الله يــديـم الأمـن من دون تعـقـيـد=بالـدولـه اللي مــاينكـس علـمـهـا
في كل محفل فوق مرفوع ومشيـد=مرفوع والأعـلام ترخـي هـمـمـهـا
ذروة سنام الـمـجــد ترقــاه وتزيد=بقـيـادة اللي بالـشـريـعـه حـكـمـهـا
في ضل منهم بالـمـواقـف صناديد =عيال عـود ٍ كـل الأعـدى هـزمـهـا
وحـد شتات الشمل بالسيف توحيد=بالســيـف وحـدهـا وربـي عـصمـها
لاللرهـاب ولالـ فـعــل الأحــاسـيـد=الـشـرع دسـتـور الـبـلاد وكـرمـهـا
وين انت رايح و ين ياعاكس السيد=يـاقـاتـل اطـفـال ٍ بريـه ذمـمـهـا
اليوم نسـمـع طـاري لزيد وعبيد =اللي تصـاقـع بالـمـشـاكـل جـمـمـهـا
أبنا وطـن لاكن جـابـوا لنا العيد=تـزهـق عـن أدروب الشـريعـه قدمها
اللي يشيل بصـدره الغـيـظ والكيد=خســران دنـيا وديـّن يشكي ألـمـهــا
أشهد شـهـادة حـق ماجابـو الـفـيـد=ومعـنى الحـياه اليوم غروا طـعـمـها
أقـروا الكـتـاب ووحد الله توحـيـد=خـل الـيـهـود وخـطـة ً لك رسـمهـا
أقـول قـول الـحق واقـول واعـيـد=أفـكـاركـم مـاعـاش منهـوا وسـمـهـا
ياللي بوسط الجاش شلت البواريد=أخـشـومـكـم بالـذل مـنـهـوا خـزمـها
لنكان تقـصـد مـن ورانـا مقـاصيد=خـطـتـك مـعــروفـه وكـل ٍ فـهـمـهـا
الجرح يا أبن الناس يحتاج تضميد=وانـت السبـايـب فالـجـراح ورمها
قبل الحصار وقبل لانطوي القـيـد=فـرصـة عمر بيديـك قـوم اغـتـنمـها
أرجـع لـربـك قبل يـطـونـك البيد=تـوبـتك أعـلن فـي صـلاتـك وقـمـهـا
حـكـامـنـا عاداتـهـم والـتـقـالـيـد=طبع الـسـمـاحـه والعـفو من شيمها

الشاعر فهد رحيم النفيعي

1 دولة على المنهاج قامت و توحيـد=في كل ميقـاف يرفـرف علمهـا
2 من دون الأعداء حاربونا المقاديـر=يخطي و لا هو صايب ابنا سهمهـا
3 الشايب اللي دمعته تتلـع الجيـد=جاته يدين الغدر تسبـق نسمهـا
4 نفدى الوطن يا كم يسجل لنا شهيد=دون الوطن دايم تسابـق قدمهـا
5 حنا جنـود للوطـن دون تجنيـد=نحارب الفتنـة و منهـو نظمهـا
6 قاله ولي الامر علـم(ن) بتوكيـد=مدام لأهل الغـدر باعـو ذممهـا
7 قمنا نناصحهم عن الغدر و نعيـد=ما فاد بأهل الغدر و اللـي وسمهـا
8 لكن طاحو من على حيد لا حيـد=طاحت فلول الشر واقفـا هرمهـا
9 ود سو سلاح الشر في داخل البيد=اقلـوب ملينـاه بظلـم ظلمهـا
10 دولة تبنـي بالمواقيـف و تشيـد=ما صانوا الحرمة و منهـو حرمهـا
11 وش الفوائد من وراها وش الفيـد=جريمة شنعاً علـى مـن جرمهـا
12 تفرح عدانا من وراهـا مقاصيـد=انهـدت البنيـة وربـك هدمهـا
13 لابد ما تصفـى جميـع المواريـد=و نصعد إلى العليا و نرقـا قممهـا
14 أخذوا من المهلات من غير تحديـد=ما فاد فيهم و القلـوب بوهمهـا
15 الله يهدي كل من مـال و يعيـد=لأهل العقول عقولهـا و نخدمهـا

