ياطير ليتك تفهـم الهـرج ياطيـر=حتـى تبلـغ صاحبـي مانسيـتـه
تسرح مع الجهمه عسى دربك الخير=يومين طول الـدرب لامـن بغيتـه
وتصير في داره على حزة عصيـر=قبـل المعشـى تاصلـه والمبيتـه
ثـم بلغـه منـي سـلام وتباشيـر.=واخذ العلـوم الغانمـه لانصيتـه
الصاحب اللي لـه معـزه وتقديـر.=ابن الرجال اللـي تعـلا بصيتـه
حرن ليا صكـت ليالـن معاسيـر.=يكفـخ ولاهمـه هـروج الشميتـه
انا اشهد انك وارث الجود والخيـر=..من عام الاول كل خيرن هويتـه
وختامها عديت لـك قـول تبريـر=قولن مـن الخافـق بعينـك قريتـه

ياطير يومنك تسـج المشاويـر=.الصبح تسرحبه وليلك سريتـه
جيتو من الوادي علينا محاديـر=رغم العنا والخوف ماقد عصيته
ياطير خذلك عندنا يوم ثم طيـر=ود العلـوم الطيبـه لا لقيـتـه
وقله علومـي كلبوهـا مغاتيـر=وبلغ سلاميله ليـا جيـت بيتـه
سند على دارن حموها المناعير=تاخذ ثلاث ايـام كانـك نصيتـه
مر العرايس واكسر يسار للنيـر=عفيف لو يبرالـك النيـر جيتـه
تلقا علاه الناس ورد ومصاديـر=.هذا تـرا لـو يبتعـد ماجفيتـه
وقله ترا يمكن نجيهـم مساييـر=فوق الونيت الي قلب لون زيتـه
من وارد اليابان صنع المواطيـر=ورد قدم عشرين عـام وشريتـه
اقطع علاه البعد مافيـه تقصيـر=وليا استوا القار أستوي ثم كويته
جا للبواجي صفق هي والجنازير=وصفايت البنزين لامـن سقيتـه
في خلق ربي كنهـن المناخيـر=إتصفي البنزيـن عـن كربليتـه

المشاركة الأصلية كتبت بواسطة الراي السديد (المشاركة 981334) صوت و صدى على مستوى كبير لاهنت و صح لسانك يا باين و لسان خويك و الله يحيك و مرحبا بك

المشاركة الأصلية كتبت بواسطة الدجيماء (المشاركة 981335) حياك الله بين اخوانك .. وان شاء الله تفيد ونستفيد منك ..!! صح لسانك انت وخويك ... عز الله مافيكم حيلة .. الله يعين وارد (( التسعين )) عليكم ..ههه .. بيض الله وجيهكم .. امتعتنا صراحة .. ولاتحرمنا جديدك ..!!

المشاركة الأصلية كتبت بواسطة ولدعساف (المشاركة 981391) صح لسانك و لسان خويك عدد بلا مدد... تقبل مروري... محبك... :)

المشاركة الأصلية كتبت بواسطة نمرً المقآطي ] ’ (المشاركة 981393) غيـر ظآهر .. !

المشاركة الأصلية كتبت بواسطة خالد الرويسي (المشاركة 981403) صحت الالسن والقلوب لاهنت على المشاركه http://www.samysoft.net/forumim/other/1/gbhfghf.gif

المشاركة الأصلية كتبت بواسطة صالح بندر الدعجاني (المشاركة 981606) صح لسانك والله يعطيك العافيه وبتوفيق

المشاركة الأصلية كتبت بواسطة أبن عتقان المغيري (المشاركة 1009155) قصائد جزلة صح لسانك يا باين أنت وخويك ماهو غريب الجزالة على شعار البواين تاج راسي باين المغيري شكرا لك على هذه القصايد الرائعة ننتظر جديدك