هلا يامرحبا بالي يحاول يلفت الانظار = وحنا خابرين الي يودي العلم ويجيبه
تحزم واحتزم مادام لك قدره على الشعار = ترا ماكل طير ٍ حام جرٌاحه مخاليبه

يدوم الك البقا يالشاعر الي فالنقا ينسار=ترا ضيف الشرف معروف في حكمة معازيبه
حزامي ما يضامي وابشر ابشر بالسيوف ابتار=وعلى وقت الشدايد يا ولد ما خاب ظنيبه

عليك الله وامان الله مدامك ضيفنا والجار = انا مخطي على ضيفي ولو كثرت عذاريبه
رصيدك كم ماودي عليكم نرفع الاسعار = هذا سوق الغلا ماكل تاجر ممتلي جيبه

ترا نور القمر ياصحابنا ما يطفي الانوار=وكل رجلن يسوي في حياته من تجاريبه
معي مخزن من الفضه معي صقرن ليا من طار=يبا يكسر جناح الطير ويضيع مضاريبه

انا بقرا عليكم نشرة الارصاد والاخبار = وابيك تحلل الاخبار دام العلم تدريبه
اشوف الناس ضاقت من سبايب خلطت العطار = يخلط المسك والعنبر على آخر عمره وشيبه

تقدم وادحم الدعوه وخلك فارسن مغوار=وشين ماتبيعه يا صحيبي منت شاريبه
هذا علم الزمن لكن خله يحترق بوجار=وليت العلم يا ولد العرب تحمد عواقيبه

’ نمـر المقآطي .

على كثر النجوم الي تدور وتحتها الاقمار = يضيع الساري الي في ظلام الليل تسريبه
ابو لحيه في تال الوقت باع الدين بالدينار = زمانن يالمقاطي مانصدق في تعاجيبه

على كثر الرجال الي على الشدات ما تحتار=يضيع الحق ضيعه ضنتي منته مهقويبه
وراع المنصب الي بايع لشعبه على الاسرار=يبيع الشعب ولا الشعب والله محد داريبه

يموت الذيب سرحان ويعيش الثعلب المكار = وابو وجهين بين الناس له سمعه وله هيبه
بعد ماعوٌدت ياصاحبي بين الحطب والنار = ابو زيد الهلالي بين تشريقه وتغريبه