ثكلتك امك يا اوباما = ماهذا اللي تقوله من كلاما
بانه صعب تحقيق السلاما = وحنا نحسبك راعي صماله
مضالك يا اوباما عام كامل = وكنا فيك يابن الناس نامل
ونقول انك على اعدانا تحامل = واخاف انك تسويها نذاله
وعدت الناس بحلول كثيره = وقلت انك معك علم وبصيره
وصارت ثرثره من غير خيره = مثل حل القصيبي للبطاله
ولكن القصيبي ماهومثلك = ابه ميزات ماتوجد بشكلك
وش اصفلك وش اترك ما اصفلك = اديب وشاعر وصاحب مقاله
وانته يا اوباما عمرك اربع = سياسياً وفي الاربع تجربع
وبعدها من على الكرسي تقربع = وغازي غير مانلقا بداله
وزير ومزمنه معه الوزاره = ومعها قد شغله كم سفاره
وعارف وشهي اداب لحضاره = لجل ذلك حفظ حق العماله
لدينا يا اوباما عبقريه = ماتوجد في امريكا الاتينيه
ولا اوربا ولا االروس القويه = تقدمنا وكلاً في مجاله
تقدمنا في تربية المواشي = وفي المنسف وفي المكبوس حاشي
وفي شرب الحليب من الغراشي = ومن لاذاقها عزى لحاله
وهذا هو قليل من كثير = لاتستغرب ولو معكم نطير
ولا نعلم متى هذا المصير = ولكنه سياتي لا محاله
وانا خايف نطير ولا نعرج = لان الارض مافيها مدرج
ياملك الغير ياملك المحرج = وملك الغير ممنوع انتحاله

المشاركة الأصلية كتبت بواسطة (النايف) (المشاركة 983799) صح السانك بارك الله بك , شكراً أخي الكريم

المشاركة الأصلية كتبت بواسطة أسير القوافي (المشاركة 983898) الله الله الله صح لسانك أستاذي : شعيل الزلامي .. :) لاهنت .. ألممت بالموضوع خير إلمام وإتضح رايك من خلالها بسلاسة شاعر محترف ... دمت كما كنت :)

المشاركة الأصلية كتبت بواسطة الراي السديد (المشاركة 984011) بيض الله و جهك و صح لسانك يا الزلامي

المشاركة الأصلية كتبت بواسطة محمد الحميدي (المشاركة 984058) صح لسانك يالمبدع

المشاركة الأصلية كتبت بواسطة مرزوق الجعيد (المشاركة 984082) صح لساااااااااااانك يا شعيل قصيده رائعه بروعة كاتبها تحاكي واقع السياسه الساخره واوضاع الامه العربيه والاسلاميه لاهنت يا الزلامي على الابداع مميز دائما

المشاركة الأصلية كتبت بواسطة ابو ضيف الله (المشاركة 986411) صح لسانك يا شعيل على هذه القصيدة الممتعة والساخرة واوباما اعترف بانه كان متفائل وعقبال القصييبي واخوانه يعترفون واعتقد انهم سوف يعترفون بذلك اذا رجع اللبن إلى الضرع

المشاركة الأصلية كتبت بواسطة قنوع النفس (المشاركة 989221) الله الله الله ابيات مع انها طريفة لكن جزلة

المشاركة الأصلية كتبت بواسطة بنيدر (المشاركة 991443) لاهنت أخوي شعيل صح الله لساك