراعي اللي كـان فيـك العـام يسـرح بغنمـه معقول كل اللي من اول فيـك خانـوا؟ يـا حـرام=معقول ما باقي وفي غيري وكـم غصـن سلمـه! كم هزني منظرك يا الوادي و صوتـك يـا لحمـام=اللـي شلـع قلبـي بترانيمـه ولحـنـه ونغـمـه البارحـه مـرت ثقيلـه بـرد وريـاح وظــلام=يـا قشرهـا لا مـرت الليلـه ثقيـلـه مظلـمـه صاحي وهي من ثقلهـا عيـا يطيـب لهـا المنـام=وانا ما غير ارقب متـى تنعـس عيـون الظالمـه يوم نعست مـا نامـت الا بيـن لحمـي والعظـام=يا ويل مـن ليلتـه نامـت بيـن عظمـه ولحمـه يا ليل ضيمك زاد عـن حـده ومثلـي مـا يضـام=مـا كـل ظهـر بعيـر لا صابتـه قشـه تقصمـه والقشه اللي طاحـت البـارح علـى راس السنـام=لو مـا تحملهـا الجمـل كـادت تكـون القاصمـه والهرج مثل الملح نقصـه مثـل زوده فـا الطعـام=إن قـلّ غيّـر بطعمـه وان زاد غـيّـر بطعـمـه كنـت أوزن الكلمـه واعايرهـا علـى المليجـرام=من حرصي إني ما ابخص أصحابي لو بوزن عجمه وابدي الصاحـب علـى نفسـي ولا فيهـا مـلام=واقطع رغيف الخبـز مـا بينـي وبينـه واقسمـه واصحابي اللي كنت اعلمهم علـى رمـي السهـام=أطيبهـم اللـي يـوم علمتـه رمـانـي بسهـمـه ما جيت مجلسهم عشان اصبـح محـل الاهتمـام=مـا جابنـي غيـر الصداقـه والعلـوم الغانـمـه والا القصايد ليش انافسهم وانـا اللـي فـا الامـام=لو يطرد احسنهـم وراي يمـوت ويضيـع نسمـه وان حاول يجاريني انظـر لـه بضحكـه وابتسـام=واقول حظ اوفـر وفرصـه يـا صديقـي قادمـه وانا ادري ان الشعر لـه نـاس وقوانيـن ونظـام=وان الخليـل ابـن احمـد اول مـن بـداه ونظّمـه وانـا كريـم ٍ حـده الله فــوق مـأدبـة اللـئـام=أكلـوا وهـو جالـس ولا واحـد تكـرم وعزمـه أبقى كريـم ولا أمـر بعصـري مـرور الكـرام=ألاّ وأنـا ناقـش علـى صـدر الليالـي ملحـمـه الله وهبني ملك حرف الضـاد واصبحـت الإمـام=واكرمنـي بمزمـار ابـن داوود مـدري خاتـمـه وانا النبـي بعـد احمـد المتنبـي ومسـك الختـام=تبقـى تعاليـمـي نـبـوة والرسـالـه خاتـمـه شاعـر بكلمـة قـوم الدنـيـا وقعـدهـا وقــام=يبغـى يغيـر خارطـة عصـره بفكـره وقلـمـه يعني إذا قلت لك حرف الكاف ماهـو كـاف (لام)=صـدق كلامـي واعتبرهـا قـاعـده ومسلّـمـه يمكن يجي لك يـوم تفهـم وش مـرادي والمـرام=لا وقف عقلـك بيـن حـد الواضحـه والمبهمـه أحيان اسوي بيـت واحـد فـا السياسـه والغـرام=حتـى الهـواوي يحفظـه قبـل السياسـي يفهمـه واكتب عن الحب وتهيم قلـوب مـا كانـت هيـام=واكتب عن العدل وتصيـر قلـوب قاعـة محكمـه وان لاح براق الغزل والعشق فـي صـدر الغمـام=ما شفت قبلي من نبت عشـب القوافـي فـي فمـه حركت وجدان البشـر واشعلـت عاطفـة الرخـام=واضحكت مجموعة ورق وابكيت حبـر ومرسمـه كله عشان المترف اللي صار لـي عشريـن عـام=أبطيـت اعيشـه عـام يحلمنـي وعاميـن احلمـه اصحّي اسمه في شفاهـي كـل مـا حـاول ينـام=واسمي منوم مـن يجـي عشريـن عـام بمبسمـه يا مفتي افت العاشق اللـي حـج للبيـت الحـرام=محرم ويبغـى الاجـر والحجـاج مثلـه محرمـه ما معـه مـن دنيـا الغـرور الا وزاره والحـرام=والدعوه ان الله نهـار العـرض الاكبـر يرحمـه كـم سجـدة ٍ لله سجدهـا بيـن زمـزم والمـقـام=كم مـرة ٍ فيهـا قـرا المصحـف بليلـة وختمـه أدّى فروض الحج واركانـه علـى وجـه التمـام=ثم استعـى واطّـاف بـا لبيـت العتيـق وعظّمـه قال الخروج منين ؟ قال الحظ مـع بـاب السـلام=الحـظ وداه لـهـذاك الـبـاب واقـتـاد قـدمـه لو هـو مخيـر كـان دور بـاب ثانـي والسـلام=ميـر البنـادم مـا يخبيـه القـدر مــا يعلـمـه ما يدري انه عقب ما يخرج مـن افـواج الزحـام=رايح يشـوف المتـرف بعينـه وباسمـه يزهمـه واقـف ولا عـاذل ولا حـارس عليـه إلا اللثـام=والساعه اللـي تحمـد الله يـوم لبسـت معصمـه ماهـوب هـو لا والله الا هـو ولا فيهـا كــلام=اي والله انـه هـو ولا غيـره بلحمـه وشحمـه!! يعني بعـد قلبـي تـرك درب المحبـه واستقـام!!=صارت لعانـه حظـي العاثـر خذلنـي وخدمـه!! وقفت لحظه جرجرت لـي سالفـة عشريـن عـام=من سيرة اللـي عـام يحلمنـي وعاميـن احلمـه ما بين عشقـي للمبـاح ونشـوة اغـراء الحـرام=احترت انا اقفي عنه؟ والا اروح اضمـه والثمـه؟ يا مفتـي افـت العاشـق اللـي تـاب لله واستقـام=لو في خياله مارس أكبر ذنـب؟ ربـك يرحمـه؟!!
وش اللي مزعلك يا عمير والدنيا ظلال عصيـر=تميل وميلة ظـلال العصـاري مـن يعدلهـا؟!! تريح واقضب الكرسي وزانك وان طرى لك سير=على ساق وقـدم وازعـل مـن الدنيـا وزعلهـا لكن ان طعت شوري قبل ترمي با الرشا فا البير=توكـل يـا عميـر ولا توكـل قـبـل تعقلـهـا واخذ مني سيجارة واستمع واسف علـى التعبيـر=انا قصـدي عبـارة والسيجـارة ماهـي اولهـا بسيطه ما علينا وش نبـي بـا العـذر والتبريـر=نبـا نبـدا الحكاية وافتـح عيـونـك وفنجلـهـا حكايتنـا مـن التاريـخ والـقـران والتفسـيـر=وعقـل الشاعـر اللـي حلـل افكـارك وحللها لاني غير وانته غيـر واللـي راح اقولـه غيـر=ابيـك تركـز وذاكرتـك الاولــى تجاهلـهـا تذكر سورة النمـل وسليمـان وحديـث الطيـر=ونملة وصـت النمـلات تدخـل فـي منازلهـا وعرج لي على قصة سبا وابغـى النبـا تقريـر=يوضـح ويـن موقعهـا علـى الارض وقبايلهـا خذ التوراة واقراها خذ الانجيـل ( زور الديـر)=(ودير الزور) والقدس وعـدن حتـى تحصلهـا ما ابيك تقول ( قالت جدتي عن جدها) يا عمير!!=انـا وش لـي بغلطـة جدتـك حتـى اتحملهـا على ظهرك تحمل وزرها لـو كـان كيـل بعيـر=انا مالي دخـل فاوزراهـا اللـي فـوق كاهلهـا واذا يا عمير راسك داخ واعيـا مخـك التفكيـر=اخـذ منـي سيجارة والعبـارة صـح واشعلـهـا انا بشرح لك القصة مـا بيـن الحـق والتزويـر=وابسطهـا علـى قـدك واوضحهـا وافصلـهـا لكن اوقف على راسك ودخـن وافهـم التعبيـر=ترى التاريخ واقف فـوق راسـه وانـت كملهـا سبأ في سورة النمل وسليمـان وحديـث الطيـر=ماهي دولة سبـأ مـارب وصـح لسـان قايلهـا وذلحين احـذف الكرسـي وراك ولا تأخر طيـر=على خف وجناح ( ازعل من الدنيـا وزعلهـا)!!
