مرحبا في الساعة اللي غاب وجه ابليس عنها =غاب عنها وان حضرها يعلم الله وش مصيره
لو نشدنا عن سيور اهل الجزيره من دهنها =وش جوابك وانت ثعلي عايشٍ وسط الجزيره

البقا و الجابه اللي قلتها مقسمك منها=لين ما يبقى لاحد غيرك كبر حبّة شعيره
شرهتي فوق الرفيق اللي هروجه ما وزنها=الله اللي يعلم الظاهر و مكنون السريره

بيني وبين الجنازه لاتوقف ياكفنها =ودي اصلي عليها ياعسى فالامر خيره
يالرفيق ام الكباير لاتغدى من صحنها =ملحق اللقمه ورى اللقمه عواقيبه خطيره

الكوارث يالعطاوي كل مره تحتضنها=ما هي الاولى و لا هي يا ولد عيد الاخيره
القيامه ما هي بعيد الزمن هذا زمنها=الوزاره سلموا حاكم ختم شيخ العشيره !!!

مبطيٍ وانته حمام الدار ترقص مع لحنها =مره لحونٍ طوال ومره لحونٍ قصيره
الخيال اللي بروقه تجذب البدو وضعنها =من عطاه تعيش قوم ومن عطاه تعيش ديره

فالبيوت العامرات اللي تذرّي من زبنها=لا تجيبون السلاح و لا تجيبون الذخيره
الحضارم في عدن يا ليتها تمسك عدنها=السنه هذي ترى ما بيننا رفقه و جيره

كل من قدم بضاعه لازمٍ يقبض ثمنها =مايعديها كذيا غير عميان البصيره
حافر الحفره لواصّبح والدعاوي مادفنها =والله اني لحذفه في وسطها واحذف شويره

حاكم أوحى الناس تلعن زمرة إبليس و لعنها=ليش يوم يضيق من هذا الخبر ما ضاق غيره ؟؟؟
الثقه فالنفس و اللي في ضميره ما ضمنها=ما يكلّف بالمهمّات الصغيره و الكبيره

يوم اغني معك خابر حضرتك تامر وتنها =مستشارٍ للقبيله مايخيب من يشيره
ماغبني غير ديس الخلفه اللي في وطنها =تطّحن مثل البعير ولا بغت تهدر هديره