قبل مابدأ شي اسوي له دراسه = وانتبه لاجيت اسلم واستلم به
والطريق افتح عيوني لا مشيته= ما مشيت الا على درب الشكاله
احتزمت بمحزم ٍ من طيب ساسه = سعد منهو بالشدايد يحتزم به
فزعته تشفي غليلي لانخيته = والمراجل سلم ابوه وسلم خاله
ابو ماجد لو يشوف الموت داسه = لا ذكر طاريه قلنا والنعم به
صاحبٍ عالي مقامه واشتريته = لو يطول الوقت مانبغى بداله
وافي ٍّ كل الشجاعه وسط راسه = في ظلام الوقت كنّه نور لمبّه
كل ماجيته على الهقوه لقيته = شال حمله بالمراجل وارتكاله
يرتكي للكايده من قو باسه = والمروّه والشهامه والكرم به
لو ماهو قد هذي مانصيته = الردي محد ٍ من البعد ايعناله
الامور الكايده تبغي فراسه = والرجل لاقال قوله يلتزم به
يابو ماجد يوم جينا وسط بيته = ليه ماكمّل مواجيب الجماله
من لبس له ثوب ماهوب بمقاسه = مامعه عقل على الشي يحكم به
وانت ماقصرت في شي بديته = جعل مثلك بالحياه يطيب فاله
الشدايد حلها يبغى سياسه = والردي محد ٍ من الناس يحلم به
من تجاهلني جهلته وازدريته = والبخيل ابخيل لو يكثر حلاله
الله اكبر صار بالعقل انتكاسه = والمغيّب ماسوى الله يعلم به
والنصيب يجيك لوّك ماهقيته = ماكتبه الله ترى سهل ٍ مناله
الهدف يحتاج تخطيط وحماسه = تعرف الوقت المناسب وتهجم به
ابذل المجهود في درب ٍ نويته = بالعزيمه ماش حاجه مستحاله
والحظوظ ان كان جا فيها نحا سه = كل ماتدخل تحدي تنهزم به
اتجه للي يعزك لارجيته = مايضيع اللي على الله اتكاله

المشاركة الأصلية كتبت بواسطة نياف العتيبي صح لساااااااانك يامرزوق جززززززززله من جزززززززل عادتك ياطيب الجزلااااااااااااااااااات اخوووووووك النااااااااااااايف

الطريق افتح عيوني لا مشيتة = ما مشيت الا على درب الشكالة

المشاركة الأصلية كتبت بواسطة دريد ابن الصمة الطريق افتح عيوني لا مشيتة = ما مشيت الا على درب الشكالة الله اكبر على الابداع يا مرزوق .... جزالة ... روعه .... ابداع .... تميز صح السانك يا مرزوق .. وتقبل خاالص تحياتي

قبل مابدأ شي اسوي له دراسـه=-وانتبه لاجيت اسلم واستلـم بـه
والطريق افتح عيوني لا مشيتـه=ما مشيت الا على درب الشكالـه