في رحلة العمر من بصرى الى نينـوى=عرافة الفكر لعبت با الصدف والـودع قالت : أحدثك والعهدة على مـن روى=عن سالفة حزن فيها نفحة مـن الوجـع ثلاثه اخوان فا الوادي المقـدس طـوى=تحدثـوا بينهـم وانـا وقفـت استمـع الاول اسمه شرف والثاني اسمه هـوى=والثالث الما وابوهم حضـرة المجتمـع قال الكبير اسمعوا حنـا خلقنـا سـوى=واخـاف لا نفتـرق مـره ولا نجتمـع وليا انقطع بيننا حبل الوصـل والتـوى=وشلون نرجع بعد حبل الوصال انقطـع انا شرحت لكـم العلـه لكـن الـدوى=ماهو بعنـدي وكـل يبحـث ويخـتـرع قال الهوى لو فقدتونـي وطـال النـوى=اللي يبينـي علـى قمـة جبـل يطلّـع امرّ به عاصفة من صوب سقط اللـوى=او نسمـة بـاردة فيهـا دلال ودلــع تنحنـح المـا بنبـرة عالـي المستـوى=واوجز كلامه وقال بصوتـه المرتفـع ان تاه اخوكم عن السكه وضل وغـوى=ليا حفرتوا فا الارض شوي فز وطلـع صد الشرف عنهم وفكره سرح ما ضوى=لين سالـوه ونظر فيهـم وطرفـه دمـع قالوا عسى خير جاوبهم بحـرّ وجـوى=اخوكم ان ضاع مره وحده مـا رجـع!
(احتاج لـك والحاجـة أم الإختـراع)=من كثر ما احتاجك اذا غبت أخترعـت! تـزداد حاجاتـي اذا اقفيـت اتـسـاع=وتقل(لا حاجاتـي) ان فيـك اجتمعـت ان جيت يرخص سعر كنـز الاقتنـاع=وان رحت يغلى سعر كلمة ما اقتنعـت يا سيد الاقطـاع رفقـا ً بـا الجيـاع=الظاهر انك ما حصل في يـوم جعـت خبيت بعضي فيك عنك أغلى صـواع=حتـى الاقـي فيـك كلـي لا رجعـت وان كانـت كفوفـك تجيـد الاستمـاع=حطها على صدري واقل لك وش سمعت ضياع في بحرك ولا بحـر الضيـاع=ما شفت نفسي حي حتى فيـك ضعـت!
كومة اوراق وسيجـاره وقداحـه=كل ما اشعلها من الضيق طفاهـا شاعر لا حرك اطراف مسباحـه=جات حباته تسابق مـن اقصاهـا وصفهـا كنـه عناقيـد تفاحـه=نزلتهـا الجاذبيـه مـن اعلاهـا حولت ما بين اصابعه با الراحـه=جا يبي يختار واحتـار فاحلاهـا وانتحى الليل وطفى ضو مصباحه=واسدل جفونه على العين وارخاها والظلام لحاف والارض طراحه=كيف يكتب له قصيـده ويقراهـا يا هني الطير حـوران بجناحـه=كلما ضاقت به الارض خلاهـا ما يـرده يمهـا غيـر ملواحـه=والطرايـد يـوم عينـه تحلاهـا حر نفسه في مجيـه ومرواحـه=لـو تسابقـه الهبايـب تعداهـا عينه الرادار والمخلـب سلاحـه=كلما دقق فا الاهداف ما اخطاهـا ما طلب رزقه من يدين شحاحـه=حيثمـا دور لـلارزاق يلقـاهـا وانت يا طاغور قربتك نضاحـه=من زمان العام مقطوعه عراهـا تطلع المرقاب وتحـول الساحـه=ما لقيت الحاجـه اللـي تمناهـا والصدور قبور والعين فضاحـه=تكشف النظره وتبـدي خفاياهـا ما بقي من مركب الهند والواحـه=غير خمس الواح تسبح على ماها
حلم النظر طول العمـر ماغـادر اذهـان الكفيـف=وانا الكفيف اللـي تحاصـر ذهنـه أحـلام النظـر نصف العمر عشته ضرير أعمى على جنب الرصيف=والنصف الاخر صرت أ عيشه في رجى حلم العمر اذكر قطيع الريـم وانشـد عنـك يـا وادي ثقيـف=وانت اختفيت من الخريطـة كـن مـا باقـي اثـر من ينصف اوراق الشجر من بعثرة فصل الخريـف=ويكبـل يديـن الخريـف ويجمـع اوراق الشـجـر يا شجرة الصفصاف.. أوراقـك تساقطهـا مخيـف=طاح الورق واستوحشت قمريـة الغصـن الخضـر استوحشـت قمريـة الـوادي وغنـت يـا لطيـف=وانا وقفـت اسمـع لحنهـا واستمـع لـه واعتبـر اثر الطيور تحس با الوحشـه بعـد فرقـا الوليـف=واثر الحنيـن يهـز قلـب الطيـر وقلـوب البشـر يـا سيـدة كـل البنـات ودرة الجنـس اللطـيـف=يـا دانـة مـا جابهـا بحـار مـن سابـع بـحـر اما اقبليني ضيف دائـم واكرمـي مثـواي ضيـف=والا افتحي بـاب الصـدود وقفلـي بـاب العـذر احسني اضعف قوي واحـس بـك اقـوى ضعيـف=والريح خلف النافـذة تعـوي وانـا تحـت المطـر كيف انتظر والانتظار امضى من السيـف الرهيـف=والعمر يمضـي والثوانـي جمـر والساعـة دهـر لقيت مفتاح الفـرج فـي قبضـة الصبـر العنيـف=لكـن ويـن القـى ولـو دورت مفتـاح الصبـر؟ الصبر اقلـه حـد خنجـر قاطعـه واقـواه سيـف=اشـده المـوت البطـي واقلـه المـوت الحـمـر الوذ به لـوذة طريـد القـوم فـي وجـه الحليـف=ويردنـي بيـن الرجـا واليـاس لقيـود الاســر جيته وانا خوفي على صدري من طعـون العطيـف=واقفيت من عنده وبي عشريـن طعنـه فـا الظهـر والظلـم للعاشـق قهـر والعـدل للمظلـوم ريـف=من جرب الحجاج صاح وقـال وينـك يـا عمـر؟
عشان الموعد اللي مفترض فاول شهـر كانـون=لبس كانون شال ومعطف وجـا حسـب ميعـاده درى كانون واحبابي نسـوا مـا كنهـم يـدرون=عن الميعاد واللـي مـا اهتنـا شربـه ولا زاده طفى جمر الغضى بعد انقضى واستوحش الكانون=فقـد جمـره وماتـت دلتـه واغتيـل بــراده صحيح الوعد دين وخابر وعود الحـرار ديـون=وانـا طـلاب ديـن ولا و فانـي فيـه سـداده يا هامان ابن صرح من الحروف لسيدك فرعـون=لعلـه يبلـغ اسبـاب السمـاء وثبـت اوتــاده واذا كان المراد التكلفـه جبنـا ذهـب قـارون=ومـن عنـدي عليهـا مثلهـا ضعفيـن وزيـاده تصرف جيب طاقم هندسي من كل شكـل ولـون=تخير من تبي وابشر وانـا اجيبـه مـن بـلاده ابيه اعجوبة العصر الحديث ولا يجي فا الكـون=شبيـه لـه ولا مثلـه ولا حتـى مـن انــداده ابي سقفه يكون الكـاف وابوابـه تكـون النـون=ممراته ذهب خالـص وجدرانـه خـزف سـاده وابيه يمر من فـوق السحـاب ويثقـب الاوزون=واشوف الشمس تجري والقمر مـا بيـن ابعـاده وابيه اشهر من الاهـرام مـن تمثـال نابليـون=وابيه اعظم من السـور العظيـم بعيـن مرتـاده وابي حتى نبوخذ نصـر اللـي علـق الزيتـون=علـى شرفـة حدايـق بابلـه عقديـن وقـلاده يشوف المعجزه حتى الحدايق في نظـره تهـون=وينسى انه بناهـا وانهـا كانـت مـن امجـاده وابي زواره اكثر في عددهم مـن ميـة مليـون=عسـاه يكـون قـرة عيـن فرعـونـه ورواده وابي من ضمن زواره ابو الطيب وابن خلـدون=وابو زيد الهلالي لو يجـي مـن سابـع اجـداده واذا كان ان برج ايفل خرج مره علـى القانـون=فانا صرحي يبي يخرج على القانـون واسيـاده يا هامان الحروف الابجديـه تسعـه وعشـرون=وانا اخر حرف كاتب بـا القلـم تاريـخ ميـلاده اولع با القلم جمرة واصمم بـا الـورق غليـون=واكـن الشعـر تبـغ وجمـرة الغليـون وقـاده واجيب البيت صاحي كامل العقل ويجي مجنـون=واجيب البيت مجنـون وتزيـد جنـون حسـاده كـأن الشعـر ولاده وانـا كنـي ابـن زيـدون=وابن زيدون عاش ومـات لاجـل عيـون ولاده
أزهر الورد يـا نيسـان فـي وجنتيهـا=جعل باقي ورود الارض تصبـح فداهـا! قـل لمـاء المطـر يرفـق برمانتيهـا=قبل تشعـر بحباتـه تساقـط علاهـا! ثائـرة والهـدوء المفتعـل يعتريـهـا=طفلة في وريد الشمس تحقـن دماهـا! جفلوهـا عداهـا وارهقوهـا ذويـهـا=وارهقوني ذويهـا وانصفونـي عداهـا! قيدوها وانـا فـوق الغمـام احتريهـا=يسعد الله مسا الغيمة ويسعـد مساهـا كل ما اسمع رنين القيد فـي معصميهـا=قلت هذي يدي يا قيـد واطلـق يداهـا ودي امضي بها منـي وصـولاً إليهـا=دام هي محور الدنيـا وخـط استواهـا! هي من الطين لكن نكهـة النـار فيهـا=كنهـا ابنة(بروموثيـوس) وادم أباهـا! شاعرة ينبـع الشـلال بيـن اصبعيهـا=والرعاء أبلشوها وشربوا نصف ماهـا! كل ساعه تذود القـوم عـن راحتيهـا=مر تغضي حياء ومر ترفـع عصاهـا! جات تعطيني اجر( اني سقيـت لابيهـا)=ما درت باني اشرب من شظايا شفاهـا! قلت اصابعـك ثـروة غاليـة خبئيهـا=قالت الناس تبغى شي يقطـع ضماهـا! الله اكبـر عليهـم والله اكبـر عليـهـا=كيف بخلوا وهي كيف اجزلت في عطاها! وش عليها لو اكل الطير مـن راحتيهـا=دامها محـور الدنيـا وخـط استواهـا!
