معشوقتي من لّها غيري وأنا من لّـي=ما تعشق إسواي وأنا ما اعشق اسواها
ان كان جانـي بعَضهـا جيتهـا كلّـي=وان كان راحت , عيوني نثّرت ماهـا
عشقتها , سالفة مجنون ليلـى اللـي=ما ضيّعه مـن حياتـه غيـر فرقاهـا
ياناس والله لراحـت لـي كمـا ظلّـي=ما فيه لحظـة تمـرّ بـدون طرياهـا
يمرّنـي طيفهـا يـوم إنّـي أصلّـي=واحاول أحسب كم الركعات ؟ وأنساهـا
حلاوةٍ قلت حلّي يا حلا حـِلّي=ملكك عروقي من أدناها إلى أقصاها
في داخل القلب مالي غيرك مسلّي=بسّ أتغدى طيوفك وأتعشاها
يا بري حالي , ويا ويلي , ويا غلّـي=الله يعـجّـل بلامـايـه ولامـاهــا
يلومنـي واحـدٍ ماهـو صديـقٍ لّـي=يموت ما شاف ميـزة مـن مزاياهـا
ماشاف ريـم الفـلا مزيونـة الدّلّـي=اللـي ينقّـط عسلهـا مـن شفاياهـا
ربّي كساهـا لبـاس الزّيـن بالملّـي=في صـورة البـدر عدّلهـا وسوّاهـا
أخذت من الزيـن حتّـى فلّلَـت فلّـي=ويوم إكتفت , شاتت الباقـي برجلاهـا
والباقي الفائض اللـي شاتتـه خلّـي=تقاسمنّه " عبيـر أحمـد " وشرواهـا

المشاركة الأصلية كتبت بواسطة ربعي عتيبه أخذت من الزيـن حتّـى فلّلَـت فلّـي ويوم إكتفت , شاتت الباقي برجلاهـا وصل العطياني ؟؟؟ أقسم بالله لم يشدني أنتباهي شاعر من اللي يكتبون فالمنتديات كما شديت انتباهي انت فالله درك ياولد احب اقولك شي واحد بس انت داهيه شعريه

الأخ الغالي : ربعي عتيبة

أشكرك من كلّ قلبي على إشادتك وعلى إطرائك ...

واعلم أنّ ما قوله هو تاج على رأسي ..

ووسام على صدري ..

آمل أن أكن عند حسن ظن الجميع ...

وأن أنال رضى الجميع ...

لك خالص التقدير والإحترام ...


تحياااااتي

المشاركة الأصلية كتبت بواسطة بعيد المرامع يالربع ان قلنا.. روعه وابداع ... ماجبنا شي جديد .. ونقلنا جزاله .. برظو قديمه ونقلنا ..داهيه شعريه و وو ... قليله في حقه ... الخاتمه .. لله درك .. من شاعر .. وصح لسانك ..وبيض الله وجهك ..ولاهنت بعيد المرامع

صح لسانك يا وصل

لا خلاني الرب منك

قصيدة اكثر من روعه

اخوك انا

ولد العربــان