(الشاعر نايف العبيد العتيبي)

للواحد المعبود جزل التحاميد = امقدّر الأقدار بأمره قسمها
فيه ابتدي قصيدتي يالآجاويد = وانتم رجال العرف وانتم حكمها
جينا نشارك مع جموع القواصيد = من شان بندر والقبيلة واسمها
منسوبي الحسبة رجالٍ صناديد = بالدين والإصلاح رف رف علمها
على المعاصي والمخازي بواريد = دستورها الإسلام راجح سهمها
كم منكرٍ قضو عليه الآواليد = الله يظلم من بظلمه ظلمها
تردع منافية القيم والتقاليد = وأهل العقول النيّرة تحترمها
مواقف الأبطال دايم شواهيد = على الشرف والدين تبني قيمها
هيئة على المنكر تضد الضواديد = الله يعز الهيئة واللي خدمها
لوحاربوها فالصحافة مقاريد = يكفي وزير الأمن بيده دعمها
شجعهم المسطور وقفه وتأييد = وفي سيفه أقزام النوايا ثلمها
نعمٍ بأخو نوره صطام المناكيد = اللي براس الحيد ناره شعمها
النايف اللي ماتجيه المناقيد = كل البراثن في يمينه هدمها
والله يعز الدولة عيدٍ بثر عيد = ويحفظ حكومتنا ويحفظ قممها
وآزكى صلاةٍ عد ماتنبت البيد = على شفيع الخلق قبل اختتمها

(كعام المعادين)

سميت بسم الله صدوق المواعيد=من هاجس جزل الفرايد نضمها
عقدن تلآلآ في نحر تلع الجيد=كنك تخيل صورته لا رسمها
صوره تساما عن جميع المناقيد=تسمو بعال الذيقات وقيمها
على مشد المرشدي للاناشيد=الرايه الخضراء يرفرف علمها
ما حرك الشامخ كلام الحوا سيد =لله در الدار والي حكمها
لو حاول العدوان شتا المقاصيد=ما فرطت بنت البلاد بشيمها
والشر يلقى من هل الشر تأييد=ناس تدوس اعراضها في قدمها
تكرم لحاكم يا النشا ما الصناديد=من حل في سرج القحيله لزمها
اقيادة المرأه ردا كل تأكيد=مال المرة منهاج دون محرمها
وقتن مضى عنهن نقلنا البواريد=وحنا بميدان الرجال نخدمها
ماعندنا أغلا من شرف جوهر الغيد=دون الشرف حوض المنايا اغتنمها
ياما تعزوا با البنات الاواليد=هن عطفت الفريس في ملتحمها
والام مايحتاج بحقوقها اشيد =الدين اشاد بحقها ماهضمها
ما قالو الجنه تحت زيد وعبيد=جنات عدنن من تحتهن قسمها
وسمح العقيده منهجن عنه ما حيد=وتبقا المره في بيتها وا حترمها

(اسمحلي مجنون)

(الدين وحقوق الوطن والتقاليـــد=ثلاث هن معنى الحياه وطعمها)
يقولها الشاعر حفيد الأواليـــــــــد=المرشدي بندر بقافه علمهـــــا
وأنا على قافه هجوسي مواريـــــد=أمدها وأصدها مع سهمهـــــــا
كل الحياه أحلام والناس في البيــد=كل ٍ يسابق سيرها ويغنمهـــــا
اللي يساير نهجها يمكن يصيــــــد=واللي يعاكس نهجها ما هزمها
في حال وألا حال لا يمكن تفيـــــد=من غير المله ودينه هدمهـــــا
أمثال منهم يكسبون المناقيــــــــــد=بأفكارهم دارة نوايا رخمهـــــا
فوق المنابرهيجنوا للمفاريـــــــــد=اللي تنادي للقياده بفمهــــــــــــا
شريحة ٍ يا جعلها دائم بعيــــــــــد=عن أمة الإسلام تحضر اقيمهــا
تبا المرأه في المجتمع تطلق القيـد=قيد الحشيمه والحياء من قدمهـا
تقود سياره وتزحم هل السيـــــــد=وتضايق اللي بالقياده زحمهـــــا
في دربها مقفين وألا معاويـــــــــد=هاك الوجيه الطامعه في شيمهـا
تسمع لهم هنات فيها تراديــــــــــد=لأسم المرأه ويا القياده نغمهـــــا
هذي عبيد الغرب وأقول تأكيــــــد=منهم بني علمان واللي خدمهـــا
أذيالهم لأذانهم تنقل الكيــــــــــــــد=ضد البلاد وضد قربا لحمهـــــا
ترسلهم تنصير وتعيد وأتزيـــــــــد=في كل يوم تلمعه في هرمهــــــا
بس المرأه في دارنا سترها عيـــد=مصيونة ٍ والله بستره رحمهـــــــا
من دونها حنا كعام العباريـــــــــد=لا جاء نهار ٍ فيه هبت نسمهـــــــا
كل السعودي صف مهوب رعديـــد=دون المحارم والبلاد وحرمهــــا
هذي رسالة شاعر ٍ ولد صنديـــــد=دون الوطن وأنساه ناره شعمهــا