هز جذع الفكرة الهاجس وطاحـت جملـه=معجزه واظلاعها جملـة وجـذع وفكـرة فا المسيح ومريم العـذرا وجـذع النخلـة=المخاض الصعب في لحظة سقوط التمـرة اشكـر الله جابهـا لـي هكـذا مكتمـلـة=ما دخلها النقص من فضل الله ومن شكـره من حـدود القيـروان ليـا منابـع دجلـة=ومن ركون المسجد الاقصى لمسجد نمـرة مستحيـل المستطيـل ولـو نغيـر شكلـه=واحد من اظلاعه الاربـع يسـاوي قطـره قبـل افسـر قصـة المأمـون والمعتزلـة=قد قريـت أخبـار داوود ومناهـج سفـره ضحكة سليمان فا الوادي وخـوف النملـة=ذكرتني قصـة ايـوب ومرضـه وصبـره كل ما ارسم بيـت للشعـار يصبـح قبلـة=احد يسلم له واحـد يجحـد ويعلـن كفـره واكثر اللي يجحـد ويكفـر ولا يسلـم لـه=لو سألته قال مـا احبـه وامـوت بشعـره وان جلس ما معه احد قال الصحيح اشهد له=اشهد انه شاعر في عصر ماهـو عصـره قالها فرعون يوم انـه عصـى مـن قبلـه=إنما موسـى يبـا يظهـر علـي بسحـره ألق يا موسى العصا والساحر القـى حبلـه=وان كفر فرعون ذي الاوتاد يسلـم عشـره وان تبع هامـان فرعـون وتفرعـن مثلـه=واحد ٍ منهـم يبـا يصبـح للاخـر عبـرة الجمل لـو خلقـت رقبتـه كـذا معتدلـة=كان ما شاف السنام اللي خلق فـي ظهـره احتـرام معاويـة والا القضيـة سهـلـة=من ثلاث سنين يمدينـي قطعـت الشعـرة يا حبيبي خلنـا فـي عنتـر وفـي عبلـة=واترك اللـي للحصـان يـدورون العثـرة اكثـر الاخصـام لـو ربـي يحلـل قتلـه=كان من جرة قلم قلت احفـروا لـه قبـره انت كل الزيـن والباقـي يـروح لا هلـه=لا تصدق من يقول العاشق اعمـى نظـرة جامع الضدين ثلـج وجمـر داخـل قبلـه=جمر ما يطفيه ثلـج وثلـج يشعـل جمـرة والله اني كـل مـا شفتـك نثـرت القذلـه=ارتبك والبس عقالـي قبـل لبـس الغتـره ماهي برهبـة ولكـن باختصـار الجملـة=مثل ما للمـوت سكـرة للمحبـة سكـره!! |
صح لسان حمد العصيمي
ولاهان من نقلها |
سلطان
صح بدنك ولاهنت |
الدكتور حمد العصيمي
شاعر وعلم من اعلام الشعر صح لسانك |
خالد
صح بدنك ولاهنت |
الله الله ديوان دسم من شاعر ودكتور الشعر حمد العصيمي لله دره وبيض الله وجهك على النقل اخوى الكريم سلطان وافنا بكل جديد لدكتور حمد وتقبل مروري |
الشامان
وجهك أبيض ولاهنت والديوان متجدد بإستمرار : ) |
سلطان بن حامد
بيض الله وجهك على الجهد الجبار في إنشاء ديوان الشاعر الكبير د.حمد بن وصل العصيمي .. وسبقتني بجمع قصائده الفريده لاهنت يابن عاصم لاهنت .. |
محمد
وجهك ابيض ولاهنت تقديري لك ،، |
ما زرعت ارض القوافي قمح لعيون الجرادة=لو زرعت القمح لعيون الجرادة ضاع كلـه احصدوا حرفي واّ توا حقه يـوم حصـاده=والثمن ماهو بجملة( عشت والا هـا الله الله) لو كتبت الشعر ابي شهرة وتطبيل واشـاده=والله اني لاوصل لمركز قليل اللي وصل له يا حبيبـي كـل ٍيفسـر كلامـي باعتقـاده=مثل ساري الليل فا الصحرا وعينه للأهلـه شوفني علقت حرف الضاد في صدرك قلاده=يوم غيري علق حروفه على صدر المجلـه يا مقهويني سهر خل السهـر سكـر زيـاده=وانت سكر والسهر فنجان وحضورك يحلـه في غيابك كم شربت من السهر فنجان ساده=وأنت نايم والمولع في رجا (ليـت ولعلـه) نمت يا ظالم؟ ترى نومتك يا الظالـم عبـادة=اترك المظلوم يسهر ليلته وانـت اعبـد الله معك حظي ساقني للعشق وحروب الابـاده=كل ليله فاقد ٍ لي من جيـوش القلـب شلـه استقال العقل من منصبه واعطيـت القيـاده=قلبي اللي كل ليلـه يعقـد الـراي ويحلـه احسب انه قايد وقادر على فـرض الاراده=ما دريت انه غشيم ورتبتـه جنـدي مظلـه والله ان العقل مخطي يوم حول عن شـداده=الشداد اللي من سنين البلـوغ مـورثٍ لـه باي حق؟ اجتحت دولة ذات قانون وسيـاده!=من عطاك الحق تجتاح لك دولـة مستقلـة! اتفاق جنيـف للعاشـق كفـل نومـه وزاده=وانت مني سـارق الثنتيـن باثبـات وادلـه خاطفٍ نومي ومغتاله على اطراف الوسـاده=كن ما يردعك لا مذهـب ولا تمنعـك ملـه هو ينام الليل يا مجنون من ضاعت بـلاده؟=االمشاعر فـا العنابـر والحنايـا مستحلـه! لعن ابوك السيف ما يقطع وهو داخل غماده=وانت سيفك جاب في العيد قبل انك تسله!!! والسهم لو ما رماه القوس ما حقـق مـراده=غير قوسك صابني رميه وسهمه في محلـه يا الله اني طالبك فا النصر والا فا الشهـادة=لبسة اكفان المعزة خير من ثـوب المذلـة!! |
يا قاريء .. مني رسول الحرف يقرئك السلام=وأنا تراني ربه اللـي بـا الرسالـه مرسلـه اقرا حروفي واذكر اني صار لي عشرين عام=اشتال مصباحي على مشكاة فكـري واشعلـه زيته من عروقي وبلوره من اطراف العظـام=وانا من افخر خامة افكاري صنعـت ستايلـه العام اضاءت له قلاع الهند وقصور الشـوام=واليوم نوره فوق غرناطـه وقصـر طليطلـة تقدر على نوره تعود لعصر هود وعصر سام=وتمر فـي حقبـة سليمـان وتصـور هيكلـه والا على نوره تقـدم الـف خطـوة للامـام=وتعيش عصر ٍ ما طرى لك في خيالك تاصله اشهى من المن َ ومن السلوى تحت ظل الغمام=واعذب من الدانوب لا منه نبـع مـن منهلـه إن قل دل وقيل فا الامثـال يـا قـل الكـرام=وان زاد أفاد وصار له فارض القوافي زلزله خلك على صدره ليا مريت به مثـل الوسـام=وخله على راسك ليا مـر بـك تـاج وقبلـه وان كان تبغى صحبتي فتح عيونـك لا تنـام=النوم عن بعض المعاني لـو ثوانـي مشكلـه قدام نبلغ مجمع البحريـن ويصيـر الخصـام=لي شرط واحد وانت كيفك ترفضه او تقبلـه والشرط واضح مثل نور الصبح جلاي الظلام=وانا ادري انه صعب ما ينطاق لـو تستسهلـه يمكن تحس بسطـوة وظلـم وتعـدي وانتقـام=وتشوف مني ما يريبك فا الطريق مـن اولـه لو شفتني اخرق سفينة شعر واقتل لي غـلام=وابني جدار ولا اخذ مقابلـه لـو ربـع هلله مسموح لك تنظر بحريـة وممنـوع الكـلام=حلت لك النظرة وحرمت لك جمـع الاسئلـه واعرف ترى في كل ما اسويه لي قصد ومرام=حتى لو انـك مـا قـدرت تفسـره وتـحلله وان كان ما جا بيني وبينك تفاهـم وانسجـام=قل ( قد بغلت العذر منـي) والحديـث نقفلـه وانا علي اشرح لك اللي صار في مسك الختام=واخبرك ( ما لم تستطع صبرا ً) عليه وتعقلـه أما السفينة كانـت لشعارفـي بحـر الغـرام=كانوا مساكين ووراهم قلب مـا يرحـم هلـه واما الغلام اللي ذبحته كان شاعر يـا حـرام=أعوج لو نجيب الفراهيـدي عجـز لا يعدلـه واما الجدار لشاعرين صغار في سن الفطـام=تحته كنوز من الذهب عقد وسـوار وسلسلـه وانا بنيته لا جل يصبح لا عذب الشعر احترام=ويصيـر للشاعـر مقـام وللشعـر مستقبلـه وما فعلته غير بامر محـرم البيـت الحـرام=رحمة من الله با الحـروف الابجديـة منزلـه يا قاري حروفي قضى الما وانتهى كل الطعام=وارست مراكبنا على شط القصيـد وساحلـه هذا فراق ٌ بيني وبينـك علـى خيـر ووئـام=وليا كتب ربي جمعنـا فـا اللليـال المقبلـه لو كان منت بسّيدي موسى عليه أفضل سـلام=ولاني شبيه الخضر في تالي قصيدي وأوله!! |
