سلام تسليم الوفاء للرياجيل=طرقي وكنه جالساً في محله
يالي كسبتوها على جرت الخيل=الله يبارك ف/الجبال المضله

يامرحبا ترحيبة البن والهيل=والطيب فالاجواد طبع وجبله
حنا حلاحيلن ذخاير حلاحيل=وانتم لكم فالوقت مذهب ومله

دام البقا والوقت هذا غرابيل=والدرب واضح والعوارف تدله
ماذمكم والدعب يفرق عن النيل=يالي تعاين ف/النجوم المطله

كل الحمول الجايره زمها شعيل=وايات دارن يانداوي وصله
مابه حمامن زاجلن للمراسيل=وانظام ( واصل ) شايفن فيه خله

ليتك تركب يالعتيبي درابيل=يمكن تشوف الي بوسط السجله
جتك الاباعر كلبوهن مباهيل=يالي تقول اصرارهن من يحله

الناس تعرف وش ورا بارد الحيل=لاحامين دارن ولامستحله
ان كان جت عندي لها ميسم الويل=مثل الشهاب اليا نزل من محله

فاحت دلالك يابديع التعاليل=وقنادها ياصاحي الفكر.. زله
ياشبل وشعلمك تنطحت للسيل=واكبود بعض الناس لجلك مغله

المشاركة الأصلية كتبت بواسطة العازمي (المشاركة 1039505) اسمحولي اشارك معكم واطلع على الابداع الصباحي نداوي - شبل صحت قلوبكم والله

المشاركة الأصلية كتبت بواسطة عبدالمجيد النفيعي (المشاركة 1039697) صح الله ألستنكم يالإثنين ولا عاد تحرمنا يالنداوي من هالمشاركات