(محمد غازي النخيش)

لا صار للمعروف معنى وتحميد=وعند العرب ياكم علا قيمها
خلك معي ثم حدد الطيب تحديد=وكل الفرص يالذيب قم واغتنمها
عليك دينن كان لك هم تسديد=ياصعب تسديده على اللي فهمها
هذا الوطن وأنته مع أيامه سعيد=من مبتدأ عمرك هنيت بنعمها
في كل عام يجدد الخير تجديد=ناره لجل شعبه مليكك شعمها
سدد لو التسديد مافيه تشديد =سدد ولو بعضه برفعة علمها
واحذر من اللي ينكر إن الوطن حيد=ويضرب بسهم(ن) سارقه من سهمها
يسعى لتدمير(ن) تشوبه مقاصيد=تقول ماكنه نسم من نسمها
مغسول مخ ولا معه للعرب فيد=وإليا هرج هرجه تبين سممها
ناس(ن) على الخيبه تسوق البواريد=تسوق فكر(ن) بدعته من عجمها
ماجرد الموقف بالأفكار تجريد=ولا حكموا عقل(ن) على محتكمها
مضرابهم مضراب ناسن مقاريد=راحوا ضحية فكرة اللي رسمها
حتيش لو مات بسببكم صناديد=انفوسهم تكرم عن اللي رجمها
وأنتم على الدرب الملوى تراديد=ونفوسكم راحت بواقي شيمها
امغررين اعقول والعلم تأكيد=والنفس للواجب قليلن نهمها
ماهم مثيل اللي على نهج توحيد=ويعطي حقوق كلنا نحترمها
يحفظ حقوق الغير من غير تفنيد=من بعد دين الله بشرحه حسمها
ومادام للمعروف قيمه وتمجيد=حق الوطن نفنى وحنا خدمها

(الحلحلي)

غر الهجوس تجيش فالصدر وتهيد=تطلق محابيس الضماير اذممها
غارات فرّيس الضماير مهاجيد=وغزايز الفكرة مقالع سهمها
وإليا أصبحت بين السهال الجراهيد=تبيّن الوقعة ويرضى حكمها
أناوخ الأفكار وأطلق لها القيد=وآسم غفال ركابها وأقتسمها
لأجل الذي لأجله خلقنا بتحديد=ولأجله فدى روحي ووقفة نسمها
الدين راس المال والعمر تزهيد=وش خانة اللي تبتعد عن قيمها
لأجله خلقنا الله عبادة وتوحيد=والله خلق خليقته من عدمها
يا خير أمة تفعل الخير وتزيد=والله من بد الخلايق رحمها
بأخير دين وبالنبي خيّر البيد=وبأمرٍ بمعروفٍ ونهيٍ وسمها
وأوجب على الأمة بيانٍ بتوكيد=بقلبها ثم يدّها ثم فمها
أمرٍ بمعروفٍ ونهيٍ بتفنيد=من سالف العالم وماضي أممها
وولينا عيّن رجال بواليد=تحمي طيوف المجتمع وتخدمها
يا هيئة المعروف فيدٍ على فيد=سفينةٍ ترسي وتجري قدمها
يا هيئة المعروف ما همكِ كيد=رويبضة روحه شديدٍ ندمها
سفن النجاة مشرّعة غايص الصيد=الله نفع فيها وبأمره عصمها
ربانها نايف يقود الأواليد=ما همها حسّادها لو رجمها
ما دام نايف شبه عنتر وأبو زيد=علّى مبانيها وسدد اثلمها
أقولها من دون شرط وبلا قيد=عاشت رجالٍ ما تخلّي شيمها
للدين مذهب ما يحوّر تقاليد=يا هيئةٍ عاشت ورفرف علمها