والله اني رغم ما فا الراس مـن علـم وغـزراه=عن حضارات القرون اللي خلـت واللـي تلاهـا والدّهـا والفطنـة وفـن التخـاطـب بــا الاشــاره=والحروف اللـي تباهـى بـي وانـا فيهـا اتباهـى واعتقادي اني الشخص الـذي صعـب اختبـاره=وانـي اعـرف مـا تقـل الارض وتظلـه سمـاهـا ليلة البارح فضح عجـزي سـوال البنـت سـاره=يوم قالت لي (0 يبه كلمة عرب ويش معناها؟) بعثـرتـنـي يـرحــم الله والـداهــا فـــي عـبــاره=وجمعتـنـي فــي عـبــاره يـرحــم الله والـداهــا ارتبكـت ولا حظـت فـا العيـن دمعـة وانكسـاره=كـم دمـوع ٍ تفضـح الواحـد لـو انـه مــا بكـاهـا وضحكت مني وقالـت( ورنـي ويـن الشطـاره)=قلت شمعه في مهب الريح مدري وش طفاها!! لـو سالتينـي مـن الـلـي هــد برجـيـن التـجـاره=كـان جاوبتـك وانـا واثـق هدمهـا الـلـي بنـاهـا الـعـرب امــة لـهـا تـاريـخ وامـجـاد وحـضـاره=اصطفاها الله ومنهـا المصطفـى المبعـو ث طـه انشدي عن صبرهـا قمـة حـرا النايـف وغـاره=والرسـول اللـي تحـمـل بهـذلـة قـومـه واذاهــا عـن طهارتهـا الحـرم مـن منبـره ليـن المنـاره=والقبـور الـلـي بطيـبـه طـيـب المـولـى ثـراهـا عـن شريعتهـا كتـاب ٍ مـا يـمـس بــلا طـهـاره=والصحـاح الاربـعـه وام الكـتـاب ومــن قـراهـا عـن عدالتـهـا عـمـر والقبـطـي ورد اعتـبـاره=يـوم قلـه مـن عطـاك بنـص كـف اعطـه ملاهـا وانشدي عن سيفها اللي يقصم الظهر وفقـاره=كيـف عـز رقابهـا واخضـع لهـا هـامـة عـداهـا وانشـدي عـن جودهـا حـاتـم وسكيـنـه ونــاره=والحصان اللي ضيوف الليل من لحمـه عشاهـا قاطعتـنـي بابتـسـامـه فـــي حـلاوتـهـا مـــراره=جمـعـت ضـديـن بسـمـه مـرهـا يغـلـب حـلاهـا قالـت وهـي تلعـب بثـوبـي وتـربـط لــي زراره=ما بقى الا بنتك الصغرى تبا تضحـك علاهـا!!! الـعـرب كـانـوا كــذا والـيـوم لا والله خـســاره=انـت تقـرا صفحـة ٍ تاريخنـا الحـاضـر طـواهـا والعلاقـه بينهـم صـارت مثـل راس السيـجـاره=مـن قضـى منهـا بـدون مشـاوره تحتـه رماهـا وان لقـى فيهـا نفـس عـود عليـهـا باسـتـداره=حطهـا مــن تـحـت رجليـنـه وباقـدامـه وطـاهـا اليهـودي بـا القنابـل يقصـف اطفـال الحـجـاره=والعرب تزعل وترضى مـن خلاهـا فـي خلاهـا ان رضت طول جداره وان عصت صدر قراره=مـا حسـب هيـبـة شواربـهـا ولا هيـبـة لحـاهـا غــز بـيـن الضـفـة الغربـيـة وغـــزه جـــداره=فوق ميل ارض اغتصبها واربع اميال اشتراها حوطوها مثـل مـا حـوط علـى المعصـم سـواره=وذبحـوا ورعانهـا الرضّيـع واستحيـوا نسـاهـا من هو اللي غيرنا استعمر وشّـرد مـن ديـاره؟=غيرنا من نكس الهامـات والـروس وحناهـا؟!! العروبـه صـارت ان الجـار مــا يـامـن لـجـاره=والسيوف اللي تقص الروس رجعت في خباهـا امــة فــي كــل ليـلـه تـركـب الـمـوت وقـطـاره=المقـاعـد مــن قنـابـل والتـذاكـر مـــن دمـاهــا قلـت يكفـي وتركتـنـي كـوكـب ٍ ضـيـع مـسـاره=في سما الافكار يسبح مـن فضاهـا فـي فضاهـا مـر يدخـل فـا المـدار ومـر يخـرج عـن مـداره=ضيقت صدري وانا اللي مـا بغيـت الا رضاهـا ولعـت همـي جمـر وظلـوعـي العـوجـا وجــاره=يستعـر والنـار مـا يشعـر بهـا الا مـن صـلاهـا وتركت لي ليل مـن طولـه تعبـت ارقـب نهـاره=كن شمس الصبح شحت وحجبت عنـي ضياهـا يوم خيط النور ازاح الليـل مـن خلـف الستـاره=قلـت لا والله عقلهـا الله ورجعـت مــن حيـاهـا بـعـدهــا صـلـيــت لله ركـعـتـيـن الاسـتـخــاره=واتجهـت لشاطـي البحريـن لـي حاجـه وابـاهـا ما وصلت لشاطي البحريـن مـن شـان الزيـاره=غيـر لــي حـاجـه منعـنـي دونـهـا والا عطـاهـا ان منعـنـي دونـهـا حـقـه ولا فيـهـا استـشـاره=وان عطانـي قلـت طالـب حاجـه بحـق وخذاهـا امرؤ القيـس احتمـل عنـا لـوا الشعـر وشعـاره=ما غزت شـرد المعانـي غيـر هـو عاقـد لواهـا واحمـد المتنبـي اللـي كـل بـيـت مــن ابتـكـاره=اشـغـل الـعـالـم ورى مـعـنـاه والـدنـيـا مـلاهــا من وراهم جيت فارس شعـر مـا شقـوا غبـاره=راكـب لـي حــرة مــا خـلـق فــا الدنـيـا كمـاهـا ان مشت مشية مليكة عـرش نمـرة واستمـاره=وان عدت مـن سرعهـا رجلينهـا تلحـق يداهـا ( وصفها تقريـب تتفـل فارتخـا ذيـب المغـاره)=(ساقهـا سـاق النعـام وتشبـه الظبـي ايطـلاهـا) دام انـا خيالهـا اللـي مـا رضـي غيـر الصـداره=وش عليهـا كـان خلـت بـاقـي العـالـم وراهــا!! عين يعقـوب استـردت شوفهـا عقـب البشـاره=ميـر انـا عـاذر عيـون مـا ترانـي مـن عمـاهـا لا نتزعت اعجاب جمهوري وصفق في حراره=كنـي اللـي منتـزع بلقيـس مــن دولــة سبـاهـا يا الخليج اليعربي عقـب انتهـى وقـت الزيـاره=مـا بقـي فــا الخـاطـر الا كلـمـة وردت غطـاهـا بعد عشـر سنيـن لا مـرت عليـك البنـت سـاره=قـل لـهـا الدكـتـور دور للاجـابـه مــا لقـاهـا!!! |
من صوب وادي عبقر اللي عربدت فيـه السيـول=اللي ليا هبت عليـه الريـح صـار لهـا صريـر مثل الربيع الطلق اتيت اختـال مـا بيـن الفصـول=في كل نقطة حرف ما في كـل قطـرة مـا عبيـر اصابعي خمسة سنابـل خضـر وكفوفـي حقـول=واوراقي البيضا طيور وكـل سطـر جنـاح طيـر شاعر فحل من قشر حظي عشت عصر اللا فحول=اجمع شجاعة عمـر بـن هنـد وثقافـة شكسبيـر لو ترسموني خط عرض ارسم لكم خطيـن طـول=الشمس تشرق من يـدي والارض حولـي تستديـر اقدر بسحر الحرف اغيـر كلمـة علـوج لعجـول=يعنـي بخفـة يـد ارد الثانـي بــدال الاخـيـر يا أيها الناس :اسمعوا منـي واعـوا مـاذا أقـول=هـذا بلاغـي: أن تقولـوا مـا أتانـا مـن نذيـر إنـي نذيـر لكـم لـو انـي لا نبـي ولا رسـول=انسان اظن الخير في نفسي وفيمـا اقـول خيـر!! ان كنت اقول الحق اعينوني على وضـع الحلـول=وان كنت مخطي عدلوني زين با السيـف الشطيـر من منكم بلا ذنب يا اصحـاب البصايـر والعقـول=فليرمني با كبر حجر فـي ساحـة النقـد الكبيـر!! والله مالـي مـن وراكـم لا بعـيـر ولا ذلــول=احلامي اكبر في حياتي مـن ذلـول ومـن بعيـر لكن ارى ما لا ترون مـن الامـور اللـي تهـول=اللي تهول وشيبـت راسـي وانـا تـوي صغيـر شفت العجايب والعجيـب ان الطبيعـه مـا تـزول=اعور يقود اعمى وراه اعمى يقّـود لـه بصيـر!! اعور يقود اعمى تساوى الرفض فيهـا بـا القبـول=اللي عجزت القى لهـا حـل المفتـح والضريـر!! وامير في جلباب شعر يعيش لـه خمسيـن حـول=ويموت خمسين الف شاعر في طرف جلباب امير!! قصرت مقاسات الجبال وطالـت قـرون الوعـول=يا وقت قصرت الطويل وزدت في طـول القصيـر لكن حبل الكذب يقصـر لـو يزيـد ولـو يطـول=لو ينفتل من سر غامض مـا يحفظـه قـاع بيـر!! قلنا الضمير يعيـش والغمـه عـن الامـه تـزول=لا زالت الغمـه عـن الامـه ولا عـاش الضميـر نبكي على سقط اللوى ما بين حومـل فـا الدخـول=ويضحك علينا طرفه بـن العبـد ويصفـق زهيـر والنقطة اللي فوق حـرف الضـاد مالـت للذبـول=وان ذبلت النقطه ومالت صار حرف الضاد غيـر!! يوشـك يجينـا وقـت يتسيـد علينـا بـن سلـول=ويصيـر حكـم الابجديـه عنـد تجـار الشعـيـر هم دنسوا باسم المكاسـب مريـم العـذرا البتـول=ثم احرقوا في قرطبه تمثـال موسـى بـن نصيـر وش ننتظر منهم وشمس الشعـر توشـك للافـول=لا معهـم اسفـار الهلالـيـه ولا حـنـا حمـيـر وان طاحت الرايه وداست فوقهـا اقـدام المغـول=لا تسألونـي وش يصيـر؟ الله يعلـم وش يصيـر هبوا واعدوا ما استطعتم لـو مـن ربـاط الخيـول=يا الطيبين احفـاد ابـو الطيـب وبشـار وجريـر صيحوا مثل صيحة مضر والا اعقدوا حلف الفضول=والا انطحنتوا في رحى يـوم ٍ عبـوس ٍ قمطريـر تحرروا من عقـدة المنصـب ومـن دق الطبـول=اول عمل في درب الاستقـلال :تقريـر المصيـر اعلام صار اعدام صار اوهام مدري ويـش اقـول=هذا بلاغـي: أن تقولـوا مـا أتانـا مـن نذيـر!!! |
علاقة نصـف شرعيـة تبادلهـا لسـان وكـوع=تحت اطهر ملاءة تحتها اطهـر شبـر ببـلادي تعرى نصف منها فاحتشـام الجايـز المشـروع=وتستر نصفهـا الثانـي وعـرى أّذان حسـادي احللها سنة وتمـر فـي عينـي تقـول اسبـوع=واحرمها سبوع يمـر سبـع عجـاف وشـدادي بعد ما شجرةاالرغبة نمت فـي وادي الممنـوع=طفقت اخصف ورقها لا جل اواري سوءة الوادي يمد لها الفضـا كفـه وتملاهـا ثمـر وفـروع=وتحرمني وياكل مـن ثمرهـا الرائـح الغـادي كأني تحتها بضعـة بقايـا مـن ملـك مخلـوع=تحول برجوازي تحـت قهـر الحاكـم السـادي وانا لولا بقية في فـوادي مـن ورع وخشـوع=قسم با الله ليخـرق فرعهـاا صدرالسماالهـادي واخليها تنكس يوم امـوت اكبـر علـم مرفـوع=وتشعل الف شمعـه لا حتفلـت بعيـد ميـلادي ولكني كبحت جماح قلـب مـا احتوتـه ظلـوع=كسر نبضه قفص صدري وطار البلبل الشـادي على نغمة وتر زرياب صوته جـاوز المسمـوع=وسابق نبض موجاتـه تـردد موجـة الـرادي اخذني في مشاوير الغرام اللـي بغيـر رجـوع=ووصلني الى اعلى حجـر فـي ظلـع توبـادي حجر فجأه سقط من خشية الله وانفجـر ينبـوع=قبل لا ينفجر اكبر حجـر فـي داخـل فـوادي ويكفيني من هموم العطش واكفيـه هـم الجـوع=وتصبح عشرة اللي يحفظـون الملـح والـزادي كذا يا فارق التوقيـت قفلنـا علـى الموضـوع=عسى وادي بلا شجره فدى شجرة بـلا وادي!! |
تفتح قميص الدرب خطوتها ترف وتـزرره=وانا افتح ازراري واسكرها على خطواتهـا هي تفتح ازرار الطريـق بكيفهـا وتسكـره=وانا ابتلش با ازرار ثوبي واغلـط بفتحاتهـا خطواتها غيمه على وجه الطريق المخضره=يا بخت الارض المخضره با الغيمه وزخاتها الجادل اللي صمتها يخفي حديـث وثرثـره=كن السكوت اللي تجيده بعض مـن كلماتهـا مرت ولا التفت مهو لا جل انهـا متكبـره=لكن تخاف نروح فيها مـن سبـب لفتاتهـا فاخر عناقيد الطفوله واول غصـون المـره=فـاول انوثتهـا وطفلـه فاخـر نهاياتـهـا جنه بربوه صابها وابـل وصـارت مثمـره=طابت واتت اكلهـا ضعفيـن فـي اوقاتهـا من تينهـا تفاحاهـا يغتـاض ويفـج نحـره=وتغار شجرة تينهـا مـن غيـض تفاحاتهـا مالت سنابلها الخضر واغرت عصافير الذره=لو كان ما عصفور اخذ له شي من حباتهـا ان جيتها من ميمنه وان جيتها مـن ميسـره=كل الجهات الاربعه من وين رحت جهاتهـا مملوحة ومن شاف قبلي ملح داخـل سكـره=الملـح فيهـا كلهـا والسـكـرة بشفاتـهـا وقفتها اسالها ووقفـت والحـروف مبعثـره=المهـا وتطيـر واعـود والــم شتاتـهـا وانسىسوالي واذكره وانساه وارجع واذكره=وان جيت اقوله لخبطت كل الحكي بسكاتهـا واطول الحكي وتقاطعنـي دلـع وتقصـره=وانـا لعانـه ودي تطـول معـي وقفاتهـا قالت صحيح انك ملكـع واسئلتـك مكـرره=سويتها قصة بنـو اسرائيـل فـي توارتهـا الله امرهـم يذبحـون بـدون تحديـد بقـره=لكن تمادوا وسئلـوا عـن لونهـا وصفاتهـا قلت ايه لكن بعدها نالـوا عظيـم المغفـره=وانا :ما نلت الا رمـاح عيونـك وطعناتهـا قالت بنظرة وابتسامـه يـا لئيـم المعـذره=هات ورقتك اللي معك في يدك يا الله هاتها!! |
في مكان ٍ ( ما) ولا هو شرط تحديد المكانـي=المهم انه تحـت قبـة سمـا الخالـق ركونـه والزمن نصفه زمن غيري ونصفه من زمانـي=فيـه مـن هـذا وذاك وحاولـوا تتخيلـونـه فيه عالم هندسـة جينـات لا بحاثـه دعانـي=قلت له مانيب فاضي لك وطيـر لـي عيونـه قلت له وش فيك؟ قال اشفيك ياخي ما تبانـي؟=دايم انتم يا عرب غير المعـرّب مـا تبونـه!! ابتسمت وقلت كردي؟ قـال جـدي تركمانـي=قلت ما تفرق معي هي كلهـا نفـس النمونـه قال طيب ممكن اناقش معك موضـوع ثانـي؟=قلت عجل واشرح الموضوع وابشر با المعونه قال فا الجين الوراثي قلت اعرفه مـا خفانـي=قال لا في شي خافي يا عـرب مـا تعرفونـه قلت هاته وانتظرتـه ساعـه وسبعـة ثوانـي=لين جاب ابحاثه اللـي حطهـا سـده ودونـه قال: انا استنسخت لي عالم يشار لـه البنانـي=قلت منهو؟ قال اديب وكـل ابوكـم تخبرونـه قلت وينه؟ قال عانه قلت مـا اشوفـه ترانـي=قال هذا قلت هـذا؟ قـال وش رايـك بلونـه؟ جاب لي مخلوق مـدري فـار والا مودمانـي=ماله الا عين وحده وان ضحك طاحت سنونـه هو صحيح ان له راس وقلب ولسان واذانـي=مير لا عاينت له راسه غطس لا قصى متونـه قلت يهرج؟ قال يهرج ما يبـي لـه ترجمانـي=قلت منهو؟ قال معقول العرب مـا يذكرونـه؟ يا عرب هـذا الاديـب الالمعـي الاصفهانـي=له كتاب تدرسونه فا الفصـول وتدرسونـه!! صاحب النهج البليـغ مألـف كتـاب الاغانـي=فيه حرف اكبر دهاة النحو عجـزوا يعربونـه قلت وشهو؟ قال ( لم) قلت ايه له عدة معانـي=حرف جزم ان مر له في فعل ما حرك سكونه قال طيب والضمير المستتـر؟ قلـت بتوانـي=نستـره تكريـم وانتـم عيبكـم مـا تسترونـه قال حرف العلة؟ وقلت العلـل كانـت ثمانـي=وانت تاسعها وعاشرها ( ابو قـرن وقرونـه) قا ل حرف الجر؟ قلت الثور وحبال السوانـي=والهماج اللي ثـلاث اربـاع منكـم تشربونـه قال اداة النصب؟ قلت النصب من قاصي وداني=طبع فيكم لو ترككم من عجـب مـا تتركونـه قال نسال شيخنا الفاضـل وقلـت الله هدانـي=ما بقى الا شيـخ مـن جيناتكـم تستنسخونـه دام انا زابن علـى القـران والسبـع المثانـي=انته ازبن صاحبك كـل وعينـه مـن زبونـه وانتبه بكـره تقـول انـك نسخـت البيهقانـي=انت حيا الله ليا استنسخت لك كرتون تونـه!! |
صح لسان الشاعر الجزل الكبير / د : حمد العصيمي ..
