ابن رشيد ايصيح والباب مقفول=يبا يشوف الكنز وازرى يشوفه
ماله على اللي صار قوّه ولا حول=ومن القهر عوّد يصفق كفوفه

ماني عن البيبان والبيت مسوول = وانته عيونك شافت اللي نشوفه !
الحضرمي عيا على جرّة الفول = يمكن على الجره لحقه الحسوفه !!

الجادل اللي قرنها كان مجدول=من بيت ابو ها باليدين امخطوفه
ثلاثة الاهرام في دار ابا الهول=و اوصافهم عيّت تطابق وصوفه

خذها على السنه ولاهو بمعقول = تخطف بنات الناس فيها كلوفه !!
الناس فيها شبه جاهل ومهبول = وفيها رجال ٍ بالفعول امعروفه !!

عليك راحت ,,, مير لا يكثر القول=وقلبك حزين وخيّم الهم جوفه
لا شك مايقض الغرض كل مبدول=قد قالها عبدالمعين بحروفه

انت ولد رجال وتقول وتطول = وان روحت عندك نقول امخلوفه !!
الخير فيكم عقب مامات مامول = لو الزمن كثرت علاكم ضروفه !!

اهرج معي بكره ليا وصلك الدول=خصمك ذياب وقام يشهر سيوفه
مع البهيته مايصير له مفعول=وارد عراوي حين نكتم بلوفه

يوم النحر مقبل لكم ياهل الضول = كل ٍ نهار العيد ذكى خروفه !!
ونيتكم حمّلته اعفوش واحمول = وارد مريكا كيف تقدر تطوفه !!

يوم النحر طير السعد يفرس الجول=وانته ضحيّه بالسهوم محذوفه
حنا حمول الخيل ونقول ونطول=حريبنا دايم نفرق صفوفه

انتم جماعتنا رياجيل وازحول = ماهمكم فالوقته امانه وخوفه !!
ماعاد يبقى فالمحاني ولو زول = لو ان يوم الحرب تضرب دفوفه !!