الا يابن صنهوت أليا نخيتك نخـوة المحتـاج=أنا فـي سـد وجهـك لا تكسـر مجاديفـي
بغيت أتصل ولين في بعض الكـلام أحـراج=وجريـت صوتـي فـي طويـل المشاريفـي
أبا مـن ورى شـرواك ياخالـي المخـراج=ومثلـك وقفـتـه معـروفـةٍ فالمواقيـفـي
ياكبتن الرحله اللي رستبـي علـى المـدراج=يومـن العلـوم أمصلحـه فـأول الصيفـي
ياهـداج تيمـا لا بخـل فـي كفـه الدلبـاج=ياعـز الرفيـق أليـا حدتـه الصواديـفـي
يازيزوم اللزوم ان كان درب اللـزوم انعـاج=وخوي السعه في ساعـة الضيـق ماشيفـي
أنا لا ذكرتك خاطـري عقـب الكـدر ينبـاج=لون الزمـن للحيـن ماجـاء علـى كيفـي
عرجبي وليفي للحجـاز ورحـت فالمعـراج=وقلبـك عـارفٍ ولـف القلـوب المواليفـي
يبـا منـي الانتـاج وانتـاج مـاش انتـاج=لـوازم حبيـبـي ماقضتـهـا السواليـفـي
وأنا مابدعت القـاف فسعـود ابـن مـدلاج=ولا فـي سعـد علـوش يامكـرم الضيفـي
ترى ماكل هرجن ينهرجبـه علـى الهـراج=ولا كـل دعـون تعترضـهـا العواريـفـي
لوني على قلبـي مـن الهـم مثـل الصـاج=أموت ولادرى عن غايتـي نـذل وضعيفـي
لاكن أسلم يابن صنهوت وآسف على الازعاج=ولـك كـل تقـديـري وودي وتشريـفـي

’’’’’’’’’’’’’’’ ’’’’’’’’’’’’’ ’’’’’’’’’’’’’ ’’’’’’’’’’’’’’ ’’’’’’’’’’’’’’’ ’’’’’’’’’’

هلا مرحبا مالاح برق سرى لعاج=بعرض المخايل لا لعج بارق الصيفي
بقاف من اللي له على الطيبه ميراج=نصاني بقاف فيه شرح وتصنيفي
الا يا طلال الوضع يالقرم ما يحتاج=يا ليت اتصلت ولا عسفت المعاسيفي
لقيت القذيفه تمترح داخل الامواج=وانا ادخل على الله من جميع الصواديفي
تدور الليال وكل يوم لها منهاج=وزمان الشقا يا خوك ضيق محاريفي
ترى الخافي اعضم وانت تدري عن (الحَجٌاج)=ولا فيه داعي نشرح الوضع ونضيفي
ولا دونها يابو رغد ضبة وسياج=ترى العد تنشفه الدلي والمغاريفي
عليه الضوامي يابن ناشي تجيه افواج=عسى الله يبدل حزة العسر بالريفي
ولكنك ابشر يالبناخي وفل احجاج=انا درع جمبك فالليال المقاضيفي
ولا فيه عسر الا يجي بعده الافراج=توكل على اللي صرف الكون تصريفي
وخل الدعاو الباقيه داخل الادراج=انا وانت تلزمنا حقوق ومعاريفي

المشاركة الأصلية كتبت بواسطة النشمي (المشاركة 1079151) ياسلام يابن صنهوت صح لسااااااااااااااانك مليون

المشاركة الأصلية كتبت بواسطة طلال ناشي (المشاركة 1079185) صــــــــــــــــح ألساااااااااااااااانك يابن صنهوت إبدااااااااااااااااااع * ابداااااااااااااااااااع رديت وكفيت ووفيت بيض الله وجهك تحياتي وتقديري

المشاركة الأصلية كتبت بواسطة زياد المزرمي (المشاركة 1079195) الله الله صح اللسانك يابو سعد صوت وصدى ولا ارووع :) لا غراابه عندما يجتمع شاعرين مشهود لهم من خلال طرحهم الراقي تقول وتطوول يابو سعد لك خالص تحياتي

المشاركة الأصلية كتبت بواسطة نزهان الروقي (المشاركة 1079836) الله الله إبداع يابن صنهوووت وخل الدعاو الباقيه داخل الادراج انا وانت تلزمنا حقوق ومعاريفي ارفع لك عقالي

المشاركة الأصلية كتبت بواسطة فهد علي العازمي (المشاركة 1080254) صحت قلوبكم جميعاااااااا جزلين ولافيكم حيلة

المشاركة الأصلية كتبت بواسطة محمد غازي النخيش (المشاركة 1080546) ابدعتو يالاثنين صحة السنتكم جميعا على ماقدمتو ولاتحرمونا جديدكم

المشاركة الأصلية كتبت بواسطة عبدالله الجـــذع (المشاركة 1080548) الله الله الله الله عمالقه شعر وجزاله كفو والله استمتعنا بـ هالصوت والصدى لاعدمناكم ننتظر الجديد محبكم

المشاركة الأصلية كتبت بواسطة سعود العصيمي (المشاركة 1080602) صح لسااااانك مليوووون يابن صنهووت وبيض الله وجهك ابدعت بقووه ولاغرابه في ذلك. وبصراحه انا مستغرب ان هذه القصيده للشاعر طلال بن ناشي شاعرنا المعرووف . ولكن على كل حاااال نقول صح لساااانك يابن ناشي

المشاركة الأصلية كتبت بواسطة ولدعساف (المشاركة 1080612) لله دركم يالاد عـالي مبدعين .. صح لسـان بو رغد وصح لسـانك يابن صنهوت !! ,, دمتم بودّ :)!!