(ابراهيم الزراقي)

ياعبيد عيني عافت النوم ياعبيد=جيب الحطب والنار زود شعمها
دام السهر بيني وبينه مواعيد=وشلون ابا ألقى راحتي واغتنمها
مالي ورى الايام غير التناهيد=ونفسي من الغربال وقتي سقمها
كني صويب معالمن جرهد البيد=في ديرتن وبل المطر ماوسمها
يوم اتسمع في علوم الرعاديد=اعيف دنياً مابقى الا نسمها
دنياً بها متغير القصد والميد=وافكار تطرح نصنا مافهمها
ناسن تردد سيرة الفسق ترديد=لجل البني ياعبيد ترخص قيمها
طاحت شيمهم باردين العماريد=يبون كل الناس تطرح شيمها
وشلون يا اهل الخبث لاساقن الغيد=نصير دوله تحتفظ في قيمها
ونقضي على الشهوات ونحارب الكيد=والدين ينشر فالدول ويحكمها
وشلون نقدر نحدي اهل الردى حيد=ونأمن على كف العزاوي وفمها
لاوالله الا ياخباث المقاصيد=حق المره لاجات جنب محرمها
حق المره لاصدت عن المجاليد=ألي مع الاسواق تتبع وهمها
حق المره لاغطت الوجه والجيد=وصلت وصامت واطلبت من عصمها
حق المره حنا هله يالمقاريد=عاداتنا وسلومنا نحترمها
من دونهن ناقف جموع ومفاريد=ومن شانهن كل الحروب نحسمها
عزالله إن الهرج معكم مناقيد=النفس عن بعض الوجيه احشمها
لكن راسي شاش يوم الاجاويد=صاحت تدور فالزمن معتصمها
تكفى يابو متعب صدوق المواعيد=ملت محمد لاينكس علمها
حنا دخيلك من هل المكر والكيد=ومن اليهود ألي تعَبد صنمها

عبدالله العتيبي

سلم على منصـور وثنه على زيد = والرايه الحـرة يرفـرف علمـها
في منتدى الهيلا على ندر الصيد = واحد تقفـاها والاخـر خطمـها
و انا على متنـي نقلـت البـواريد = وسترسلت خيلي وحثت قدمها
يازمــرة الأرهــاب مافـيه تأييــد = أفعالكم عكس الرجال وشيمها
تفجير وستهلاك روح الأجــاويـد = من غير حق وحجتك من خصمها
الدين والأســلام يا قاصـر الأيد = يامجمـع الهـافين تشحـذ هممـها
مامنكم الي يحكم الراي ويجيد = الغـــدر من ميـزاتكـم وفتهـمـها
حنا هل التـوحيد والدين توحيـد = والانت عبد المال تطرد سهمــها
العار فيكـم بين قوسـين تحديد = يامشكلتنا اللي ملكنا حـسمــها
والمشكله منتم على العد وريد = مــع جنبهـا في جنبهـا وستلمــها
تخسـى وكـررها عليكم تراديد = اتهــز عــــرش المملـكه وتهـزمـها
المملكه في ضل روس الصناديد= اللي فعــايلها تبــري ذمــمـهــا
ال السعود مصامدين الصواميد = املوكنا اللي تشتهر في كرمهـا
والا انت لا ذمــه ولا حق ومحيد =ضايع ونفسك ضايعه في عدمها
الله امرنا نحفض الدين ونشيد = ما يحــتويه اناس زايــــد وخمهــا
وانتم عكستو ا صورة كلها كيد = الله يكيـد صدوركم في حممـهــــا
وياللي تغر الناس منت بعلى فيد =ضاعت عليك انياقها مع غنمها
مالك يكــود الذل والغــل والقيــد = افكارك القشرى مورد قيمهــا
جرحت نفسك جر ح ماله تضاميد = فالاخره دربك على درب فمهــا