شفنا جبل ورقان ضلعٍ منيف=مثل الهدا فى الحجم والمستوى
لكن ضلع الطور ماله وصيف=معروف فى الواد المقدس طوى

شوفك سليم ولانظرك بضعيف=فيما يرى قدمه ماضل وغوى
مع قدرة الله كل ضلعٍ خفيف=اليا عرفت الله شديد القوى

اي بالله ان الشوف ماهو كفيف=اعرف لون الذيب لو ماعوى
وانته وانا متقاسمين الرغيف=من يوم قررنا نسافر سوى

يالوسمي اللي جيت في فصل صيف=ريحك عرفته مع نسيم الهوى
عوّد ترى مامن تمر في عفيف=اغنى ولد فيهم يمص النوى:)

ههههه

قبل امس يوم البرق جاله رفيف=ابا الحصين انحاش ثم إنزوى
ماجيت ادور غير راع القطيف=ابنحر الاربد واذكي الحوى

صح بدنك ياسلطان

ما احدٍ يلومه في النهار المخيف=اليا ضبح والا بجحره صوى
اجرح وداو ولا نقول لك كيف=اهم شي الكي قبل الدوا

صح السانك ياجبل ورقان استفدنا منك لاهنت

والختام لك

تصبح على خير

خله يولي يوم ماهو نظيف=الجندي اول مايهم اللوا
لن حك عود بعود كفي ذريف=اولع النيران فوق الشوا

اليا ضميت الماء بدلة حنيف=ابرد من القربه وعدالروى
فقه الفرايض ماغواه الحصيف=ولكل مسلم وإمرءِِ مانوى