إركعي يا بيوت الشــّعر لعيونها = وإسجدي للرموش وهللي للجبين
واكتبي / وصل بن مشهور / مجنونها=معترف بالجنون ولا يبى شاهدَين
لا متى والعيون تهلّ مخزونها=لا متى والفؤاد يحزّ فيه الحنين
لا متى والوعود يحال من دونها=لامتى منتظر وأقول يمكن تجين
آآآه من علةٍ بالصدر طاعونها=آآآه من حبــّك المخزون لو تعـــْرفين
مرةٍ تمشي العبرة على هونها=مرةٍ " أربع أربع" .. مرةٍ أربعين
عبرة الشوق مدري وش يسمونها=الوكاد إن عين تـــْغار من دمع عين
ثم بعد التجاكر هلّت مزونــــها=مثل وبل السحاب اللي يهلّ الغشين
لين صدّعــْــت , مدري حالي شلونها = لا البنادول ينفعني ولا الإسبرين
الوكاد إن جنــّي جنــّت جنونها=بس بصبر وجعل الله مع الصابرين