حضر ذيب المساري وبن ثعلي كل هالاسمين=على عز وشرف واهل الوفاء تعرف باساميها
ثبت نجم الجدي وسهيل دايم يختفي ويبين=هذا علم الحقيقه والحقيقه من يخفيها

المشاركة الأصلية كتبت بواسطة عبدالله الاصعر (المشاركة 963317) حضر ذيب المساري وبن ثعلي كل هالاسمين=على عز وشرف واهل الوفاء تعرف باساميها ثبت نجم الجدي وسهيل دايم يختفي ويبين=هذا علم الحقيقه والحقيقه من يخفيها

صحححححححححح السانك ومتابع بشغف
وصح السان عبدالمجيد مقدماً

تشرفنا الرفاقه والوفاء ياربعنا الغالين=مثل شرواك هذي رفقتي له وأنت راعيهـا
دروب الأولين الله يقدّي فوقها التاليـن=وبعض الناس ماتأطا الدروب اللي تقديها

نباها مثل ضرب الماس ولا كاش مابه دين=ترى سمان المعاني ماتبا الا من يسريها
مدامنك مضالك بالتجارب فوق عشر سنين=ورى ماتفتح الخزنه وتضهر كل مافيها

ليا ولعت نارك رشها بالقاز والبنزين=ولاتبلش كما اللي شبها وأزرى يطفيها
عطانا اللي لنا من نعمته ننعم على المسكيـن=وبأمره كل الأحياء تموت ولها يوم يحييهـا

لياشبيتها جبت الشواه اللي بشوف العين=تعاين يوم اقربها بحيد النار واشويها
اباعلّمك يارجال من عصر الشريف حسين=وجمّة عدّ هدّاج النثيله ماتغطيها

لابالله ماهي ألا حاصله وحدّه من الثنتين=إذا ماأنت منت متوقيّها . فلابدّك تصاليهـا
ياصاحب مكتب التأجير قلّه يمنع التأمين=عطى الناس المغفل (فرصة وقانون يحيمـها)

ابوزيدالهلالي ماحضر غزوة بدر وحنين=وبن طالب علي حضر المعارك ومتبنيها
ترى موجود مكتب توعيه ورشاد للجالين=نعلم فيه ناس وقتها الاقشر مجليها

أبو زيد الهلالي ما إقتنا ألا السيف أبو حدين=ياكم بأرقابها روس العدا سيـفه موطيّهــا
وألا ياضابط الأفراد لو صفيتهم صفيـن=لك الله (ماترجاها لشيء) .. ألا مجازيهـا

صحيح انه شجيع وفاللقى عدوه عن تسعين=لاكن ماهو مثل خليفة الامه وواليها
نويت امزح معك واثرك لعينه نيتك ولعين=لكن تموت وانت اللي عليه ماتمشيها

وألا يامعرّب الجدين ربي يرحم الجدين=لاشك إن لك هقوّه واصله لأقصى هقاويها
يالأصعر ما أخبر إنه شين فالك؟ مار طبعك شين!=ولاتحلف يمين بحاجة ٍ مانك بغاويهـا