ولاهنت ياسلطان على المجهود الاكثر من رائع .. شكرا لك .. .. |
هايل
صح بدنك ولاهت تقديري لك ،، |
فجر والليل توه في فم النور غـاب=دقت الساعه وصحيت لهـا الانسـه طفلة توها تقطـف سنيـن الشبـاب=تقطف العام فل وتغرسـه نرجسـه ما لمس جسمها الا انعم وارق الثياب=ينسج خيوطها الاستبـرق وسندسـه تحته من الثمر ما لذ طعمه وطـاب=تستفزه خيوط الثـوب لـو تلمسـه غادة في شفاها سكـر التـوت ذاب=لونه احمر وارق من الكرز ملمسـه دون بستانها الفتان حـارس وبـاب=احسد الباب والا عين مـن يحرسـه اشترت شنطة ودفتـر ودب وكتـاب=واربع اقلام حبر وعلبـة الهندسـه ونقشت فوق وجه كفوفها با الخضاب=صورة الموناليزا وعينهـا الناعسـه واستعدت بعد ما حان وقت الذهـاب=تطوي الشارع بخطوة الى المدرسـه عانق الغيم وجنتها وضـم الحجـاب=والطريق يعدي معها وضـاع نفسـه من يلوم الطريق ومن يلوم السحـاب=لو غدى بينهم في عشقهـا منافسـه ودخلت فصلها ما تدري ان العقـاب=ينتظرهـا علـى باكـورة الانـسـه والسبب ماهو التأخير والا الغيـاب=السبب صورتي في علبة الهندسه !! |
ذيب .. لا تشكي همومك للخـلا وجبالـه=الجبل ما ارخى لك اذنه والخلا ما اوحاني حول من المرقب العالـي ولا تعنـى لـه=انت وحداني وانـا مثلـك هنـا وحدانـي كان حظك فوتك كبـد الظبـي وطحالـه=حظي اردى منه فـوت قايـد الغزلانـي والله اني صرت بيـن حظوظـي الميالـه=مثل ابن يعقوب يوسف والحظوظ اخواني نزلوني وسط جب ٍ مـاه يصفـق جالـه=واتهموا في ذبحتي ذيب الخلا سرحانـي كل ما مرتنـي احـلام الفـرج رحالـه=قلت مفتاح الفرح فا الصبـر والسلوانـي مير واردها بعد ما ادلـى علـي حبالـه=باعني بابخس ثمـن لليـاس والحرمانـي حطني في قصر عاجي محكمـات اقفالـه=دونـي الحـراس والاقفـال والبيبـانـي ويش اسوي با الزمان اللي تروع اهوالـه=شمت العدوان فـي خلـي وانـا بكانـي عقب فوحات الخزامى في رياض وصاله=مر فوقه منخفض جوي مـن الهجرانـي والسبـب ماهـم بحسـادي ولا عـذالـه=كيف ابتهم لي بري من شان ابري جانـي البلا فا الموعـد اللـي كلنـا جينـا لـه=ليتني ما جيت له عانـي ولا هـو جانـي ما تعطر خوف بعض الناس لا تصحى له=مير جاب العيـد فينـا عطـره الربانـي فاح طيبه واكمل الناقـص معـه خلخالـه=يوم صحى صوته الاقصى وصحى الداني زفـرة التنهيـدة اللـي ذوبـت سلسالـه=تحت جمر انفاسه اخذتنـي لعالـم ثانـي ما صحيت ولا وعيت لحكيه اللـي قالـه=غيـر كلمـة لا تذكرنـي ولا تنسـانـي ما تجمـل لـو تجمـل جمـل الله حالـه=كان مـا لـوح لـي بكفـه ولا خلانـي مير ودعني وخلـى فـي يدينـي شالـه=شاله الكشميـري اللـي ناسجـه لبنانـي وانثنى خطوته لحن وهـو لحـن بلحالـه=ما شدت فيـروز بانغامـه ولا الرحبانـي يا وجودي كل ما اعاين رسـوم اطلالـه=كنهـا وشـم ٍ علـى بوديـه الـورانـي ان نسيت ايامـه البيضـا ذكـرت ليالـه=والسهر جمرة توقـد والوجـار اجفانـي الغزال الشارد اللـي مـا لقيـت امثالـه=في شعر محمود ابن درويـش والقبانـي كل ما دروت وصف يليق به ما القى لـه=كـن وصفـه قـال دورنـي ولا تلقانـي خابر لساني فصيح وطلق مـا يبغـى لـه=مير حسنه حرض لساني على عصيانـي والله اني لا خضع بيوت القصيد رضى له=وان عصتني فيه عذري منه قطع لسانـي كن عينه قـوس وسهـوم النظـر قتالـه=مير انا اول من قتلني سهمهـا واحيانـي رمشه المختـال فـوق عيونـه المحتالـه=وصفهم جملة ( على فرعون يا هامانـي) بيـن حيلـة عينـه ورمشينـه المختالـه=من هو اللي في خبر كان هـوى ودانـي كنه اعطى للكرز والتوت بعض خصالـه=واجتمع في ثغـره الياقـوت والمرجانـي يوم اناظر حمـرة شفاتـه وحبـة خالـه=سحر هاروت انسكب في خاتم سليمانـي وان زرع ريح الدلـع بيمينـه وبشمالـه=ما حصد غير العواصف شعره الاسبانـي مر في بالي وانا مريـت بـه فـي بالـه=جعل شي اطراه في بالي عليـه اطرانـي يوم يطري كن قلبـي مركـض الخيالـه=صوت حافر خيلها من نبضـة الشريانـي بينها ادهـم كـاد يرمينـي وانـا خيالـه=لعن ابو حيه تقول انـه مهـو بحصانـي اشهد اني لو بغيت اهوى واحـب بدالـه=مثل من يرتد مـن مسلـم ليـا نصرانـي جعلني من دون عذال الهوى فـدوى لـه=لو عواذله المرض والمـوت والنيرانـي والله انـه يحفظـه فـي حلـه وترحالـه=مير قولوا له نسيـه المـوت لا ينسانـي |
ورى قضبان زنزانة سجون الواقـع الملمـوس=سجيـن عيونـه لحريتـه ولـسـوط جــلاده غريب ِ في ثمود يعيش لا حارس ولا محـروس=حكم فيه القدر حكمه وجاب الصخـر فـي واده لسانه لبسه حلـة ملـك واسترخـص الملبـوس=لو انه قيصـر وفرعـون ذي الاوتـاد واوتـاده نسى درس الحياه وعلمه سجـن الحيـاه دروس=وفـي بطـن المعانـاه اجتمـع موتـه وميـلاده تعلم درس با المجـان مـا سلـم عليـه فلـوس=وباقي درس واحد ذاخره فـا الوقـت لا حفـاده أنا ذاك السجين اللي قرا التاريخ بـا المعكـوس=عشان يعيش في عصره ويكتـب قصـة أجـداده أخذ كلمة جديده من فمي يا حضـرة القامـوس=وثقف جيل كامل وانسـب المجهـود لا سيـاده على بوابة إيثاكـا وحاكـم عرشهـا اوثديـوس=وترنيمـة جنـود العصـر الاغريقـي وقـواده ركبت حصان طرواده وطاحت تحت سيفي روس=ولولا الحرب خدعه ما ركبت حصان طـرواده نقشت حروف الالياذه عشان عيـون هوميـروس=وعلقها علـى صـدره صليـب وعقـد وقـلاده احسب اان الفلك يمشي حسب مفهوم بطليمـوس=وتحليـلات مركـز هابـل الدولـي ومرصـاده واثر غير القمر والشمس موجوده قمر وشموس=وشعـب الصابئـة للشمـس والاقمـار عبـادة مهي عاداتي احسبها خطا والكون لـه نامـوس=لكـن الكـون ناموسـه يثـور ويخلـف العـاده وهذي غلطتي حتى لو اني قـد بريـت القـوس=وقالوا غلطـة الشاطـر بعشـره قلـت بزيـاده اثر من قشر حظي كل حلم يمرنـي كابـوس؟!=لو اني فوق اريكة من حريـر وتحتـي وسـادة سنابلنا غدت حظ الطيـور الحايمـه والسـوس=وحنـا اللـي زرعنـا حقـل سنبلنـا وحصـاده يجوز انا صغـار اجسـام لكنـا كبـار نفـوس=نفوس اكبر من دموع الهوى العـذري وتوبـاده وانا والله لو رمح الهوى بين اظلعـي مغـروس=لاقول انه مجرد رمح جـا فـي غيـر ميعـاده لا والله ما اعتبرهـا الا مجـرد شكـة الدبـوس=بسيطه هينـه مـا تصحـي النايـم مـن رقـاده تثـور البندقيـة فـا الخبـا والسبـة النـادوس=وترجع شرهة الرامي علـى النـادوس وزنـاده وانا لعيـون طـرواده والاليـاذه وهوميـروس=نقشت حروف الالياذه وجبت حصان طرواده !! |
