يا ساكنة في القلب يا حسنائي = روحي مع الدمّ لْجميع أجزائي
أنا أحسّ أحيان ماني شاعر = وأحسّ كل المجتمع غوغائي
إلاّ إذا سوّيت فيك أبياتي = أحسّ عمري شاعر إستـثـنائي
ما كنّ فالشعّار شاعر غيري=على النوادر بصمتي وامضائي
أزيِّن أبياتي بقوّة شِعري = ماهوب من زِيني وزِين إلقائي
أنا وطن كلّي شعورٍ صادق=فرشت لك بالياسمين أرجائي
أغري هواجيس الشعر وأغريني=مافيه غيرك يستطيع إغرائي
في شوفتك ترقص بنات أفكاري=وأفدي هدب عينك بدمّ أشلائي
إن عشت حبّك في عروقي يمشي=وإن متّ يمشي في عروق أبنائي
أهل التجارب قالوا الحبّ أعمى = طالبك خليني على عميائي
عرش الغرام مجوّده بكفوفي=وأسمّي أعداء الغرام أعدائي
المجتمع ما فيه ما يجذبني = من طيبتي مدري من إستعلائي
حتى السلوم الأولة ما تلزم=وحتى الصداقة ساسها عشوائي
أسوي المعروف فاقرب صاحب=وينسى ويزرع خنجره باحشائي
من يصنع المعروف في غير اهله = كمن يصبُّ الماء في البطحاءِ

إن عشت حبّك في عروقي يمشي ** وإن متّ يمشي في عـروق أبنائـي

-----------------------------------------------------------------------------

من يصنع المعروف في غير اهله ** كـمـن يـصـبُّ الـمــاء فـــي البـطـحـاءِ

----------------------------------------------------------------------------

ياسلام سلم ,,

صح لساانك ,, ورقا شاانك ,,

نظم ومحااورة الله لايضرك ,,

وعلى قولة الشهرااني " النابغة العطيااني " ,,

لاهنت ولاتحرمنا جديك الله لايحرمناااك ,,!!!

ورب الكعبه انك داهية شعر

المشاركة الأصلية كتبت بواسطة محمد ابن رووق (المشاركة 1025750) قسم بالله انك مبدع واستثنائي إن عشت حبّك في عروقي يمشي وإن متّ يمشي في عروق أبنائي البيت ذا احس انك تعشق جنيه:)

المشاركة الأصلية كتبت بواسطة أبونواف (المشاركة 1025756) صح لسانك ياوصل العطياني ابيات روعه والله يعطيك العافيه كل بيت أجمل من اللي بعده