يالله يالي تعلم الاسرار عالم كل غيب= ياعالم الدنيا وعالم في جميع اسرارها
يالواحد القهار يامخلص طليباً من طليب= وانت الذي تعلم خوافيها وكل اجهارها
مافيه غيرك ياالاهي فوق هالامه رقيب= ((( اتذل دايم من تشى والطيبين تختارها )))
علام ماتخف الصدور ولاش في جاهك غريب=ومفرقاً بين اليدين يمينها ويسارها
الملك الك ياخالقي مافيه في جاهك صعيب=تكشف عن اقلوب العباد الى نويت استارها
حاضر ودايم ياالاهي عن عبادك ماتغيب=وانت الذي تعلم بدورات الزمن واقدارها
الى رضيت انته عبادك لاتود ولاتجيب= سو تحل اشوارها والا تعقد اشوارها
وانا اعرف ان الرزق منك وجاهنا حض ونصيب=((( والناس عندك وحده اكبارها وصغارها )))
وعهد اً علي الناس وحده من بعيد ومن قريب=والناس اخاطبها على قول المثل بالفكارها
واللي تجود في عراك يفوز دايم مايخيب=وان مارفعت انت العرب مايرتفع مقدارها
علام ماتخف العباد وسامعاً صوت الدبيب=مالي يكود انته ليامن نوخت بزوارها
ذكرت في فكتابك كذا ماسلم من قومه شعيب=ولافرق مابين البشر عبيدها واحرارها
مادام اخافك للعباد يطيب والا لايطيب=((( الجنه ماهي عندها والنار ماهي نارها )))
قال المثل ياخالقي رضى هذا العالم صعيب=والسلافه ميرادها ماهو كما مصدارها
كسب ونعم تبغا تجيبه ماتجيبه بالغصيب= وهبه من الله للرجال اللي رفيع شعارها
كلن لقيناله طبيب الا الكذب ماله طبيب=ونفساً تبا تكذب نهار العرض وش معذارها
هذي تجاريب الزمن والتجربه ماهي بعيب= ((( العيب الي بالكذب تبا تعز اجدارها )))
((( وختامها ياخالقي ازكى صلاة على الحبيب )))=ويستاهل اللي مايدور فالرجال اخيارها