في سحابة من دخان مظللـة فنجـان قهـوة=شقها برق ورعد يكفينـي الله مـن غضبهـا تحتها خلوة قسم بـا الله ماهـي بـأي خلـوة=لو درى الشيطان عنها اخنس وصد ولا قربها ارتكب ياء المذكر فاحشة فـي نـون نسـوة=قـد نهيتـه لا يسويهـا ولـكـن ارتكبـهـا حرف من جفوة خلق بيني وبين الحب فجـوة=ردمها من شعرة مـن لحيتـي والا شنبهـا!! قاعها من جمر والا اطرافهـا جنـة بربـوة=كل ما اقطف جمرها الوقاد يحرقنـي عنبهـا في شفاهي عود عفة يشتعل من عود شهـوة=نار شهوتها تبا تقتـص مـن عفـة حطبهـا كل ما أّنسـت نـار وجيتكـم منهـا بجـذوة=اقتبستوا من سناها نـور واحرقنـي لهبهـا!! وانتم ابناء السراب اللـي بـلا شيمةونخـوة=عندما استودعته اخر قطرة من المـا شربهـا والله اني ما تركت لكم جبال المـوج رهـوة=غير ابا ناس تضيـع بهـا ونـاس تجتنبهـا!! كيف ابهدي من أضل الله وهو له فـيّ اسـوة=بينـة متعينـة قــدام عيـنـه واجتنبـهـا! سولت للسامري نفسه وسوى العجـل نـزوة=وعبدته القوم رغم انـه مصنـع مـن ذهبهـا هو جهل؟ والا عقول الناس لا ها الحد رخوة=قابله للقلب حتـى العجـل بخـواره قلبهـا!! كيف ابعطي للضجيج اللي ملى الميدان غفـوة=يكحل عيونه بمرودها وانا اول مـن نهبهـا!! با الحصان اللي ليا منه صهل ما خسر غزوة=غير غزوة خاضها مع نفسه امس ولا كسبها!! كل ما ركبت لي في حافـر الاحـلام حـذوة=غافلتنـي سكـة الايـام والحـظ انتهبـهـا! تركض احلامي على مضمارها روحة وغدوة=وانشغلت بركضها حتى توارت فـي حجبهـا ودي امسح سوقها واعناقهـا وتـروح فـدوة=للمليك اللي نزل من سـدة العـرش وركبهـا المليك اللي عطاه الله حصان بـدون صهـوة=في سحابةمن دخان وقهـوة دوبـه سكبهـا!! |
دم وتصالح؟ نصيحة لا تصالح في طعونـك=والله ان الدم غالي حيل وأنت أغلى من الدم! لا تقول الحادثة جت با الخطا ما يقصدونـك=انته ابن ادم وتعـرف حادثـة أبنـيّ ادم!! أكلت النيـران قربانـك وجـوك بياكلونـك=وكفروا باالاية الكبرى وقالوا عنك مسلـم!! لا تصالح خل مـن لا يعرفونـك يعرفونـك=وانهم وان كانوا ونعمين فانته سبعة انعـم! خانتك نظرتك مره واحترص مـره تخونـك=تسلم الجرة مية مره ومرة كيـف تسلـم!! صد عنهم لا يكلمهم سوى نظـرة عيونـك=والله ان الجفن بعض احيان ساطي لا تكلم!! الشفاه اللي خناجرها تمـادت فـي متونـك=كيف تبكيها وهي يوم طعنت كانت تبسـم!! |
على الضفة.. الأخرى من الجدول المهجور=كبـرت بهـدوء وتحتـه امتـدت أعراقـي هناك اسرق الظلما واطارد لصوص النـور=وترتاح يـا طيـري تحـت ظلـي الواقـي اراقبك مـن اربـع سنيـن وثـلاث شهـور=وتبني على اهدابي وتشـرب مـن احداقـي أنا فا التأمل عبقـري وانـت فيـك غـرور=اسرني غرورك وانت ما ترفـض اطلاقـي تطيـر بزهـو الفـارس القائـد المنصـور=وترجـع بوجـه المتعـب الكـادح الشاقـي بجنحانـك السنـدس ومنقـارك الفسـفـور=وحنجرتـك البيضـا وترنيـمـك الـراقـي تركب من العيدان الاعوج علـى المكسـور=وتنقص مـن الكامـل وتكمـل بـه الباقـي اشوفـك ترتـب عـش وتنسـق الديـكـور=وتحـرص علـى لامـاي وتـدور فراقـي أنا شجرة الصفصاف يـا طائـر الشحـرور=من اغراك تسكن بين غصنـي واوراقـي؟!! هي الرغبة انك في الاعالي تسـوي دووور؟=وترتاح فا العالي وانا اوقف على ساقـي؟!! او الرغبه انك تقهـر مـن الطيـور طيـور=من غروب شمسي فا السما لا ول اشراقي؟!! قضت مسرحية خمرة العشق يـا عصفـور=ومات البطل مخمور فـي داخـل أعماقـي وانا الساقي اللـي قـدم الكـأس للمخمـور=مزجته من التقـوى بشـيء ٍ مـن اخلاقـي فهل يا طيور العشق فـي حانـة الجمهـور=تبيعون خمر العشق فـي حـارة الساقـي؟!! على الجدول المهجور يا طائـر الشحـرور=خذ الريح وانثرهـا وانـا بجمـع اوراقـي ولا ابقـى رغيفـة خبـز وعيونـك التنـور=لتطعم بي الجائـع ويحلـو لـك احراقـي!! |
داخل مدينة( كل ممنـوع مرغـوب)=اللـي مشيـد مـن دمـاءي عمدهـا اعتدت مقهى الصبر في شارع ايوب=واعتـادت تمـره مسـاء ً وحـدهـا جت سائحة تتعرف بـلاد وشعـوب=معهـا حقيبتهـا وصـورة ولـدهـا انثى جسدها محتمـل جـرأة الثـوب=والثوب أجاد منيـن يؤكـل جسدهـا مرسوم فمها في شكل قوس مقلـوب=تفـاحـة ادم تحـتـه ولا وجـدهـا وعيونها الزرقا بحر غيـر مركـوب=موجه ظلل فوقه ظلل سـود وادهـى والشعر لا هبت به الريـح مطلـوب=يلقـى مـلاذه بيـن مفـرق نهدهـا في ركن هادي فيه با الذات مكتـوب=ممنـوع تجلـس اي انثـى بعـدهـا جت وجلست واالي تبي شي محسوب=شيئين مـن عاميـن حافـظ عددهـا شاي وقنينه ماءهـا غيـر مسكـوب=مصنوعه من اعذب نهر فـي بلدهـا وانفاسها اللي بردت شاهـي الكـوب=هي نفسها اللي دفت اطـراف يدهـا تطفي بنظـره قلـب وتولـع قلـوب=وشلون لـو نظراتهـا طـال امدهـا من كل حدب انهالت الاعين وصوب=عيـن ٍ تغازلهـا وعيـن تحسـدهـا وانا على أمري بين الاثنين مغلـوب=مر اسرق النظـرة ومـر اعتمدهـا اجمدوترسل شمسها الـدفء واذوب=وتـذوب حتـى تختفـي وافتقـدهـا اخذتنـي دروب واضاعتنـي دروب=داخل قنينـة صنعـت فـي بلدهـا!! |
ســــورت ثـغـرهــا (الــلاونـــد) و(الـتـولـيـيـب)=واخـتـلـط مـــع نـقــاط الـــدم فــــي ثـغـرهــا وانـتـقـى خـالـهــا مـنـهــا الـمـكــان الـعـجـيـب=زاويــــة يـلـتـهـم فـيـهــا الـغـضــى سـمـرهــا (حـــارس الـنــار) مـــن شـعـلـة لهـبـهـا قـريــب=حـولـهـا مـــا غـفــى كــنــه ولــــي أمــرهــا كـيــف نـــار الـمـجـوس الـلــي تـلـظـى لـهـيـب=مـــا احـرقــت كـاهــن المـعـبـد عـلــى جـمـرهـا تـسـرق الـنــار مـــن عـمــر الـفـتـى( بيلـيـزيـب)=عــــام وتـعـوضــه عـامـيــن مــــن عـمـرهــا وانــت واقــف عـلـى (الاعـــراف )مـثــل الـغـريـب=وقــفــة طـولـهــا مـخـلــوق مــــن قـصـرهــا عـيــن لـلـجـنـه وغــصــن الـثـمــار الـرطـيــب=وعـيــن لـلـنــار والـنـفــس ومــــدى وزرهــــا يـــوم بـنــت الـسـمـا الـلــي شـارفــت للمـغـيـب=قـصــت اخـــر جـديـلـة نـــور مـــن شـعـرهــا رحـــت فـــي خـطـوتـك نـبــرة بـكــى عنـدلـيـب=نــبــرة تــاهــت اقــدامــك عــلــى اثــرهـــا كــن مــا لــك بــلاد وكــن مـــا لـــك حـبـيـب=غـيــر مـــن لـفــت الـدنـيـا عـلــى خـصـرهــا خـصــر ٍاضـيــق مـــن الـدنـيـا بـعـيـن الكـئـيـب=ضـيـقــة ٍوســعــت الـدنـيــا عــلــى كـبـرهــا اثـــر مـعـزوفـة الـقـسـمـة ولــحــن الـنـصـيـب=نــوتــةٍ سـرمـديــة مــــا نــشــف حـبــرهــا عـلـمـوهــا اذا صـــــار الـتــلاقــي صـعــيــب=لا تـــدور عــــذر لا صــــرت انــــا عــذرهــا وان صــدري لـــو انـــه ضـــاق يـبـقـى رحـيــب=مــاهــو بــصـــدري الاول عــلـــى خـبــرهــا وان طعنـاتـهـا الــلــي عـمـرهــا مــــا تـخـيــب=خـيـبــت ظـنـهــا يــــوم طـعـنــت صــدرهــا وانـهــا اخـــر حـكـايـة فـــي كـتــاب الاديــــب=وانـهــا اول قـصـيـدة مــــا اكـتـمــل شـطـرهــا وان نـرســيــس قــبـــل بـعـيـنـهـا لا يـغــيــب=مـــا ابـتـكـر زهــــرة الـنـرجــس ولا عـطـرهــا وان مـنـهـو دخــــل فــــي لـعـبــة اليـانـصـيـب=( ويبقى الشطر الاخير مرهونا بيد القاريء الكريم حتى اشعار اخر)!! |
