| أبونايف الروقي |
21-Jun-2010 03:31 PM |
من لابتن في نهارن فيه مثل الرعود
أعضاء وزوار منتدى قبيلة عتيبة الهيلا
السلام عليكم ورحمة الله وبركاته
من أجمل ما في هذه الحياة أن تتعرف على بعض الرجال الطيبين الذين يحصل بينك وبينهم علاقات طيبة أخوية تربطها الأخوة الصادقة والنخوة المتأصلة في نفوس الرجال فهناك الأخ العزيز / محمد بن ذياب الدغيلبي العتيبي حفظه الله رجل تربطني به علاقة أخوية صادقة . ولما يتميز به ذلك الرجل من صفاة حميدة كتبت فيه هذه القصيدة التي أمل أن تحوز على ذائقة قرائها
اهجر بيوت القصيد أحيان لشك اعود =أكتب بيوت الشعر وأسطر أمثالها
تارد عليّه كما ورد الضوام العدود =واطول احبالها واقصر احبالها
اطول احبالها في مدح اصيل الجدود= واصدها عن ردي الناس واحثالها
لاياحشودن وراك من القوافي حشود = تفضلي في حمى صيدك ومدهالها
نسنس نسيم القوافي والنسانيس نود =وبحور شعري تهيأ واتهيالها
ابامدح الطيبين ولاعليه قيود =كساب قولة نعم كم واحد قالها
ولايكره الطيبين إلا الغبي والحسود =تبا تسوي كماها بس ماجالها
واللي شهد له بطيبه من صديق ولدود =وأفضل درجات فخر المرجله نالها
اللي على مرقب العليا تعلى سنود =وليا رتكى للحموله مـا اعتذر شالها
أن كان ج(ن) الدعاوي حبلهن معقود =يحلها ما بلش في عقدت احبالها
وينصاه من حده الضيم وحدته الضدود=وحاول جميع الحيل لكن ماحتالها
لاجات لمحمد بن ذياب تركد ركود =حيه وياحي هاك الدقن واسبالها
من لابتن في نهارن فيه مثل الرعود =يوم الثميدي كما الزلزال زلزالها
تارد على الموت مافيها ذليل وشرود=وقحص الرمك من خطرهم ترمي اعيالها
والطيب ما يجحده ياكود رجل جحود =ومن تجحد الطيب فال الله ولافالها
الطيب بين العرب من عصر عاد وثمود =ويشهد بطيب النشاما ماضي افعالها
ويمدد الله بقاه وحزته في الوجود =رجل المراجل وفارسها وخيالها
|
