يقول من ينظم بيوت مجده = ابيات منظومه بفن ومهاره
من بحر هايج وان تحرك بمده = مده يجي أعلى من جبال قاره
البارحه جريت صوتي لحده = صوت(ن) تعلى صوت راع المناره
من هاجس(ن) دك الحشا لين هده = سلط جيوشه واطربه صوت طاره
يامل عين(ن) ماتعرف المخده = وعزيل كبد(ن) تصطلي من حراره
أسبابها قوم(ن) غدة مستبده = ناس (ن) تشن الظلم في كل غاره
معهم من الشيطان من كل عده = خاط القميص وزر محكم زراره
وشلون بصبر والصبر باح سده = وصبر(ن) على هالجور ماهو شطاره
عزمت اسرج كل سرج(ن) واشده = واللي مهوب حصان فوقه وثاره
من لايعدك مكسب(ن) لاتعده = لك راس مال اما حسبته خساره
فصل له الملبوس تفصيل قده = واحذر تعم وخل للضرب شاره
جازه بسياته وجازه بصده = خله يذوق من الكدر والمراره
ولابد عسرات اليالي ترده = ويقتص راع الثار في رد ثاره
اما حياة(ن) هانيه مجرهده = واللا عراك ما يوني غباره
وباب(ن) يجيب الريح حنا نسده = الحر حر ويفتهم بالاشاره
هذا كلام اللي بيوته مجده = لامن نظم ينظم بفن ومهاره

المشاركة الأصلية كتبت بواسطة ابن _عاصي (المشاركة 996579) ولابـد عسـرات اليالـي تــرده ويقتص راع الثـار فـي رد ثـاره صح لساااااااانك وبيض الله وجهك

المشاركة الأصلية كتبت بواسطة محمد عويض الثبيتي (المشاركة 997941) وباب(ن) يجيب الريح حنـا نسـده الحـر حـر ويفتـهـم بـالاشـاره هـذا كـلام اللـي بيوتـه مـجـده لامـن نظـم ينظـم بفـن ومهـاره سالم وغانم صح لسانك تقبل مروري

المشاركة الأصلية كتبت بواسطة معلا إبراهيم الأسعدي (المشاركة 997972) صح لساااااااانك وبيض الله وجهك

المشاركة الأصلية كتبت بواسطة جهز العطاوي (المشاركة 999471) وانت سالم وغانم صح الله لسانك وتعلى شانك ياراع الزلفي تحياتي لكـ وتقديري

المشاركة الأصلية كتبت بواسطة الكنق 2011 (المشاركة 999636) صح السانك يالذيبان

المشاركة الأصلية كتبت بواسطة ابراهيم الزراقي (المشاركة 1000812) راع الزلفي صح لساااانك ابيات جميلة وتستحق الاشادة تقبل مروري يابن العم

المشاركة الأصلية كتبت بواسطة أبو فيصل الدلبحي (المشاركة 1001474) صح لسانك ياراع الزلفي جزله من جزل ننتظر جديدك