قطرة الما غالية با الـذات فـا لصيفيـة=هي اساسا ً غاليه مير العطـش غلاهـا لو طلب في سدها الساقـي ميـة أوقيـة=ساقها الظامي عليه ومنّته مـا احصاهـا لي سنين طوال وغروبي على المطويـة=والعطش قتال والساقي يقـص رشاهـا ان حنيت الراس طاحت منـي الطاقيـة=وان رفعت الراس غربي ما قدرت املاها واعذب الما اللي نموت ولا نلاقي زيـه=في تقاسيـم الوجيـه الغانمـه ولحاهـا ما نكست الراس لا جل املى كفوف يديه=الوجيه ان روسها انتكست اراقت ماهـا لو يحيط الشوك كل احلامـي الورديـه=من بداية عرقها اللي فا الثرى لا علاهـا السجون ابرك لها مـن كذبـة الحريـة=كذبة الحرية اللـي بـا الوهـم عشناهـا قالها اللـي الـف الاسطـورة الشعبيـة=واستمعنا مـن جهلنـا لـه وصدقناهـا (عوج بن عنق) ويده ( والحوتة المشوية)=كيف وصلها حدود الشمس ما شفناهـا!! خوفنا اللامنطقي من صـورة السعليـة=حدنـا نقـبـل بشاعتـهـا ونتبنـاهـا يا فضيلة نزلي عـن وجهـك البوشيـة=واتركي شمس الحيـاء تمدنـا بضياهـا كان طهر الشمس ما يغسل ذنوب الفيـة=يا عسى ربي من ابراج السمـا يمحاهـا واسعفيني لو سمحتي با العصى السحرية=العصى في يدك وانا احتاجهـا وابغاهـا ما بهش بها وانا راعـي بغيـر رعيـة=واتعصاها وانا اقوى من قشـور لحاهـا لي مارب غير عن هـذي وعـن هذيـه=لو درى عنهـا كليـم الله مـا خلاهـا مو ضروري كل ما القيها تعـود حيـه=المهم اني متى مـا احتجتهـا القاهـا!! |
خليني احلم لو صحيح الحلم ما اصبـح بـلاش=حتى التحرر من قيود الواقع اصبح لـه ثمـن عشتار يا رمز الخصوبة والانوثـه والمعـاش=يا فاتنه ما فيه اشـد مـن القتـل غيـر الفتـن اموت بك وانا الوحيد اللي اذا مات بك عـاش=واعيش بك روح تعبت القى لها غيـرك بـدن اسئلتك الليله سحايب غيث واجوبتـي عطـاش=لا تساليني من انا ماهـو مهـم أكـون مـن!! انا امتداد لعصر مـا قبـل امتـداد الانكمـاش=وانا انكمـاش لا يديلوجيـات تقديـس الوثـن! جيتك بري من غلطة انكيـدو وزلـة كلكمـاش=عطار احاول اني اصلح بعض ما افسده الزمن راكب سفينة من ورق لا بس قصيدة من قماش=احيان احس بها ملابس عـرس واحيانـا كفـن والريح فيها ضعف جنسي والبحر مل الفـراش=والكبت فجر فا المواني شهوة اشرعة السفـن وانتي عطر داخل زجاجه والزجاجه من هشاش=وانا لو اكسرها تكون من شـذاك اربـع مـدن اربع مدن ا خلق بهـا اجـوا تثيـر الانتعـاش=وارسم نخلها قافيه وارصف شوارعهـا لحـن انا اذا حررت نصف العطر من سجن الغراش=اقدر من الاف الانوف البائسـة ابنـي وطـن اشعل به الاضواء واحرق فيه اجنحة الفـراش=واكتب على بوابته (غيرك هنا كـانَ فكـن)!! |
راح وقت السيوف اللي تقص الظهور=عقب طاح العلم وانكسرت الساريه! يا علي وش بقى لك من ثرى دارفور=غير مسك ٍ يفوح ان هبت الذارية! طيب الله ثرى قبرك ما بين القبور=واخذت الريح من عطره وهي داريه! انك اللي كسى الكعبة وخاض البحور=وان طغى الما حملك الله على الجاريه! يا علي كيف ابا امرك واجي لك وازور=وانت فارض تلج سباعها الضاريه؟ لو للاموات رجعة قبل يوم النشور=قلت عود وشوف احوالها الطارية! ارضك اللي من اول كاسيتها الزهور=اصبحت من جلابيب الزهر عاريه! صوت ما النيل لا موجه صدم فا الصخور=صوت خلخال يعبث في قدم جارية! بعدك اليوم لا طاهر ولا هو طهور=لو شرب من دموع المزنة الساريه! |
على متن السحاب اللي بتصريف الرياح يسيـر=مزون تجرح الضامـي لهاتـه لا ذكـر ماهـا جرت مجرى سفينة نوح من دار الرباط عصير=فبسـم الله مجريـهـا وبـسـم الله مرسـاهـا بتدبير العظيم اللي بحكمـه كـل شـي يصيـر=رفع سمك السما وبـلا عمـد ينشـاف سواهـا تحف بها ملايكة السما مع طو ل خـط السيـر=وتحرسهـا بعـون الله وتوفيـقـه وتحمـاهـا هدير محركـات اطرافهـا كنـه هديـر بعيـر=تسليها الرعود اللـي تجـر الصـوت بحداهـا يحق لها تبختر فا السما ويغـار منهـا الطيـر=وتغبطهـا مطـارات البـلاد اللـي تعـداهـا لان اللي عليها سيـدي سلطـان رمـز الخيـر=ولن اطهر ثرى هي مهبـط الرحلـة وماواهـا تحراها البلاد اللي ركد في جوهـا المعصيـر=وفاح المسـك واليشمـوم فادناهـا وفاقصاهـا احس ان الصحاري ودها يـم السحـاب تطيـر=تباشيـر الفـرح فـي عودتـه تعلـو محياهـا واحس ان البحور الملح فيهـا خانـه التعبيـر=على طاري وصوله مرهـا السكـر وحلاهـا واحس ان الهضاب اليوم في مقدم سموه غيـر=تغشاهـا مـن النـور الالهـي مـا تغشـاهـا واحس ان الجبال تلـج بـا التهليـل والتكبيـر=تذكرني حجيـج الله ضحـى العيـد بمصلاهـا هذا حال البلاد اللي تمنـى شوفتـك يـا اميـر=مثل ما انته ولو طـال المـدى عنهـا تمناهـا تبا تثلم يديك اللي عصمهـا الله عـن التقصيـر=عطاياهـا جيـوش جابـت الارض بسراياهـا لها في كل ساعه فيلق غـازي وجيـش مغيـر=اصابعهـا تقـود والكتايـب مــن عطايـاهـا يدين في مزاياهـا القصايـد والعقـول تحيـر=بحور الشعر تنضب قبل لا تحصـي مزاياهـا هلا يا سيفنا اللي كل سيف بحضرتـه قصديـر=ليا حول على روس العدا فـا الارض وطاهـا على حده رسالـه عاجلـه مـا تقبـل التاخيـر=يطير النوم مـن عيـن العـدو قـدام يقراهـا مراكض خيل جيشك من طرف جيزان للخرخير=على هيبتـك تـارد وانـت تامرهـا وتنهاهـا ليا منك بطشت البطشة اللـي تعجـز التفكيـر=حميت الدار ما نـاش العـدو ماهـا ومرعاهـا |
داهية شعر
لو الشعر العامي يدرس كان من مناهج الادب |
كل الشكر لـ كل من مر من هنا
وترقبوا الجدايد : ) |
شكرا سلطان بن حامد
متابعين لكل اضافه " |
في انتظارك يابو حامد وكل جديد "
|
| الساعة الآن »12:40 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd